Matayo 28
28
ABAKAZI HA KITURO. — YEZU NABESUNGANA.
1Kebazo ka sabato, olunaku lwo kutandika lw’obwoyo ka lwachere#28, 1 Nilw’olunaku olukuruba sabato. Kuruga kuzoka kw’Omuchunguzi olunaku lwa Mungu nilw’olunaku olwarubaga sabato kara, olunaku lwonene lwo kuzoka kwe., Maria Madalena naiza na Maria ondi kulora ekituro. 2Aho ensi netengeta muno; kuba mumalaika w’Omukama akahanantuka mw’igulu, naiza nahiringisya ibare nalikaraho. 3Kususa kwe yaliga ali nk’olurabyo, ebizwaro bye nibyera nka zeluji. 4Abalinzi bakakwatw’obutini, nibaraba nibasusa oti henda bafwire. 5Mbe mumalaika nasubamo nagambira abakazi ati: Imwe mutatina, kuba nkumanya okwo mukuronda Yezu ayalegirwe ha musalaba. 6Tali hanu; yazokire nk’okwo yagambire. Mwize mulore aho sanga Omukama azikirwe. 7Mbe nimugende bwangu, mugambire abahemba be okwo yazokire, ngugwo yabebemberera Galilaya; okwo niyo mulamubonera. Mbe nalaga imwe. 8Nibaruga bwangu ha kituro n’obutini n’amasemererwa mengi, niberuka kugambira abahemba be. 9Niwe na Yezu nababugangana nagira ati: Nkubabwacha. Bonene nibamuzaho nibakwata amaguru ge nibamuhabudu. 10Aho Yezu nabagambira ati: Muleke kutina; mugende mugambire batabani betu, bagende Galilaya; niyo balambonera#28, 10 Yezu akasumbya abahemba be mu nsi ya Galilaya, ahiche kubolekera lwo kumaliza, achulere hara n’abahate be abamwisire. Okwo niyo alibalagiririza omulimo ogwo wenene yatandikire: omulimo gwo kuhindula abantu bona no kubatahya mu bukama bwe, mw’Eklezia ye na mw’igulu..
ABALINZI NIBAHONGERERWA EMPILYA. — YEZU NABONEKERA GALILAYA.
11Aho ka bagenzire, mbe abandi bo mu balinzi nibagenda mu kikale, nibarobeza abakuru b’abasaserdoti byona ebyagwire. 12Nibayekobyanya hamo n’abagurusi, nibategekerana, kumara nibahongerera abasirikale empilya ningi, 13nibagira bati: Mugambe muti: Abahemba be nibo bezire mu kiro, bakamwiba, itwe tunagire. 14Mbe ebyo ka bilahulirwa omutware, itwe tulabimusombora, kai tubayemeho. 15Bonene nibayanankura empilya, nibagira nk’okwo bagambirwe. Ekigambo echo nikusugana mu Buyahudi kuhika ha lunaku lwa lero.
16Abahemba ikumi n’omo nibagenda Galilaya mw’ibanga, eyo Yezu yaliga abalagirire. 17Ka bamubwene, nibahabudu; nawe abandi nibatimatimya. 18Yezu naiza nafumora nabo, nagira ati: Nkahabwa obuhicha bwona mw’igulu na mu nsi. 19Mbe nimugende, mwolekerere amahanga gona, nimubabatize h’ezina lya Tata, n’ely’Omwana, n’ely’Omwoyo Mutakatifu; 20mubolekerere kuhicha byona ebyo nabalagire. Nawe lora, ine ndi n’emwe naku zona kuhika ensi kuhwaho#28, 20 Amagambo ago go kumaliza ga Yezu gakumanyisya okw’alyemererera abakuru b’Eklezia katolika nabahabura naku zona. Eklezia yonene ya Yezu Kristu tekuhicha kuhaba no kuhabisya abantu, kuba Yezu atura ali n’abakuru bayo, abakugihabura. Omuntu akwikiriza nakola ebyo Eklezia ekulagira tali no kutimatimya no kutina kuhaba: ali mu muhanda gwo kugenda mw’igulu..
Aktuálne označené:
Matayo 28: KED1946
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
First published in 1946 by the White Fathers. Published online with the permission of the White Fathers.
