Matthieu 28
28
Durambugu duJesus
(Marc 16.1-10; Luc 24.1-12; Jean 20.1-10)
1Ava matebuglu mayilumbu yitsona Marie muisi Magdala na Marie jisusu bamawenda o ngila. 2Vana vana vamaba disiana dineni dibutamba; yiansa yiFumu yimasunduyila o julu, yimabungasana dimanyi na yimatsana va julu dionyi. 3Jaʼ uotsu yika ulula na yiduaru yiandi yimavedama nana muetsa. 4Goma jimagaanga bagora te na bamaba nderi batu abamabembu na dunsansa dukaki. 5Tumba yimavosa na bagetu rie: Duyalaba keri! Nyijabi yiri duirombi Jesus ajimagomunu va kurusu. 6Agatsi, amarambuga nana amalevosila. Rugatianu na labanu mbura aji jandi amasilugu. 7Wendanu uyetsingula badukitsi bandi yiri amarambuga na uwenda ewendi o Galilee; aguna dumulabila. Duyalibana motsu ama nyibanovosa.
8Bagetu bamagusuga bisuasu va ngila na mu diambu digoma na nsangu bamawenda mambangu. Bamayetsingula motsu ombu badukitsi baJesus. Yika uvosa bevosi na Jesus amalabana na amavosa nogu rie: Mboluanu!
9Banobambana nandi bamakutama na bamamuyitsa.
10Tumba Jesus amabatsingula rie: Duyalaba keri! Wendanu uyetsingula baana baTaji bami uwenda nyiwendi o Galilee; aguna bondabila.
Bilombi bibagora
11Ava bagetu bamabila mu nsila bagora bamosi bamakota o musiengi na bamatsingula bivunda bibavagulitsi bapagu adimalabana. 12Kabogu bivunda bibavagulitsi bapagu na bivunda bisusu bamawenda fundu na bamatabula diambu uvega bagora mbongu tsipuela tsipuela. 13Bamavosa nogu rie: Vosanu rie: Mukolu ava tubetsili bilu badukitsi bandi batsidaga mfumbi. 14Duyalaba yivunda yibulongu goma pa odijaba tumugubitsa na dugoba na diambu.
15Bagora bamabonga mbongu na bamakipa malongi ama bamalonsu. Te na namunyi anana baJuif bevosili.
Jesus ulabana eiabini ombu badukitsi bandi
(Marc 16.14-18; Luc 24.36-49; Jean 20.19-23; Bis 1.6-8)
16Digumi na mudukitsi umosi bamawenda o Galilee na bamamata o julu mukongu agu Jesus amalebalonsa. 17Ava bamamulabila bamagudama va gusu andi diuleba bamosi bamatumuna paga. 18Jesus anobambana nogu amabatsingula rie: Mangolu motsu mamapegu ubandila o julu te no vava tsi. 19Wendanu o bulongu buotsu na funisanu badukitsi bami na babatisianu mu diina diTaji na diMuana na diYinyunyi yiNsambi 20na balonsianu udedila ama nyimadulonsa. Jabanu rie: Nyuba nenu te na disukusulu dibulongu.
Выбрано:
Matthieu 28: PUU1992
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
La sainte Bible en langue Yipunu © Alliance Biblique du Cameroun, 1992.
