Hwègbèèlì Hwèlìhvòwelì hwe è Kààtì
Hwèlìhvòwelì hwe è Kààtì
È mòtò ema à tilì e kààtì yà ama Lukàrzɛ̀ mɔ̀ndi à tilì e kààtì yà Hwègbèèlì. Hweyà ema ene kààtì è wuluhwa hwe hwèlì ndi ò lì òhweyà hwatò, nɛ Èlìŋgɛ̀ yà Wòtani è mà òŋgòwàna hwatò ema hwa mà òŋgama Yerzù, ò lì òhwa ŋmɛ̀ndì mò gbamù lì hvòmɛ̀nɛ̀ Yerzù ò Jèrurzalɛ̀mù, ò erzòòkà ya Jùdèyà nà Rzàmàrìyà nà ò marzùkù mà e rze yà mɔ̀nyɛ̀. Ène kààti e uŋmɛ̀lɛ̀yi nɛ lìlòkɛ̀ là hwatò hwa ama Krirztò lì ma hwɛ ò lì òndìrzɛ̀ hweyà ema hwatò hwa wònyà Yudà hwa lòkɛ̀yi. Ène kààtì e uŋmɛ̀lɛ̀ nɛ lìlòkɛ̀ la hwatò hwa ama Krirztò lì ma wòteyà ò Jèrurzalɛ̀mù. Èhvɛhvɛ eyà ya wòlìtò ema ene kààtì e uŋmɛ̀lɛ̀ hvɛ e hweli ndi èwòlò ema Èlìŋgɛ̀ yà Wòtani e gbèyi. Èlìŋgɛ̀ yà Wòtani e ma jà na màyìmbì ò ŋmanyu ya hwatò ema hwa lòkɛ̀ ò wùnyà wò Pɛ̀ntìkɔ̀rzì.
Hwekàhweli hwe e kààtì
Lì wòŋgìrzɛ̀nɛ hwatò ema hwa òhwa ŋmɛ̀ndì mò gbamù 1.1-26
a. Ŋmɛ̀ndì mò lìrzùkù mò ama Yerzù na hwà-òkòwèlì hwa eni 1.1-14
b. È mòtò ema à mà rzàŋgòhwa Jùdàrzì 1.15-26
Ŋmɛ̀ndì mò ama Krirztò ò Jèrurzalɛ̀mù 2.1–8.3 Ŋmɛ̀ndì mò ama Krirztò ò Jùdeyà nà Rzàmàrìyà 8.4–12.25
Èwòlò ya ama Pàwolò 13.1–28.31
a. Yɔ̀ndɔ̀ ya wòrzò ya lì gbeyà èwòlò ya ama Lohwɛ̀ 13.1–14.28
b. Hwelìyelì hwe i àpɔ̀rzìtòlò nà hwàtìmbèlì hwa ŋmèmba ò Jèrurzalɛ̀mù 15.1-35
c. Yɔ̀ndɔ̀ ema e ukìrzɛyi hwehwàkɛ ya lì gbeyà èwòlò ya ama Lohwɛ̀ 15.36–18.22
d. Yɔ̀ndɔ̀ ema e ùkirzɛ̀yi hweyàwò yà lì gbeyà èwòlò ya ama Lohwɛ̀ 18.23–21.6
e. Pàwolò a aŋgɛhwɛyi ò hwèwòwà ò Jèrurzalɛ̀mù, Kàyìrzèrìyà nà Ròmànì 21.17–28.31
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© 2022, CABTAL