Marako 5
5
1Kandi mubahika eyeserya yenketzi omu kitaka ekya Bageresene. 2Kandi abere amalwayo omu bwato, eryoneryo omuntu enyaneho omulimu omubi ayalwa omu sinda, mwamusangana, 3awonyaga omu sinda: kandi sihali omuntu eyowasobola erimuboha, muhanabya omu lujegere, 4baitu emyanya eminene mubamuboha nebisengo nesyensegere, mwatwasyo esyensegere, mwatwatwasyo ebisenge: kandi sihali omuntu abya nyinewete amani erimulema. 5Baitu ebero ebyosye, omu itunke nekero, abya akalakera omu sinda naha miruka, enyanemwesara amabwe. 6Abere amalankera Yesu akiri hali, mwatebeta mwamuramya; 7mwalaka mulenke munene, mwabuga atya Twanenire ki ngye nawu, Yesu Omwana wa Nyamuhanga, eyoli ahalubula kutsebu? ngakulaherera Nyamuhanga, sunsandaye. 8Baitu mwamubwera atya Lwaho ha muntu iwe omulimu omubi. 9Mwamubulya atya Erina lyawu niwendi? Mwamubwera atya Erina lyage ningye Legioni baitu tuli banene. 10Mwamwesengereza kutsebu mwatahigayo omu kitaka eki. 11Kandi ha buruka habya haliyo erigana eryesyengulube nene esyenemulya, 12eyi enyanemwesengereza muyabuga ambu Otusindike omu ngulube tusyingiremu. 13Mwakirirya. Emilimu emibi muyalwamu, muyaingira omu ngulube: erigana mulyahankana mulyandagala omu musya, mulyingira omu nketzi, yabya yiri ngamagana abiri, muyakwira omu nketzi. 14Kandi ababya bakasirisya mubatebeta, mubakitulirawo omu kikali, nomu maka. Mubasa erilankera ebyabereho okubiri. 15Kandi mubahika Yesu ahali, mubamulankera abyaho daimona nyinikere, nyanambete, nyinawete amageziwe, oyu abyaho legioni: mubasaga. 16Abakibana mubabasoborera ebyamubyaho, oyo abyaho daimona, kandi ebyesyengulube. 17Kandi mubatandeka erimwesengereya alwe omu mitano yabo. 18Kandi obwabya akasondisoka omu bwato, oyo abyaho daimona muyamwesengereya aikale nayo. 19Baitu mwatamukirirya, baitu mwamubwera atya Genda omuka yawu hali abowenyu obabwere okubiri ebikuru Mukama ebyalakolera, kandi okalakuwanyera. 20Mwayegendera, mwatandeka erihikaniza omu Dekapoli okubiri ebikuru Yesu ebiyamukolera; abantu abosye mubasweka.
21Kandi Yesu obuyasubula erisoka omu bwato mwahika eyiserya, endeko enene muyawoma ahaliyo, eyo habya hakuhi nenketzi. 22Kandi muhasa omuwuma ahali abakuru abisoroleryo erina liwe Yairo, obuyamubana mwinama ha bisando biwe, 23mwamwesengererya kutesbu, mwabuga atya Omumbesa wage omulere ali hakuhi erihola, nkakwesengereraya wase omwireho amaboko awu, alame akale. 24Mwagenda nayo, endeko enene muyamukwamera, mubamuhatatanya.
25Kandi omukali abya enyalwere ekyejwiso ekyomusasi ebiremu ikumi nabibiri, 26ayawalawa kutsebu hali abakumu abanene enyanemuhayo ebyabanabyo ebyosye, baitu mwatemana neliwuma, mbenu mwayeyongera buyira erilwala, 27obuyowa ebinywa bya Yesu, mwasa enyuma yewe omu ndeko, mwakola ha byambalo biwe. 28Baitu mwabuga atya obundakukolako buyera ha kyerimbala kyewe, nkandilama. 29Eryoneryo ekyuna ekyomusasi wewe mukyoma, mwamenya omu mubiriwewe alamibwe endwala yiwe. 30Eryoneryo Yesu obuyamenya omunda yiwe amani amulwiremu, mwahinduka omu ndeko mwabuga atya, Nendi ankolireho ebyerimbala byage? 31Abasomesebwawa bewe mubamubwera ambwa Wabwene endeko ngokukuhetetenye, okabuga ambwa Nendi ankolireho? 32Mwababungyamu ameso erimulankera oyo oyowakola ekyinywa eki. 33Baitu omukali mwasaga mwatukumira, enyanase ekibere haliyo, mwasa amakukama amaru omu mesowe, mwamubwera ebyamatsema ebyosye. 34Mwamubwera atya Omumbesa, erikirirya lyawu neryo erikulamirye; oyegendere nobusinge, olamere ewuma endwara yawu.
35Kandi abwabya akabuga, abalwa obu mukuru wisoroleryo mubasa, ebanemubuga ambwa Omumbesa wawu ahulire; okadisa yaki omusomesya? 36Baitu Yesu mwatakiraho mutema ekinywa ekyabugawa, mwabwera omukuru wisoroleryo atya Sosage, okiriraye weyera. 37Kandi mwatakirirya omuntu erigenda nayo mbenu Petero na Yakobo na Yohana mugenzi wa Yakobo. 38Mubahika ha nyumba yomukuru owisoroleryo: mwalankera eriyanzera, nababya bakalera bakatula obwogo bunene. 39Kandi obuyangiramu mwababwera atya Nikihi ekibabanzisisaya nekikaba baliza? omumbesa siyahulire ayire tulo buyera. 40Mubamuseka kutsebu. Baitu abere amabuhulukya abosye amatwala ise omumbesa na nyinya, nabo ababya bali nayo, mwangiramu omumbesa ahabya ali. 41Kandi mwawata okuboko omumbesa, mwamubwera atya Talisa Kumi erimenyisibwa lyakyo ambwa, Omumbesa nkakubwera ndya Hangana. 42Eryoneryo omumbesa mwahangana, mwagenda, baitu abya nyamahikya ebirimu ikumi nabibiri. Eryoneryo mubasweka erisweka linene. 43Mwababwerera kutsebu omuntu owosye atakimenye eki; mwalayera erimuha ebyalya.
Aktuálne označené:
Marako 5: KOO1914
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Published by the British and Foreign Bible Society in 1914.
