Marako 7
7
1Kandi mubawoma haliyo Abafalisayo nabahandiki abawuma, abarwa Yerusalemi, 2kandi mubalangira abasomesebwawa biwe abawuma ebakalya ebyalya byabo nebyara ebibihire nibyo ebitanabire. 3Baitu Abafalisayo Nabayudaya abosye obubabya sibalinaba kutsebu omu byara byabo, sibalyaga, baitu bawataga esyangesyo ezabakuru: 4kandi obubalwaga omu katale obubatanabaga sibalyaga: kandi haneho ebinene ebindi ebibahebwawa eribiwata eryoga empwahwa, nebibindi nesyanyungu esyemiringa. 5Abafalisayo nabahandiki mubamubulya ambu Nikihi abasomesebwawa bawu ekibatangire erigenda omu esyengesyo esyabakuru, baitu bakayerera buyira nebyara ebibihire? 6Mwababwera atya Isaya mwalawula ndeke hamuli inywe abagobya, nkokukyahandikawa ambu
Abantu bano bakambiraho ekinyimyo ekyaha buno,
Baitu emitema yabo eri hali nage.
7Baitu bakandamiraya busa,
Ebakasomesaya ebilayero bya bantu ambu nibyo ebiriwata.
8Inywe mukaleka ebirayero ebya Nyamuhanga, munemuwata esyengesyo esya bantu. 9Mwababwera atya Mukaganira iwuma ekirayero kya Nyamuhanga, muwate esyengesyo syanyu. 10Baitu Musa mwabuga atya Tata wawu na mama wawu obasagage: kandi atya Oyokatonga ise mbenu nyinya bamuitege buyera: 11baitu inywe mukabuga ambu Omuntu amabya amabwera ise mbenu nyinya atya Ekyosye ekyanankakuhere erikugasira niyo Korubani, neryo eribuga ambu Ekiribembera Nyamuhanga: 12simukyamuleka erikolera ekintu ise mwanabya nyinya, 13mukamurusyaho ekinywa kya Nyamuhanga obwesyengesyo syanyu, esyamwakangiriraya inywe: kandi mukakola ebindi ebinene nkebi. 14Kandi mwasubula eribirikira endeko ahali, mwababwera atya Munyowe inyobosye mulengekanaye; 15sihali ekintu ekyahihya yomuntu kyamingira omuleyo ekyasobola erimubihya: baitu ebikalwa omu muntu nebyo bikamubihaya omuntu. [16Oyowete amatwe eryowa ayowe.] 17Kandi abere amingira omu nyumba alwire omu ndeko, abasomesebwawa biwe mubamubulya orufumu oru. 18Mwababwera atya Neryo nanyu simuwete magezi? Simulirenkekanaya ambu Ekyosye ekiri eyihya kyamingira omu muntu, sikirisobola erimubihya; 19baitu sikilingira omu mutema wewe, mbino omunda yiwe, kikalabamu ekyagenda eyihya? Mwabuga atya nyanemuwanya ebikalibawa ebyosye. 20Mwabuga atya Ekikalwa omu muntu, nekyo kikamubihaya omuntu. 21Baitu omunda omu mutema yabantu neho hakalwamu ebirinkikanyo ebibihire, orwantso, 22eriba, eriita, erisinkira, eriyigomba, ebiribihya, amabihi, ericungarara, eriso eribi, eritsuma emiihembo, obudomadoma: 23ebibihire ebi ebyosye bikalwa omunda kandi bikamubihaya omuntu.
24Kandi mwahangana, mwalwayo, mwagenda ha mitano ya Turo na Sidoni. Kandi mwaingira omu nyumba, asyalyenda omuntu owosye erimenya, baitu mwatasobola eribisama. 25Baitu eryoneryo omukali ayawete akampesa keweabya nyaneko omulimu omubi, obuyowa, mwasa mwakukama ha maru ha bisando biwe. 26Kandi omukali abya nyali Muyonani, erihanga liwe, Musorofoinike. Mwamwesengererya ahige daimona ha mumpesa wewe. 27Mwamubwera atya Leka abana babuge eriwuta, baitu sikiwene erikola ebyalya byabana, eribiwusira otubwa. 28Baitu mwasubamu mwamubwera atya Neryo, mukama wage; notubwa nato tukalya omu lubugabuga orukunkumukire orwabana. 29Mwamubwera atya Habwekinywa kino oyegendere, daimona alwire ha mumpesa wawu. 30Mwasubayo omu nyumba yiwe, mwasanga omwana alalibwe ha nkyinko, na daimona amulwireho.
31Kandi mwalwa omu mitano ya Turo, mwasa mwalaba omu Sidoni, na hakatikati omu mitano ya Dikapoli, mwahika ha nketsi ya Galiraya. 32Mubaleta ahaliyo akuire amatwe, esalibuga edeke; mubamwesengererya erimuirako ekiganza kiwe. 33Mwamurusya omu ndeko omu mbita, mwamuirako eminwe omu matwe iwe, mwatwa ebitande mwamukolako ha rulimi; 34mwalankera ha lubula omu lubula, mwasimba, mwamubwera atya Efasa, neryo eribuga ambu Hundukala. 35Amatwe iwe mwahundukala, amasanga oworulimi lwewe mwasambukala, mwabuga ndeke. 36Kandi mwababwerera sibabwereho omuntu; baitu nkokuyayeyongera eribabwerera, neryo bayeyongera batya kutsebu erikilangana. 37Kandi mubasweka kutsebu iroro, ebanemubuga ambu Ebyosye abikolire ndeke: akawusaya abaku ba matwe, kandi akabuyisaya abaku abobuno.
Aktuálne označené:
Marako 7: KOO1914
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Published by the British and Foreign Bible Society in 1914.
