MATHAI 5

Maenui Ah Patukhaih

1Jesuh mah mipui to a hnuk na-ah maenui ah a dawh, toah to anghnut moa a hnukbangnawk mah anih to ven o kuilut. 2Tona-ah anihcae to patuk amtong:

Tahamhoihhaih

(Luk 6:20-23)

3“Pakhra bangah kamtang tiah ka panoek kaminawk loa tahamhoih o;

kawmawtiah van Poenghaih loa anihcae ih ni.

4Palungsae khuihqah kaminawk loa tahamhoih o; #Isa 61:2

Kawmawtiah Sithaw mah pahloep tih.

5Tuinom kahoih kaminawk loa tahamhoih o;#Sam 37:11

Kawmawtiah Sithaw mah amaih tangcae to a toep o tih.

6Sithaw koehhaih sak hanih kalen koek ah ka suem to loa tahamhoih o;#Isa 55:1-2

Kawmawtiah Sithaw mah na koehhaih to acungsak o tih.

7Mi kalahnawk nuiah tahmenhaih ka tawn kaminawk loa tahamhoih o;

Kawmawtiah Sithaw mah anihcae to tahmen toeng tih.

8Palungthin kacai kaminawk loa tahamhoih o; #Sam 24:3-4

Kawmawtiah anihcae loa Sithaw to hnuh o tih.

9Angdaehhaih kasah kaminawk loa tahamhoih o;

Kawmawtiah Sithaw mah anihcae to ka caanawk tiah kawk o tih.

10Sithaw koehhaih sak ih pongah pacaekhlaekhaih ka pauep kaminawk loa tahamhoih o;#1 Pit 3:14

Kawmawtiah van Poenghaih loa anihcae ih ni.

11“Minawk mah nangcae to na thuisae o, pacae pakhlaek o moa kahoih ai hmuen cungri hoi amsawn amlai angnet o na-ah tahamhoih o, kawmawtiah nangcae loa kai ih hnukbangnawk ah na oh o.#1 Pit 4:14 12Kawn oloa palung anghoesak oah, kawmawtiah nangcae han van ah kawnvang kalen parai suek ah oh. Nangcae ai nahlan ih kaom tahmanawk doehsoe tobatih toengah pacaekhlaekhaih to pauep o boah,” tiah a naa.#2 Dung 36:16; Tok 7:52

Paloi hoi Aanghaih

(Mrk 9:50; Luk 14:34-35)

13“Nangcae loa caeng kami boih hanah paloi batiah ni na oh o. To-e paloi loa a khrumhaih to dap ving nahaeloa khrumsak let thaih mak ai boah. Avanghaih om ai boah pongah vah ving moa cawh romram hanah ni oh boah.

14“Nangcae loa longprae bum boih han-iah aanghaih batiah ni na oh o. Maenui ah sak ih vang loa tita mah doeh ving khoep thaih ai.#Jhn 8:12; 9:5 15Mimah doeh hmai-im pa-aang na-ah takho hoiah muek khoep vai ai. Hmai pa-aanghaih ih hmaitung nuiah ni loa pa-aang moa im thungah kaom kami boih han-iah aanghaih to a paek. #Mrk 4:21; Luk 8:16; 11:33 16Tobatih toengah nangcae aanghaih to doeh mi boih mikhnuk ah aangsak hanah oh. Totiah hmuen kahoih na sak o ih to hnuh o ueloa van ih kaom nam Pa to saphaw o tih.#1 Pit 2:12

Tawklok Patukhaih Kawng

17“Mosi ih Tawklok hoi tahmanawk ih patukhaihnawk phraek hanah kangzoh, tiah na dawn o hmah. Tonawk to phraek hanah kangzo ai, patuk o haih ihnawk to acungsak hanah ni kangzoh. 18#Luk 16:17Hi hae pahnet o hmah: Long hoi van oh nathung loa Tawklok thungih kacai koek thukdaek ih maeto ta doehsoe, quenhdaek ih maeto ta doehsoe anghma mak ai ueloa, hmuen boiboih aboenghaih phak airoek loa anghma mak ai.#5:18 Hmuen boiboih aboenghaih phak airoek loa tihae a patukhaih ihnawk boih acung airoek loa tiah doeh oh thaih. 19Topongah ami doeh lokpaeknawk thungih kacai koek to doeh pazui aiah ka om moa mi kalahnawk doeh tobatih toengah patuk nahaeloa, to kami loa van Poenghaih thungah kacai koek ah om tih. To-e ami doeh Tawklok to pazui moa mi kalahnawk doeh, tobatih toengah ka patuk loa van Poenghaih thungah kami kalen ah om tih. 20Topongah kang thuih o: Sithaw koehhaih ih sak na-ah Tawklok patukkungnawk hoi Farasinawk pongdoeh oep-om kue ah na om o ai nahaeloa van Poenghaih thungah na kun o thaih mak ai.

Palungphuihaih Kawng Patukhaih

(Luk 12:57-59)

21“‘Kami hum hmah; mi doeh kami ka hum loa lokcaekhaih zung ah caeh haih ah om tih,’ tiah zanghnii ah thuih ih lok to na thaih o boah.#Exo 20:13; Deut 5:17 22To-e vaihi kang thuih o: Ami doeh naukamza nuiah palungphui#5:22 Palungphui tihae thoemto banrikcabu ah loa Ahlong om aiah palungphui tiah a oh. kami boih loa lokcaekhaih zung ah caeh haih ah om tih. Ami doeh naukamza to ‘Tidoeh na vanglang ai,’ tiah ka naa kami loa lokcaekkung hma-ah phak haih ah om tih, ami doeh naukamza to, ‘Kamthu kamling,’ tiah ka naa kami boih loa hell hmai thungah krah tih. 23Topongah Sithaw khaeah hmuenpaek to bokting nuiah tahlang han na thuih na-ah, nam naukamza longlongto na nuiah palungphuihaih a tawnh tito na panoek nahaeloa, 24bokting hma-ah hmuenpaek to suem sut rae ah, karang ah caeh aloa nam naukamza hoiah angdaehhaih sah ah, angzo let aloa hmuenpaek to Sithaw khaeah tahlang ah.

25“Kami longlongto mah nang to tazacoi moa lokcaekhaih zung ah na caeh haih nahaeloa, zung na phak ai nahlanah atue oh nathuemah angmah hoiah angdaehhaih sah ah. To hmuenh ah na phak cumcam baloa lokcaekkung ban ah paek tih, lokcaekkung mah palik khaeah paek patoeng bae ueloa thongim ah pakhrak ah om tih. 26Loktang ta-ah kang thuih o, danpaek ih na rong hankoi hnukkhuem koek phoisa ta doeh na paek boih airoek loa thongim thung hoitoah na loih mak ai.

Pazang Sakhaih Kawng Patukhaih

27“ ‘Pazang sak zaehaih sah hmah,’ tiah thuih ih to na thaih o boah.#Exo 20:14; Deut 5:18 28To-e kaimah vaihi kang thuih o: Ami doeh zaesak koehhaih mik hoiah nongpui#5:28 Nongpui tihae Nongpata tiah doeh thuih o. to ka khen loa palung thungah pazang a sak boah. 29Topongah na bantang mik mah na zaesak nahaeloa talaih prok aloa va ving ah. Na takbum boih hell thungah krak pongh loa mik na taat to nang han hoih kue.#Mat 18:9; Mrk 9:47 30Na bantang ban mah na zaesak nahaeloa boeng pat aloa vah ving ah. Na takbum boih hell ah caeh pongh loa na khok na ban maemaeto na taat to nang han hoih kue.#Mat 18:8; Mrk 9:43

Zuva Amprahhaih Kawng

(Mat 19:9; Mrk 10:11-12; Luk 16:18)

31“ ‘Mi doeh a zu to ka pakhrah loa pakhrakhaih ih ca to anih khaeah paek na soe,’ tiah thuih o.#Deut 24:1-4; Mat 19:7; Mrk 10:4 32To-e vaihi kang thuih o: Ami doeh sava nuiah oeptang ohhaih ai ih tidoeh om ai puiah zu ka pakhrah moa, ato nongpui to sava sah let nahaeloa anih mah a zu to pazang ka sinkung ah ohsak. Ato nongpui kang ohhaih kami to doeh mi zu nuiah pazang a sak boah.#Mat 19:9; Mrk 10:11-12; Luk 16:18; 1 Kor 7:10-11

Loktaaphaih Kawng Patukhaih

33“ ‘Na lok amaihhaih ih to phrae let hmah, to-e sak hanah Angraeng khaeah lok nam-aih ih to sah oh,’ tiah zanghnii kaminawk mah thuih ih to na thaih o boah.#Lev 19:12; Nam 30:2; Deut 23:21 34To-e vaihi kang thuih o: Lok amaihhaih na sak o na-ah loktaaphaih hoiah amaih o hmah, van palawkhaih hoiah taap o hmah; kawmawtiah van loa Sithaw anghnuthaih ih hmuenh ni.#Jem 5:12; Isa 66:1; Mat 23:22 35Longlai hmin palawk hoiah doeh saephoe o hmah, long loa Sithaw khokkoenghaih hanih ahmuenh ni. Jerusalem palawk hoiah doeh saephoe o hmah, kawmawtiah sangpahrang kalen ih vangpui ni.#Isa 66:1; Sam 48:2 36Nangmahcae ih lu palawk hoiah doeh saephoe o hmah, kawmawtiah sammaeh maeto boe doeh namnumsak thaih moa nang lungsak o thaih ai. 37‘Ahlong,’ ‘Ahlong ai,’ tih khueh to thuih oah, tita doeh kalah na thuih o ih loa Kahoih-ai Kami khae hoi-ih kangzo boah ni.

Lu Lakhaih Kawng Patukhaih

(Luk 6:29,30)

38“ ‘Mik zuengah mik, haa zuengah haa,’ tiah thuih ih to na thaih o boah.#Exo 21:24; Lev 24:20; Deut 19:21 39To-e vaihi kang thuih o: Nangcae nuiah kasae ka sah kami to pathok o hmah. Kami longlongto mah bantang bangih tangbaeng to tabaeng nahaeloa banqoi bang to doeh tabaengsak bae ah. 40Kami longlongto mah nang ih laihaw to lak han ka koeh moa lokcaek zung ah na pha haih nahaeloa, laihawnui to doeh paek pae bae ah. 41Moa ukkung risa longlongto mah nang to hmuenzit meng maeto na phawsak khruek nahaeloa meng hnetto phaw pae ah. 42Kami longlongto mah hmuen maemaeto ang hnik na-ah paek oh, kami longlongto mah hmuen maemaeto coi han ka koeh khaeah coisak oh.

Misanawk Palunghaih

(Luk 6:27-28,32-36)

43“ ‘Nampuinawk to palung ah loa na misanawk to hnumaa oh,’ tiah thuih ih to na thaih o boah.#Lev 19:18 44To-e vaihi kang thuih o: Na misanawk palung oloa, nangcae pacaekhlaek kungnawk to khophoe pae oh; 45Toti nahaeloa van ih ka om nam Pa ih ca ah na om o tih. Kawmawtiah anih mah loa kami kahoih hoi kahoih ainawk nuiah vaanto ah ni to a betsak moa, hmuen kahoih ka sahnawk hoi hmuen kahoih ai ka sahnawk nuiah vaanto ah kho angzohsak. 46Nang ka palung kami khueh to na palung nahaeloa kawbangmaw Sithaw mah kawnvang to na paek tih loa? Tamut congkungnawk mataeng doeh totiah to a sak o toeng bae! 47Nampuinawk khueh to lok kahoih napaeh haih nahaeloa kami romramnawk pongdoeh lahhaih kue ih tita doeh na sak boah maw? Sithaw ka bok ainawk mataeng doeh ato to a sak o. 48Van ih ka om nangcae Ampa to acung batiah nangcae doeh acung o toeng ah.#Lev 19:2; Deut 18:13

Выбрано:

MATHAI 5: AKNT2023

Выделить

Копировать