Второе послание Солунянам 1
1
1павел и силуан и тимофей, Церкви солунстей, о Бозе Отце нашем и Господе Иисусе Христе: 2благодать вам и мир от Бога Отца нашего, и Господа Иисуса Христа. 3Благодарити должни есмы Бога всегда о вас, братие, якоже достойно есть, яко превозрастает вера ваша, и множится любовь единаго коегождо всех вас друг ко другу: 4яко самем нам хвалитися о вас в церквах Божиих, о терпении вашем и вере во всех гонениих ваших и скорбех, яже приемлете, 5показание праведнаго суда Божия, во еже сподобитися вам Царствия Божия, егоже ради и страждете. 6Аще убо праведно у Бога, воздати скорбь оскорбляющым вас, 7а вам оскорбляемым отраду с нами, во откровении Господа Иисуса с небесе, со ангелы силы своея, 8во огни пламенне дающаго отмщение не ведущым Бога и не послушающым благовествования Господа нашего Иисуса Христа: 9иже муку приимут, погибель вечную, от лица Господня и от славы крепости его, 10егда приидет прославитися во святых своих и дивен быти во всех веровавших, яко уверися свидетельство наше в вас, в день он. 11За сие и молимся всегда о вас, да вы сподобит званию Бог наш и исполнит всяко благоволение благости и дело веры в силе, 12яко да прославится имя Господа нашего Иисуса Христа в вас, и вы в нем, по благодати Бога нашего и Господа Иисуса Христа.
Выделить
Поделиться
Копировать
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fru.png&w=128&q=75)
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь