Marc 5
5
Demonizatul Gadarean
1Ashã agiumsirã tu alantã parti a amarãljei tu locurili a Gherasenjilor. 2Shi macãt Isusul dipunã dit varcã, trãoarã lji inshi nãinti dit murmintul#5:2 murmintul Easti una guvã tãljat tu chieatrã, iu Ideilji li bãga mortsili a lor. un om umplut cu un duh nicurat, 3elu bãna tu murmintsã shi nitsiunã nu avea putut s-lu liga cu singir. 4Di multi ori lu avea ligatã cu prãnghi shi singir, ma elu totãna l-frãndzea singirili shi li arupea prãnghili, shi nitsiunã nu putea s-lu imireadzã. 5Dipriunã noaptea shi dzua, prit murmints shi prit muntsi, tritsea aurlãnda shi tãljãnda truplu a lui cu chetri. 6Cãndu elu lu vidzu Isusul di diparti, imnã shi s-ncljinã dininti a lui. 7Shi cu unã aurlari mari dzãsi: “Tsi ari namisa di noi shi di tini, Isus, Hiljilu al Dumnidzãu atsel multu analtu? Mini ti giurã pi numa al Dumnidzãu, nu mi pidipsea!” 8Cã Isusul lji-avea dzãsã: “Duh nicurat, eshi dit aestu om!” 9Atumtsea Isusul lu ntribã: “Cai easti numa a ta?” Shi elu apãndisi dzãcãnda: “Mini mi acljeamã Legion, cãtse him multsã.” 10Shi l-pãrãcãlsea multu tsi si nu li aĝuneascã dit loclu atselu. 11Aclo la coasta a muntilui eara unã cupiã mari di portsi tsi pãshtea. 12Atumtsea tuts demonjili pãrãcãlsirã dzãcãndã: “Pitreatsi-nã la portsi tsi s-intrãm tu nãshi.” 13Shi Isusul trãoarã u deadi izini a lor, shi duhurili nicurati dupã tsi inshirã, intrarã la portsilji, shi cupia s-arucã nghios di tu ripã tu amari. Era aproapi doauã njilji di capiti tsi s-nicarã tu amari.
14Shi atselji tsi pãshtea portsilji fudzirã shi u scurpisirã shtirea tu cãsãbã sh-pri hoari. Sh-oaminjli vinirã sã videa tsi avea undzitã. 15Cãndu vinirã la Isus, vidzurã drãcuitlu mpadi, nviscut shi cu mintea ntreag, atselu tsi eara demonizat di leghionlu, shi avea fricã. 16Shi atselji tsi u avea vidzutã, lji spusirã a lor cã tsi lji avea undzitã a demonizatlui shi a portsilor. 17Atumsina atselji ahurhirã s-lji pãrãcãlseascã al Isus s-fugã di sinurili a lor. 18Cãndu elu ma intra tu varcã, atselu tsi eara demonizatã lji pãrãcãlsea tsi s-putea s fudzea cu nãsu. 19Ma Isusul nu lji deadi izini, shi lj-dzãsi: “Imnã la casa a ta, la-a tãlji shi spunã atsilor tsi lucruri mãri featsi Domnul shi cum ti njilui.” 20Shi elu fudzi shi ahurhi sã predica pri regiunea di Decapolis di tuti atseali tsi avea faptã Isusul shi tuts s-ciudisirã.
Muljearea cu Curarea di Sãndzi
21Shi cãndu Isus tricu nãpoi tu alantã parti cu varcã, un multsãmi marã s-adunã avãrliga di nãsu, shi elu armasi mardzina di amari. 22Deapoea vini un di ma mãrlji a sinagogãljei, cu numa Iair, tsi cãndu lu vidzu, lj-cãdzu la cicioari. 23Shi multu lã pãrãcãlsi dzãcãnda: “Hiljea a mea ma moari, haidi shi bagã mãnjili pri nãsã, tsi s-vindicã shi s-bãneadzã.” 24Shi elu s-dusi cu nãs, shi unã multsãmi mari nidzea dupã nãs shi s-pindzea avãrliga di nãs. 25Namisa di nãshi eara unã muljeari tsi lj-cura sãndzili di doisprãdzatsi di anji. 26Shi avea traptã multi di partea a iatsrilor shi avea chirutã tutã avearea a ljei fãrã ambunãsiri, ninga ma s-fãtsea ma rãu. 27Cãndu avdzã si zbura di Isusul, intrã la multsãmea, sh-dupã nãs timsi mãna la stranjilu al Isus. 28Ea dzãtsea: “Macã va bagã mãna la stranjili a lui, va mi vindicã.” 29Sh-trãoarã curarea a sãndzilui pãpsi shi ea sãmtsã tu truplu a ljei cã s-vindicã di atsea lãngoari. 30Ma trãoarã Isusul sãmtsã un puteari tsi avea ishit di la nãsu, s-turnã cãtrã multsãmea sh-dzãsi: “Cai deadi di stranjili a meali?” 31Shi ucenitsilji a lui lji-dzãsirã: “Nu vedz cã multsãmea ma s-pingã di tuti pãrtsãli shi tini dzãtsi: ‘Cai deadi di mini?’” 32Elu mutrea avãrliga s-videa cai u featsi aestã. 33Atumtsea, muljearea mplinã di fricã sh-trimurãnda, cã shtia tsi avea pãtsãtã, vini shi lji cãdzu pi cicioari shi lj-spusi tutã alihea. 34Shi elu lj-dzãsi: “Hiljã, pistipsirea a ta ti-vindicã, imnã tu pace cã eshti vindicatã di lãngoarea a ta!”
Hiljea al Iair
35Iarã Isusul ninga ma grea, vinirã niscãntsi di la casa a primarului a sinagogãljei dzãcãndã: “Hjiljea a ta muri. Cãtse lu cãrteshti ninga nvitsãtorlu?” 36Ma Isusul cãndu avdzã tsi dzãsirã, lji dzãsi a primarului a sinagogãljei: “Nu ti asparã, mashi s-ai pistusini!” 37Nu alãsã s-lu urmeadzã nitsiun altã, dicãt mashi Petrul, Iacovul shi Ioanul, fratli al Iacov. 38Shi dupã cum agiumsi la casa a marlui a sinagogãljei, vidzu unã mintiturã mari shi oaminji tsi plãndzea shi vãita cu boatsã. 39Intrã sh-u dzãsi a lor: “Cãtse aurlats shi plãndzets? Feata nu muri, ma doarmi.” 40Sh-elji lu mpizuirã, ma elu dupã tsi li scoasi tuts afoarã, lo cu nãs tat-su shi mã-sa-a li feati sh-atselji tsi eara cu nãsã, sh-intrã aclo iu eara feata. 41Shi u lo feata di mãnã shi lj-dzãsi: “Talitha kumi”, tsi va s-dzacã: “Featã, atsãia ma tsã-dzãc: Scoalã-ti!” 42Shi trãoarã feata si sculã shi imnã singur. Ea eara di doisprãdzatsi di anji. Sh-elji s-ciudisirã multã. 43Ma elu lã deadi ordin tsi nitsiunã s-nu shtia. Sh-lã ursi si lj-da ali feati di mãcari.
Выбрано:
Marc 5: BLRR
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
