मत्ती 6
6
दान दैनै की सिक्छा
1 #
मत्ती 23:5
“चौकस रैहऔ! तुम लोगौ कै दिखानै के ताँई अपने धरम के काम ना करौ, ना तौ अपने सुरग के अब्बा सै कुछ बी ईनाम ना पाऔगे।
2“इसताँई जब तुम दान करौ तौ इसको ढिंडोरा ना पिटबाऔ जैसे सभाऔं और गलिऔं मै पाखंडी लोग करैं हैं, जिस्सै लोग उनकी बड़ाई करैं। मैं तुमसै सच कैरओ हौं बे अपनो ईनाम पा चुके हैं। 3पर जब तू दान करै तौ, जो तेरो खानो हात करै है, उसकै तेरो बाँऐ हात बी ना जान्नै पाय। 4तुमरो दान गुप्त रैह, और जब तुमरो अब्बा जो गुप्त कामौ कै बी देखै है, तुमकै ईनाम देगो।
पिराथना की ऐहमियत
(लूका 11:2–4)
5 #
लूका 18:10–14
“और जब तू पिराथना करै, तौ ढौंगिऔ के जैसे ना हो कैसेकै लोगौ कै दिखानै के ताँई सभाऔं मै और सड़कौं के मोड़ौ मै खड़े होकै पिराथना कन्नो उनकै अच्छो लगै है, मैं तुमसै सच कैरओ हौं, कै बे अपनो ईनाम पा चुके हैं। 6पर जब तुम पिराथना करौ तौ, अपने कमरा मै जाकै किबाड़ बन्द कर लो और एकान्त मै अपने अब्बा सै पिराथना करौ। तुमरो अब्बा जो एकान्त मै बी देखै है तुमकै ईनाम देगो।
7 “पिराथना करते टैम परमेसर कै ना माननै बारौ के हाँई बक बक ना करौ, कैसेकै बे समजै हैं कै लम्बी-लम्बी पिराथना कन्नै सै हमरी सुनी जागी। 8उनके जैसे ना बनौ, कैसेकै तुमरे माँगनै सै पैलेई तुमरो अब्बा जानै है कै तुमकै किन किन चीजौ की जरूरत है। 9तौ तुम इस तरै सै पिराथना करे करौ,
“हे सुरग मै रैहनै बारे हमरे अब्बा,
तेरो नाम पबित्तर मानो जाय।
10 तेरो राज आय,
तेरी मरजी जैसे सुरग मै पूरी होवै है,
बैसेई धरती मै बी हो।
11 हमरे दिनभर की रोटी आज हमकै दे।
12 और जिस तरै हमनै अपने अपरादी माफ करे हैं,
बैसेई तू बी हमरे अपरादौं कै माफ कर।
13 और हमकै पाप मै ना पड़न दे,
पर बुराई सै बचा,
# 6:13 कुछ यूनानी हस्तलेखौ मै कैसेकै राज और पराकरम और महिमा हमेसा तेरेई हैं। ऐंसोई होए। ना लिखो भओ है। (कैसेकै राज और पराकरम और महिमा हमेसा तेरेई हैं। ऐंसोई होए)।
14 #
मरकु 11:25,26 “अगर तुम अपने खिलाप अपराद कन्नै बारौ के अपराद माफ करौगे, तौ तुमरो सुरग को अब्बा बी तुमकै माफ करैगो। 15और अगर तुम दूसरौं कै माफ ना करौगे तौ तुमरो सुरग को अब्बा बी तुमरे अपराद माफ ना करैगो।
बरत को मतलब
16 “जब तुम बरत रक्खौ तौ, ढौंगिऔ के हाँई तुमरे मौह लटके भए ना दिखाई दैं, बे अपनो मौह इसताँई सुस्त रक्खै हैं कै बे लोगौ कै दिखाऐ कै बे बरत रख रए हैं, मैं तुमसै सच कैरओ हौं, कै बे अपनो ईनाम पा चुके हैं। 17पर जब तुम बरत रक्खौ हौ, तौ अपनी खोपड़ी मै तेल लगाऔ और अपनो मौह धो लो। 18जिस्सै लोग ना पर तेरो अब्बा जो गुप्त मै है, तेकै बरत रखनै बारो जानै, इस हालत मै तेरो अब्बा जो गुप्त मै देखै है, तेकै ईनाम देगो।
सच्चो धन
(लूका 12:33,34)
19 #
याकू 5:2,3 “धरती मै अपने ताँई धन-दौलत जमा ना करौ, जहाँ कीड़ा और काई बिगाड़ै हैं, और जहाँ चोर कूमल लगाबैं और चुरामै हैं। 20सुरग मै अपने ताँई धन इखट्टो करौ, जहाँ ना तौ कीड़ा, और ना काई बिगाड़ै हैं और जहाँ चोर ना कूमल लगाबैं और ना चुरामै हैं। 21कैसेकै जहाँ तुमरो धन है बहीं तुमरो मन बी लगो रैहगो।
(लूका 11:34–36)
22 “सरीर को दिया आँख है, अगर तुमरी आँख अच्छी है, तौ तुमरो सैरो सरीर बी उज्जेरो होगो। 23अगर तुमरी आँख बुरी है तौ तुमरो सैरो सरीर इन्धेरे बारो होगो। इसताँई जो रौसनी तुम्मै है, अगर बौई इन्धेरे बारी है तौ जौ कितनो कुप्प इन्धेरो होगो।
(लूका 16:13; 12:22–31)
24 “कोई बी एक संग दो मालिकौं की सेवा ना कर सकै है, बौ या तौ एक सै बैर और दूसरे सै पियार करैगो, या एक को आदर और दूसरे की बेजती करैगो, तुम परमेसर और धन दौनौ की सेवा एक संग ना कर सकौ हौ।
चिन्ता छोड़ौ
25 “इसताँई मैं तुमसै कैरओ हौं, चिन्ता मत करौ, ना अपनी जिन्दगी की, कै हम का खांगे, और ना अपने सरीर की, कै हम का पैहरंगे, का जिन्दगी खाने सै बढ़कै ना है? और का सरीर लत्ता सै बढ़कै ना है? 26आसमान के पंछिऔ कै देखौ, बे ना तौ बोबै हैं ना काटै हैं और ना खलियानौ मै बटोरै हैं, तौबी तुमरो सुरग को अब्बा उनकै खबावै है। का तुम उनसै बढ़कै ना हौ? 27चिन्ता कन्नै सै तुम्मै सै कौन अपनी उमर घड़ी भर बी बढ़ा सकै है? 28और लत्तौ के ताँई काए चिन्ता करौ हौ, जंगली फूलौ कै देखौ, बे कैसे बढ़ै हैं, बे ना तौ मैहनत करैं हैं, ना अपने ताँई लत्ता बनाबैं हैं। 29फिर बी मैं तुमसै कैरओ हौं कै सुलेमान बी अपने पूरे ठाट बाट मै उनमै सै एक की बी बराबरी ना कर सकै हो। 30इसताँई अगर परमेसर बन की घाँस कै जो आज है और कल भट्टी मै झौंक दई जागी, इस तरै सजाबै है, तौ हे अल्प बिसवासिऔ, बौ तुमरे ताँई इस्सै जादा काए ना करैगो?
31 “इसताँई जौ कैते भए चिन्ता मत करौ, कै हम का खांगे, का पींगे, या का पैहरंगे। 32कैसेकै परमेसर कै ना माननै बारे इन सब चीजौ की खोज मै लगे रैहबैं हैं, तुमरो सुरग को अब्बा जानै है कै तुमकै इन सब चीजौ की जरूरत है। 33इसताँई पैले तुम परमेसर के राज और धारमिकता की खोज करौ तौ जे सबई चीज तुमकै मिल जांगी। 34कल की चिन्ता मत करौ। कल अपनी चिन्ता खुद कर लेगो, आज की मुसीबत आज के ताँई भौत है।
Выбрано:
मत्ती 6: TKB
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
New Life Compute Institute [NLCI] - CC BY-NC-ND 4.0
