Met 16
16
Agar, abialé Ismaél
(Met 30:1-9; Yb 4:8; Met 21:9-21; Sam 10:14; Mt 7:7-9)
1Sarayi, minga Abram, a nji biaé nye mon. A nga bili mbo ésaé minga, ngone y'Ejipte a too jôé na Agar. 2Sarayi a nga jô Abram na: Mbôlô Nti a nga dibe na me bo te biaé mon, kele ñhe be mbo ésaé minga wom; éko éziñe na ma ye bi monafam be nye. Abram a nga wô'ô tyiñe Sarayi. 3Ane Sarayi, minga Abram, a nga nyoñe mbo ésaé minga wé a mbe ngone y'Ejipte, Agar, a ve nye Abram nnôme wé ane ngal, valé be tabeya mimbu awôm e Kanaan. 4A nga ke be Agar, a a nga nyoñ abum. Eyoñ a nga yene na a ntoo abum, a nga fombô Sarayi mise m'ébiasé. 5Ane Sarayi a nga jô Abram na: Abé da kui be ma e bete wo nlô. Mamien be nga futi e mbo ésaé minga wom abume dôé si, ve éyoñe ji amu a lôô na a ntoo abum, a nga fombô ma mise m'ébiasé. Nti a bo'o *ntyi'i mejô e zañe bia wo! 6Abram a nga yalane Sarayi na: E mbo ésaé minga wôé a ne e mo môé été: bo'o nye avale wo ye yene mvaé. Eyoñe te Sarayi a nga belane nye *abé, a Agar a nga tup a ke nye ôyap.
7Engele Nti a nga koone nye fefel anjeñe mendim e *nkôte si, fefel anjeñe mendim e ne zene ya Sur. 8Nye na: A Agar, mbo ésaé minga Sarayi, wo so vé a wo ke vé? A nga yalane na: Ma tube Masa minga wom, Sarayi, a ke nye ôyap. 9Engele a nga jô nye na: Bula'ane be masa minga wôé a suu womiene si asu dé. 10Engele Nti a nga jô nye na: Ma ye fôle mvoñe bôte jôé abui abui, a ba ye bo te nguleya lañe je amu ja ye bo ézuk. 11Engele Nti a nga jô nye na: Tame yen ô ntoo abum;
wo ye biaé monafam
wo ye yôlé nye jôé na Ismaél;
amu Nti a wô'ôya wo ôsame wôé été.
12A ye bo ane éjakase ya fé;
wo wé wo ye tebe bese ngame yat
a wo bese wo ye tebe nye ngame yat
a ye basane bobenyañ bese.
13Ane Agar a nga loone Nti a nga kobô nye jôé na: Ata El Royi, #16:13 amu a nga jô na: Ye nne fo'o ma te yene Zambe va éyoñ a maneya yene ma? Wo, Zambe, ô lôô ma (Ata-El-Royi) nge na ô ne e Zambe a lôô ma. 14Ajô te be nga yôlé anjeñe te na: Lahayi Royi; #16:14 E ne e zañe Kadés a Beréd. Anjeñe Nyô a vee a lôô ma, e miaé miabe mise. 15Agar a nga biaé monafam; a Abram a nga yôlé nye Ismaél. 16Abram a mbe mimbu 86 éyoñ Agar a nga biaé nye Ismaél.
Выбрано:
Met 16: BDCB
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Bible en langue Bulu © L'Alliance Biblique du Cameroun, 2007, 2015.
