ดอ โฆว 5
5
ฌาราง ดูอี จูห อู ซีณ บาน อาดาม ฌัม บาน อาโนว
1อานี มูห ฌาราง เฆ หลูกหลาน อาดาม. ดอ พาน เบลห เฌาพรา เฆ ดูอี, อัน โบง ดูอี แตห เฆ ปี เฌาพรา. 2อัน เฌา โบง ดูอี แตห อึณ มึห บอ อีมาย บอ อีบึณ. แฮะ ฮอต โบง, เฌาพรา มืร ม็องการา ดัว ดี ฆาย. อัน ต็อห, ฆาย มูห ดูอี.
3อาดาม ตึอน, อาซาก อัน แฮะ โนะ อู มาย็อห ดี โอย ฆึร ซีนัม. ดอ อัน ตี อัน วี มึห ฆอน อีมาย อู วี อี ปี อัน. อารึบ ฆอน ตี ปี ฆูณ อัน. อัน บอ แตห ฆอน อัน ตี จืร อาเซด. 4วาย อัน ตี อาดาม ตึอน กอย ปอ ดา มาย็อห ซีนัม. อัน วี มึห บอ ฆอน อีมาย บอ ฆอน อีบึณ. 5อาซาก อัน บอ โนะ ดีม มาย็อห ดี โอย ฆึร ซีนัม, อัน บอ ยัม.
6อาเซด ตึอน, อาซาก อัน บอ โนะ อู มาย็อห ดี พัน ซีนัม. ดอ อัน ตี อัน บอ มึห ฆอน อู วี อี จืร อาเอน. 7วาย อัน ตี อัน วี กอย ปอ ดา มาย็อห ดี บู ซีนัม. อัน วี มึห บอ ฆอน อีมาย บอ ฆอน อีบึณ. 8อาซาก อาเซด บอ โนะ ดีม มาย็อห ดี ฆึร ดี อา ซีนัม. แฮะ ฮอต, อัน บอ ยัม.
9อาเอน ตึอน, อาซาก อัน บอ โนะ ดีม ฆึร ซีนัม, อัน มึห ฆอน อี จืร อาเคนัน. 10วาย อัน ตี อาเอน วี กอย ปอ ดา มาย็อห ดี ฆึร ดี พัน ซีนัม. อัน วี มึห บอ ฆอน อีมาย เฆ ฆอน อีบึณ. 11อาซาก อาเอน บอ โนะ ดีม มาย็อห ดี พัน ซีนัม. แฮะ ฮอต, อัน บอ ยัม.
12อาเคนัน ตึอน, อาซาก อัน บอ โนะ บู ฆึร ซีนัม, อัน วี มึห ฆอน อี จืร อามาฮาลาเลน. 13วาย อัน ตี อาเคนัน วี กอย ปอ ดา มาย็อห ดี พวน ฆึร ซีนัม. อัน บอ วี มึห บอ ฆอน อีมาย เฆ ฆอน อีบึณ. 14อาซาก อัน บอ โนะ ดีม มาย็อห ดี ฆึร ซีนัม. แฮะ ฮอต อัน บอ ยัม.
15อามาฮาลาเลน ตึอน, อาซาก อัน บอ โนะ เดา ฆึร ดี พัน ซีนัม, อัน วี มึห ฆอน อี จืร อายาเรด. 16วาย อัน ตี อัน วี กอย ดา มาย็อห ดี โอย ฆึร ซีนัม. อัน วี มึห ฆอน อีมาย เฆ ฆอน อีบึณ. 17อาซาก อัน บอ โนะ ดา มาย็อห ดี ดีม ฆึร ดี พัน ซีนัม, อัน บอ ยัม.
18อายาเรด ตึอน, อาซาก อัน บอ โนะ อู มาย็อห ดี เดา ฆึร ดี อา ซีนัม, อัน วี มึห ฆอน อี จืร อาเฮน. 19วาย อัน ตี อัน วี กอย ปอ ดา มาย็อห ซีนัม, อัน วี มึห ฆอน อีมาย เฆ ฆอน อีบึณ. 20อาซาก อัน บอ โนะ ดีม มาย็อห ดี เดา ฆึร ดี อา ซีนัม, แฮะ ฮอต อัน บอ ยัม.
21อาเฮน ตึอน, อาซาก อัน บอ โนะ เดา ฆึร ดี พัน ซีนัม, อัน วี มึห ฆอน อี จืร อาเมทูซาลา. 22อาเฮน ยี กอย รึม โดบ เฌาพรา. วาย อัน ตี อัน กอย ปอ โอย มาย็อห ซีนัม, วี มึห ฆอน อีมาย เฆ ฆอน อีบึณ. 23อาซาก อัน บอ โนะ โอย มาย็อห ดี เดา ฆึร ดี พัน ซีนัม, 24อัน กอย รึม โดบ เฌาพรา. แฮะ ฮอต, อัน อาว ฮู กอย. เฌาพรา แฮะ ดึห อาเฮน แตห อัน โฮะ โดง กอย อัน.
25อาเมทูซาลา ตึอน, อาซาก อัน บอ โนะ อู มาย็อห ดี ดา ฆึร ดี บู ซีนัม, อัน วี มึห ฆอน อี จืร อาลาม. 26ปัน ตี อัน วี กอย ปอ บู มาย็อห ดี ดา ฆึร ดี อา ซีนัม, อัน วี มึห ฆอน อีมาย เฆ ฆอน อีบึณ. 27อาซาก อัน บอ โนะ ดีม มาย็อห ดี เดา ฆึร ดี ดีม ซีนัม. แฮะ ฮอต อัน บอ ยัม.
28อาลาม ตึอน, อาซาก อัน บอ โนะ อู มาย็อห ดี ดา ฆึร ดี อา ซีนัม, อัน วี มึห ฆอน อีมาย. 29อัน แตห ฆอน ตี จืร อาโนว. ลอง ดาง จืร ตี, อึณ มูห, “ฆอน ตี ดี แตห เอ ดีเหลา, แกวะ แตห เอ โลว รัณ กาเซา กาดาย แปะ แฮะ ดึอม ดืง เฌาพรา.” 30วาย แฮะ มึห อัน อาโนว ตี, อัน วี กอย ปอ พัน มาย็อห ดี ดีม ฆึร ดี พัน ซีนัม, วี มึห ฆอน อีมาย เฆ ฆอน อีบึณ. 31อาซาก อัน บอ โนะ บู มาย็อห ดี บู ฆึร ดี บู ซีนัม, อัน บอ ยัม.
32อาโนว ตึอน, อาซาก อัน บอ โนะ พัน มาย็อห ซีนัม, อัน บอ มึห ฆอน อี จืร อาเซม, อาฮาม บอ อายาเพด.
Выбрано:
ดอ โฆว 5: pce
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© 2021, Wycliffe Bible Translator, Inc. All rights reserved.
