Matu 12
12
Vo'ohego Dabeherɛ dia aaheŋɔ
(Maki 2.23-28; Luki 6.1-5)
1 #
Tii 23.25
Saŋa kaŋa la, ti Yezu la a zahereba la dɔla va'am puan tɔla vo'ohego dabeherɛ, ti a zahereba la kom duna, ti ba kɔ'ɔra va'am la puan ki ɔbera. 2Farasiiduma la en nyɛ ŋwana la, ba yele en yeti, “Bihɛ, fum zahereba la iti la sɛla en dagi ba iŋɛ vo'ohego dabeherɛ puan.” 3#1 Sam 21.1-6 Ti Yezu yele ba yeti, “Yamam ka kãalɛ Deviti la a nɛreba en yuum iŋɛ se'em, ba kom en yuum duni la? 4#Malm 24.9 Deviti yuum kɛ̃ la pu'uhegɔ yire la puan ta obe tuulum boroboro la n de kihere bo' eŋa bii a nɛreba la ti ba obe, han dagena malema daana la ma'a. 5#Kãl 28.9-10 Bii ya ka kãalɛ nɔze'elego la puan, ti vo'ohego dabehere la, malema duma la en boi pu'uhegɔ yire la galum vo'ohego dabeherɛ la mɛ gee ti la ka galum? 6N yeti ya mɛ wa, ti sɛla en gani pu'uhegɔ yire la boi ka'lam. 7#Mat 1.13; Hoz 6.6 Gee ya han mi' ni yetɔgebuna wa vuurɛ. ‘Mam eere la nimbɔ'zɔrɛ gee dagena kaabegɔ,’ ya kan gakɛ ni sɛba en ka galum la. 8Se'ere en sɔi la, Asaala dayua la n de vo'ohego dabeherɛ la Daana.”
Buraa nu'o en ki
(Maki 3.1-6; Luki 6.6-11)
9Ti Yezu bahɛ bilam gee kɛ̃ ba zamehegɔ yire la puan. 10Bihɛ, ti buraa bɔna bini ti ka nu'o ki. Ti ba soke Yezu yeti, “La de ma'a, ti ba tibera vo'ohego dabeherɛ yo'?” Ba soke ŋwana la ba ta'am zɛregɛ en. 11#Luk 14.5 Ti a yele ba yeti, “Han deni yamam ayima en tari ni pehego kuyina ti ku lu bulega puan vo'ohego dabeherɛ la, ya kan yaaɛ ni kɔ? 12Asaala ka gani pehego? Bala zuo, la de ma'a ti nɛra tum sum vo'ohego dabeherɛ la.” 13Gee nyaa yele buraa la yeti, “Tiɛ fum nu'o la.” Ti buraa la tiɛ ka nu'o la, ti ku iŋɛ sum, kɔ'ɔm ana wuu nu'o kuna la. 14Gee Farasiiduma la yehe mɛ ta ku nuurɛ la taaba ti ba bihɛ ban wan iŋɛ se'em ku en.
Yinɛ tuntuna ti a looe
15Yezu en ta baŋɛ dina wa la, a bahɛ bilam mɛ, ti nɛrekuuŋɔ doohe a poore, ti a tibɛ ba za'a, 16gee ka'am ba la ninmu'urɛ ti, ba da bahɛ ti nɛreba baŋɛ en. 17Dina wa dela, nɔtɔgeha Azaaya en yuum purɛ se'em la wa'am yelemɛŋerɛ na.
18“Bihɛ, mam yameŋa en ŋwana, se'em ti mam looe,
Se'em ti mam suure nɔŋɛ, se'em en tigeri mam nini.
N wan dikɛ n Sia iŋɛ a puan;
a wan muulɛ buurɔ bo' sɛba en dagi Yuda buuri la za'a.
19A kan zabera bii a tahera,
bii nɛra wum a yele sadɔtɔ zuo.
20Muɔ seko en kɔ'ɛ nyure, a kan kikɛ kɔ bahɛ.
Bii a pebele bugum n diti bahɛ.
Gura ti yelemɛŋerɛ ta sooe.
21A yu'urɛ puan ti sɛba en dagi Yuuduma me wan tara beere puti'irɛ.”
Yezu la Beelezebule
(Maki 3.20-30; Luki 11.14-23)
22Ti ba tari buraa ti kulekpa'bɛ'a dɔla ka, ti ka dɛna fua la gɔɔŋɔ wa'am Yezu zi'an na ti a tibɛ ka, ti buraa wa en de gɔŋɔ wa tana tɔgera gee nyɛta. 23Ti la iŋɛ nɛrekuuŋɔ la za'a pakerɛ zo'e zo'e, ti ba yɛta yeti, “Nɛra wa wan ta'am dɛna Deviti dayua?” 24#Mat 9.34; 10.25Gee Farasiiduma la en wum dina wa la, ba yeti, “Beelezebule en de kulekpa'bɛ'ɛhi naba la en dole buraa wa ti ka tana sa'aha kulekpa'bɛ'ɛhi la.” 25Yezu n baŋɛ ban ti'ihɛ se'em la, ti a yele ba yeti, “Sɔ'ɔlum sebo en welege zabera la bu mɛŋa wan lebege daboo. Tiŋa bii Yire me ka boi welege zabera la de mɛŋa gee wan ta'am ze'ele. 26Bala, Sagena la han tulege sa'aha Sagena, a welege mɛ zabera la a mɛŋa. A sɔ'ɔlum la yeti bu iŋɛ la ŋwani ze'ele? 27Bala, mam han tara Beelezebule sa'aha kulekpa'bɛ'ɛhi, gee yamam nɛreba la me tari la ani sa'aha kulekpa'bɛ'ɛhi? Bala zuo, ya mɛhi zahereba la en wan gakɛ ya. 28Gee la han dɛna la Yinɛ Sia la ti mam tara sa'aha kulekpa'bɛ'ɛhi, Yinɛ sɔ'ɔlum la yi paaɛ ya mɛ me na n bala. 29Bii nɛra wan iŋɛ la ŋwani ta'am kɔ' kɛ̃ paŋa daana yire fã a lɔgerɔ, gee ka lu' paŋa daana la biŋe yia? Bala ti a nyaa wan ta'am fã yire la suŋa suŋa. 30#Mak 9.40Se'em en ka suni la mam zaberɛ mɛ la mam, Se'em me en ka ka'aheri bɔ'ɔra mam, yiregerɛ bahera mɛ. 31Bala zuo, mam yeti, nɛreba wan nyɛ sugeri dia be'em la zɛɛhi woo puan, gee se'em woo en zeem Fa'a Sia la kan nyɛ sugeri dia. 32#Luk 12.10 Se'em woo en tɔgɛ se'ere pɔ'ɛ Asaala Dayua wa, wan nyɛ sugeri dia, gee se'em woo en tɔgɛ se'ere pɔ'ɛ Fa'a Sia la kan malum nyɛ sugeri dia, zina bii beere.
Tia la ka wala
(Luki 6.43-45)
33 #
Mat 7.20; Luk 6.44 “Bihɛ tia suŋa gee ka wala me wan ani suŋa. Bii da bihɛ tia suŋa gee ka wala me ka ana suŋa. Se'ere en sɔi la, tia wala en pa'alɛ kan de tisɛka. 34#Mat 3.7; 23.33; 15.18; Luk 3.7; 6.45 Yamam kampɛbibehi wa, yamam yeti ya iŋɛ la ŋwani tɔgera yelesuma, gee dɛna be'em duma wa? Se'ere en sɔi la, sɛla en boi suuren zo'e zo'e la ti nuurɛ tɔgera. 35Nɛresuma yeheri la yelesuma sɛ'a en boi a lɔgesunɔ la puan, ti nɛrebɛ'a me, yeheri yeletoseto en boi a lɔge tooro la puan la. 36Mam yeti ya ti, gakerɛ daarɛ, nɛrawoo wan yele yetɔgeyooro seto ti ba tɔgɛ la ba nɔya. 37“Fum tugum en wan ta bo' fum buurɔ, fum tugum en wan ta sagum hɔ.”
Yona daalehum
(Maki 8.11, 12; Luki 11.29-32)
38 #
Mat 16.1; Mak 8.11; Luk 11.16 Ti gɔnmi'ineba la Farasiiduma yele en yeti, “Pa'ala, tu boti tu nyɛ la daalehum fum zi'an.” 39#Mat 16.4; Mak 8.12Gee Yezu lebehe ba yeti, “Be'em la baga kaabegɔ buuri saŋa en eere daalehum, gee daalehum ka boi wan bo' ba, han dagena nɔtɔgeha Yona daalehum la. 40#Yona 1.17 Wuu Yona en yuum boi ko'om bunsɛla la puuren dabeha atã wuntɛɛŋa la yu'uŋɔ se'em la, bala mɛa ti Asaala dayua wa wan ta bɔna tiŋa wa puan ha dabeha atã, wuntɛɛŋa la yu'uŋɔ. 41#Yona 3.5 Ninevɛ tiŋa nɛreba gakerɛ daarɛ la, wan ta ihege la zina beere nɛreba wa, tɔgɛ lubɛ ba. Se'ere en sɔi la, se'ere en sɔi la, ban yuum wum Yona muulegɔ la, ba kɔ'ɔm tee ba vom mɛ. Nyaa bihɛ ya, se'em en gani Yona n ŋwana. 42#1 Nad 10.1-10; 2 Yel 9.1-12 Tiŋanuurɛ pɔgenaba la, gakerɛ daarɛ wan ta ihege la zina beere nɛreba wa tɔgɛ lubɛ ba. Se'ere en sɔi la, a yuum ze'ele la zi'an en zaaɛ wa'am na ti a kelehe Solomɔn yɛm la. Nyaa Bihɛ ya, se'em en gani Solomɔn n ŋwana.
Sɛfi'iha lɛbega na
(Luki 11.24-26)
43“Sɛfi'iha han ni yehe nɛra puan, ka ni ɛɛra tuuna la kpaahenɛ puan, ɛɛra vo'ohego zi'an, gee ka nyɛ. 44A ni yeti, ‘N wan lebe la en yikɛka la ti n ze'ele de puan na la.’ A han paaɛ na, a nyɛ ti yire la ze' la voore, piihɛ, ti sɛla woo ana suŋa. 45A nyaa ni lebe mɛ ta tari Sɛfi'iha siyopɔi se'ehi tuuma n fi'ɛ gana eŋa, ti ba wa'am na kɛ̃. Ti nɛra kaŋa ba'ahegɔ nyaa ni ba' sagum mɛ gana a yia la. Bala mɛa ti la wan ana bo' zina beere be'em nɛreba wa.”
Yezu yireduma
(Maki 3.31-35; Luki 8.19-21)
46Yezu en kelum bɔna bini tɔgera bɔ'ɔra nɛrekuuŋɔ la, bihɛ, a ma la a suurɔ wa'am na zɛ'a yiŋa ti ba tɔgɛ la en. 47Ti Nɛra ayima yele en yeti, “Bihɛ, fum ma la fum suurɔ ze' yiŋa bɔta ti ba tɔgɛ bo' fum.” 48Gee se'em en yele en ŋwana wa la, Yezu lebe en yeti, “Mam ma dela ani, ti en suurɔ dɛna bani?” 49Gee tiɛ nu'o pa'ala a zahereba la, gee yeti, “Bihɛ, Mam ma la mam suurɔ n ŋwana. 50Se'ere en sɔi la, se'em woo en tuni mam sɔ n boi saazuo ha sumboolum, nɛre eŋa en de mam suuɔ, mam taya, la mam ma.”
Выбрано:
Matu 12: GBTP
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Gurenɛ New Testament © The Bible Society of Ghana, 2020.
