KARARIADI 10

Hintou ngu manga ana i Nuh

(1Taw. 1:5-23)

1Ko i'i hintou ngu manga ana i Nuh, ko i Sem, i Yafet, l᷊au i Ham. Napal᷊usi l᷊uwa, i sire tilu nakahombang manga ana kol᷊aese.

2Manga ana i Yafet ko i Gomer, i Magog, i Madai, i Yawan, i Tubal, i Mesekh l᷊au i Tiras. 3Hintou ngi Gomer ko kawanua ngu Askenas, Rifat l᷊au Togarma. 4Hintou ngi Yawan ko kawanua ngu Elisa, Spanyol, Siprus l᷊au Rodes. 5I sire ko manga i upung u manga bangsa ko natana su kanandu u apeng l᷊au su manga pulo.

Ko e'e kaul᷊i u hintou ngi Yafet. Apang bangsa l᷊au suku natana su soa ngu simbau-simbau, dang pia wahasa ngi sire sisane.

6Manga ana i Ham ko i Kus, i Mesir, i Libia, i Kanaan. 7Hintou ngi Kus ko kawanua ngu Seba, Hawila, Sabta, Raema, l᷊au u Sabtekha. Hintou ngi Raema ko kawanua ngu Syeba l᷊au Dedan 8I Kus pa anae kol᷊aese arenge i Nimrod ko nakoa tau ko wahani kahimotongange su dunia. 9Dingang u tul᷊umang u Mawu i sie nakoa tahapanganu ko kapiange. Watu'u e'e taumata nanarang mangul᷊i. “Mal᷊umbako Mawu mukoa si kau singkatau tahapanganu ko kapiange kere i Nimrod.” 10Horo kararatuange nanahiangkung Babel, Erekh, l᷊au u Akad, tampa tatilu e'e ko su Babilonia. 11Bou pai e'e i sie nakoa sarang Asyur, bou e'e nupararisi soa ngu Ninewe, Rehobot-Ir, Kalah, 12l᷊au u Resen ko pilo-pilo su tal᷊oara u Ninewe l᷊au u Kalah. Kaul᷊i u e'e ko manga soa ko l᷊al᷊abo.

13Hintou ngi Mesir ko kawanua ngu Lidia, Anamim, Lehabim, Naftuhim, 14Patrusim, Kasluhim, l᷊au Kaftorim. Bangsa Kasluhim e'e ko i upung u bangsa Filistin. 15Manga ana i Kanaan, ko i Sidon kaiyakanenge, l᷊au i Het. 16Kanaan l᷊ai ko i upung u bangsa Yebusi, Amori, Girgasi, 17tau Hewi, Arki, Sini, 18Arwadi, Semari l᷊au Hamati. Manga suku bangsa u Kanaan e'e ko nakeke marau, 19hakiu manga pusarang u soa ngi sire nal᷊abo bou Sidon sarang timuhi makoa sarang Gerar, sarang masandighi u Gaza, dang sarang raki makoa sarang Sodom, Gomora, Adma, l᷊au Zeboim, sarang masandighi u Lasa.

20Seng e'e kal᷊i u hintou ngi Ham. Apang bangsa l᷊au suku natana su soa ngi sire simbau-simbau dang l᷊awo pia wahasa ngi sire sisane. 21I Sem tuhang i Yafet, ko i upung u kaul᷊i u bangsa Ibrani. 22Manga ana i Sem ko i Elam, Asyur, Arpakhsad, Lud l᷊au i Aram. 23Hintou ngi Aram ko kawanua ngu Us, Hul Geter l᷊au Mas 24Arpakhsad iyamang i Selah. Dang i Selah iyamang i Eber. 25I Eber pia anae ko ese darua; ko iyakang arenge i Peleg,#10:25: Peleg: arenge i'i su wahasa ngu Ibrani mangal᷊enge “napahia”. ual᷊ingu su tempo ngi sie manga bangsa su dunia napahia; karuange arenge i Yoktan. 26Hintou ngi Yoktan ko kawanua ngu Almodad, Selef, Hazar-Mawet l᷊au Yerah, 27Hadoram, Uzal, Dikla, 28Obal, Abimael, Syeba, 29Ofir, Hawila l᷊au Yobab. Kaul᷊i u e'e ko hintou ngi Yoktan. 30Tampa katanakeng i sire nal᷊abo bou Mesa sarang Sefar, e'e ko manga wul᷊uri su simbuka ngu raki.

31Seng e'e kaul᷊i u hintou ngi Sem. Apang bangsa l᷊au suku natana su soa ngi sire simbau-simbau dang pia wahasa ngi sire sisane.

32Kaul᷊i u e'e ko hintou ngi Nuh, bangsa dingang u bangsa, tuhu wuhi u hintou ngi sire simbau-simbau. Seng i sire hintou ngu manga bangsa su dunia i'i samuri ngu l᷊uwa ko l᷊abo e'e.

Выбрано:

KARARIADI 10: PLT

Выделить

Копировать