Marko 6
6
YEZU NAGAYWA MU NSI YABO. — NATUMA ENTUMWA ZE.
1Ka yarugire okwo, nagenda mu nsi yabo; abahemba be nibamuruba. 2Ka yabere sabato, natandika kwolekerera mw’isomero; bengi abamuhulire bakakumisibwa ebyo yayolekerere, nibagira bati: Onu akeha hai ebyo byona? Akahabwa bumanyi ki onu? Kai n’amahano gatyo agakukorwa mu mikono ze? 3Iwe onu ti mubuya w’omusermala, omwana wa Maria, mutabani wabo Yakobo, na Yozefu, na Yuda, na Simoni? Bahara babo tibali n’etwe hanu?#6, 3 Lora Matayo 12, 50. Nibasitara kubera wenene. 4Yezu nabagambira ati: Kuba tihaliho omulagi atali n’ikuzo, hatali mu nsi yabo, na mu nzu yabo, na mu babo. 5Tiyahikize kukorayo ihano n’elimo, raba si akata emikono ha barwere bake, nabakiza. 6Akakumisibwa obutekiriza bwabo, nazongazongana mu byaro bya hehi nayolekerera.
7Nayeta ikumi na babili natandika kubatuma babili babili, nabaha obuhicha ha myoyo z’obulofu. 8Nabazibira kutwar’ebintu mu muhanda, niyo nkoni yonka; ensaho pai, n’omukate pai, n’empesa mu nkoba pai, 9nawe bazware nketo, kai batazwar’enkanzu ibili. 10Kandi nabagambira ati: Buli nzu eyo mulatahamoga, mwikaremo kuhika kuruga mu charo echo; 11bona abatalibayanankura n’abatalibahulira, okwo mwarugayo, mwayekubura enkungu mu bigere byanu ha kubamanyisya. 12Nibagenda, nibolekerera abantu kutamwa, 13niberuch’amasitani mengi, nibasiga abarwere bengi amazuta, nibabakiza#6, 13 Yezu akwenda kuyegesya Entumwa ze omulimo ogwo balakola, wenene atakili nabo, yasubire mw’igulu..
KRISTU NI GA? — YOHANA BATISTA NACHWAGURWA OMUTWE.
14Omukama Herode nahulira, kuba izina lye lyaliga lyakumukire honahona, nagira ati: Raba Yohana Batista niwe yazokire mu bafu, nicho amahano gakukolerwa muli wenene. 15Abandi bagiraga bati: Ni Eliya. Abandi bati: Ni mulagi, nk’omo wo mu balagi. 16Herode ka yahulire atyo, nagira ati: Yohana, owe nachwagwile omutwe, niwe yazoka mu bafu. 17Kuba Herode yaliga atumire kukwata Yohana amutere mu lunyoro ha bwa Herodyadi, omukazi wa Filipo, mutabani wabo, obwo yaliga amuswere. 18Kuba Yohana yaliga agambire Herode ati: Okuzibirwa kuswera muka mutabani wanu. 19Mbe Herodyadi yaliga namuteg’emitego nayenda kumwita, nawe tiyahikize. 20Kuba Herode yatinaga Yohana namanya okw’ali muntu arongire, kai mutakatifu; yamulindaga, nakolaga bingi ha bw’ekigambo che, nasemererwa kumuhulira. 21Olunaku luhikire ka lwezire, ha lunaku lukuru lwo kuzarwa kwe, Herode natekera abakungu n’enfura n’abakuru ba Galilaya amageni. 22Mbe omuhara wa wenene Herodyadi ka yatahiremo akazina, nasemereza Herode na bona abaliga bekere nibalya nage; mbe omukama nagambira omuharakazi ati: Nonsabe ech’okwenda, nkukuha. 23Nataho no kulahira ati: Buli chona chona ech’olasaba, naho kili kihinzu ch’engoma yange, nkukuha. 24Omuharakazi ka yahurukire, nagambira nina ati: Nsabe ki? Wenene namugira ati: Omutwe gwa Yohana Batista. 25Kachwi n’ako natahamo bwangu ha mukama, nasaba, nagira ati: Nkwenda hati hati ompe ha lunanga omutwe gwa Yohana Batista. 26Omukama nazuba; nawe obwo yaliga alahire, kai na ha bw’abaliga bekere nage h’eliro, nayanga kumubihiriza, 27natuma omuzuma nalagira omutwe gwa Yohana guletwe ha lunanga. Namuchwaguraho omutwe mw’ibohero, 28naleta omutwe ha lunanga, naguha omuharakazi, kai omuharakazi naha nina#6, 28 Lora Matayo 14, 11–12.. 29Abahemba be ka bahulire, nibeza nibatwar’omutumbi gwe, nibaguzika mu kituro.
YEZU MW’ISWA. — NAKANISYA EMIKATE. — NALIBATA HA NANZA.
30Entumwa nizisuba hali Yezu nizimugambira byona ebyo zikozire n’ebyo ziyolekerere. 31Nabagira ati: Mwize mwenka mw’iswa igumba, muhumure kake. Kuba haliga haliho bengi abezaga n’abagendaga, batali na mwanya n’ogwo kulya. 32Mbe ka bahanamire mu bwato, nibagenda mw’iswa igumba bonka. 33Ka babwene nibagenda, bakamanya bengi, nibaruga mu byaro niberukirayo maguru, nibabatanga kuhika.
34Yezu ka yarugire mu bwato, akabona embaga ningi, nabetirw’ekisa, obwo baliga bali nk’enabalega ezitali na mulisya, natandika kubolekerera bingi. 35Mbe ka harabireho katungu kahango, abahemba be niberira hehi nibagira bati: Hanu ni mw’iswa lili busa, kai izoba lyagenda; 36nobasindike bagende mu byaro bya hehi na mu maka, bayegulire ebilyo, balye. 37Nasubamo nabagira ati: Imwe nimubahe echo kulya. Nibamugira bati: Si tugende kugura emikate z’edenari magana abili, tubahe balye? 38Nabagira ati: Muli na mikate zingaha? Roko, mulore. Mbe ka bamanyire, nibagira bati: Itanu n’enfwi ibili. 39Nabalagira babekaze bona, batege engobo ha manansi gatayomire. 40Nibekara, engobo zindi igana igana, ezindi makumi atanu makumi atanu. 41Mbe ka yakwasir’emikate itanu n’enfwi ibili, nalalamira mw’igulu, nabarika, nahinzul’emikate, naha abahemba be, bate obusyo yabo, n’enfwi ibili, nabagabira bona. 42Bona nibalya nibeguta. 43Nibehaho ebihinzu ebyasagire bitukuru ikumi na bibili, n’enfwi. 44Abalire baliga bali baseza bihumbi bitanu.
45Mbe aho nasiniriza abahemba be kuhanama mu bwato, bamwebemberere ha ngego endi kuza Betsaida, wenene akikesy’abantu. 46Ka yabasindikire, nagenda mw’ibanga kulembereza. 47Ka habere bwebazo, obwato bwaliga buli hagati mu nanza, wenene ali wenka ha charo. 48Nabalorera nibanaranara kubuga, (kuba gwaliga guli muyaga gw’obutwe); mu kiro ha bulinzi bwa kana#6, 48 Lora Matayo 14, 25. nabezaho nalibata ha nanza; yaliga nayenda kubatanga. 49Nawe ka bamubwe nalibata ha nanza, nibachwa bati: n’itunu, nibahamuka. 50Kuba bona nibamubona, nibahaha. Aho n’aho nafumora nabo, nabagambira ati: Muhumure, n’ine, muleke kutina. 51Nabazaho mu bwato, omuyaga nigufwa. Muli bonene nibakana kukuma; 52kuba baliga batasombokerwe eby’emikate, obw’omutima gwabo gwaliga guhumire#6, 52 Entumwa zaliga zitakasombokerwe okwo Yezu ali Muhicha wa byona, nizikuma muno kubona ihano elyo lyo kukanisy’emikate.. 53Mbe ka bayambukire, nibahika mu nsi ya Genezareti, nibagoba. 54Ka barugire mu bwato, kachwi n’ako abantu nibamumanya; 55nibazongana mu nsi egyo yona lwiruko, nibatandika kutwalir’abarwere ha malaro, no kubaleta eyo bahuliraga okw’ali. 56Buli nguyo ezo batahamoga, n’ensozi n’ebyaro, baletaga abarwere ha maguliro, nibamusaba bakwate ha bumalilizo bw’omwenda gwe chonka; mbe bona bona abakwatahoga behuliraga.
Aktuálne označené:
Marko 6: KED1946
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
First published in 1946 by the White Fathers. Published online with the permission of the White Fathers.
