यूहन्‍ना 13

ईसु चेला का पग धोयो

1फसह का तुंवार सुं पेली ईसु न्अ यो पतो पड़यो क उंको संसार न्अ छोड़र बाप कन्अ जाबा की बगत आ पुंची, तो ई संसार मं रेबाळा उंका मनखा सुं ज्यांसुं वो परेम करअ छो, वाप्अ वो आखरी दना को परेम दखायो।

2ब्याळू करती बगत सेतान, समौन का छोरा यहूदा इस्करियोती का मन मं या बात बाड़ दियो छो क ईसु न्अ पकड़वा देव्अ 3ईसु या जाण्अ छो क, “बाप म्हारा हाथा मं सब देदियो, अर म परमेसर कन्अ सुं आयो छु अर परमेसर कन्अ जार्यो छु।” 4जिसुं वो ब्याळू करतो'ई उठ'र खुदका चोगा न्अ खोलर तोलियो बान्ध लियो। 5फेर एक बरतन मं पाणी लेर चेला का पग धोबा अर बीकी कमर मं बंधेड़ा तोलिया सुं पूछबा लागगो।

6जद वो समौन पतरस कन्अ आयो तो पतरस बीसुं बोल्यो, “हे परबु, कांई तु म्हारा पग धोर्यो छ?”

7ईसु बीन्अ जुवाब दियो क, “ज्यो म करर्यो छु बीन्अ तु अबार कोन्अ समझर्यो पण फेर पाछ्अ समझलो।”

8पतरस बीन्अ बोल्यो, “तु म्हारा पग कद्‍या बी कोन्अ धो सक्अलो।” या सुंणर ईसु बीन्अ बोल्यो, “म थारा पग कोन्अ धोऊलो तो थारो म्हारो कोई रिस्तो कोन रेव्अलो।”

9समौन पतरस जुवाब दियो, “हे परबु, फेर तो पगा की लार हाथ अर माथो बी धोद्अ।”

10ईसु बीन्अ बोल्यो, “ज्यो न्हा लियो बीन्अ पगा न्अ छोड़र कांई बी धोबा की जुरत कोन्अ। एक न्अ छोड़र थे सबळा पवितर छो।” 11ईसु तो बीका पकड़ाबाळा न्अ जाण्अ छो, जिसुं वो खियो छो क, “सबळा का सबळा पवितर कोन्अ।”

12 # लूक 22:27 जद वो बांका पगा न्अ धोर लत्ता पेर'र बेठग्यो तो बान्अ खियो, “थे समझ्या क म थांकी लार कांई कर्यो छु?” 13थे मन्अ गरूजी अर परबु खेवो छो अर ठीक ई खेवो छो। क्युं क म वोई छु। 14म गरूजी अर परबु हेर थांका पग धोयो छु तो थान्अ बी एक-दूसरा का पग धोणा चायजे। 15क्युं क म थान्अ बानगी दखा दियो क जस्यान म थांकी लार कर्यो छु, वस्यानई थे बी करो। 16#मत्ती 10:24; लूक 6:40; यूहन्‍ना 15:20म थान्अ सांची-सांची खेऊ छु क दास मालिक सुं बड़ो कोन्अ अर न्अ खन्दायेड़ो खन्दाबाळा सुं। 17थे तो ये बाता न्अ जाणो छो अर थे ईन्अ करो तो थां माळ्अ आसीर्वाद होव्अलो।

18“म थां सबळा का बारा मं कोन्अ खेर्यो, म बान्अ जाणूं छु ज्यांन्अ चुण मेल्यो छु, पण सास्तर को यो लेख पूरो होबो जरूरी छ क, ‘ज्यो म्हारी रोटी खाव्अ छ बोई म्हारी ओड़ी लात उठायो।’”

19“अब म ईका होबासुं पेली थान्अ जणा देऊ छु क जद यो हो जाव्अ तो थे यो बस्वास करो क म बोई छु। 20#मत्ती 10:40; मर 9:37; लूक 9:48; 10:16म थान्अ सांची खेर्यो छु, क ज्यो म्हारा खन्दायेड़ा न्अ मान्अ छ, वो मन्अ मान्अ छ। अर ज्यो मन्अ मान्अ छ वो मन्अ खन्दाबाळा न्अ मान्अ छ।”

ईसु बतायो मन्अ धोखा सुं पकड़ाबाळो

(मत्ती 26:20–25; मरकुस 14:17–21; लूका 22:21–23)

21ये बाता खेर ईसु गाडो दुखी होयो अर या खियो क, “म थान्अ सांची खेऊ छु, थाम्अ सुं एक मन्अ धोखा सुं पकड़ावलो।”

22चेला यो सक्अ करर क वो कुणका बारा मं खेर्यो छ, एक-दूसरा न्अ देखबा लागगा। 23बाम्अ सुं एक चेलो जिन्अ लाड़लो खेव्अ छा, ईसु सांकड्अ'ई बेठ्‍यो छो, 24समौन पतरस बीकी ओड़ी असारो करर खियो, “बीसुं पूंछ वो कुणका बारा मं खेर्यो छ।”

25ई बजेसुं वो चेलो ईसु ओड़ी लळ'र पूछ्‍यो, “परबु, वो कुण छ?”

26ईसु खियो, “जीन्अ म चटणी मं डबोर गास देऊलो, बोई छ।” अस्यान ईसु रोटी को गास लेर बीन्अ चटणी मं डबोयो अर समौन का छोरा यहूदा इस्करियोती न्अ देदियो। 27गास लेताई सेतान यहूदा क मायन्अ समाग्यो।

जद्‍या ईसु बीन्अ खियो, “तु ज्यो करबाळो छ बीन्अ बेगो कर!” 28पण उण्डअ बेठेड़ा मं सुं कोई कोन जाण्यो क ईसु बीन्अ या क्युं खियो छ। 29यहूदा कन्अ रप्या की कोथळी रेव्अ छी, जिसुं कोई-कोई चेला या समझ्या क ईसु बीन्अ खेर्यो छ क तुंवार क ताणी ज्यो सामान चायजे वो मोल लियाव्अ, या फेर खेर्यो छ क गरीबा न्अ कोई-कांई दे।

30अर वो गास लेर झटदाणीसीक ई बडा सुं चलग्यो। अर वा रात की बगत छी।

नुई आज्ञा

31यहूदा न्अ गिया पाछ्अ ईसु खियो, “अब म, मनख को छोरो महमावान होयो छु, अर मंसुं परमेसर की महमा होई छ।” 32अर ज्यो म सुं परमेसर की महमा होई छ, तो परमेसर बी अपणा आप मन्अ महमा देव्अलो, अर बेगोई देव्अलो।

33 # यूहन्‍ना 7:34 “ह म्हारा प्यारा छोराओ, म थोड़ा दनाई थांकी लार ओर रेऊलो। थे मन्अ हेरअला, अर जस्यान म यहूदी नेता न्अ खियो छो वस्यानई थान्अ बी खेऊ छु क, ‘जड़अ म जार्यो छु बड़अ थे कोन्अ आ सको।’”

34 # यूहन्‍ना 15:12,17; 1 यूह 3:23; 2 यूह 1:5 “म थान्अ एक नुई आज्ञा देर्यो छु क एक-दूसरा सुं परेम राखो। जस्यान म थासुं परेम रांख्यो छु, वस्यानई थे बी एक-दूसरा सुं परेम रांखो। 35थे आमा-सामा परेम रांख्अला तो इसुंई सबळा जाणला क थे म्हारा चेला छो।”

(मत्ती 26:31–35; मरकुस 14:27–31; लूका 22:31–34)

36समौन पतरस बीसुं खियो, “ह परबु, तु कढ्अ जार्यो छ?”

ईसु बीन्अ खियो, “जड़अ म जार्यो छु, अबार तु म्हारअ पाछ्अ-पाछ्अ बड़अ कोन्अ आ सक्अ! पण फेर म्हारअ पाछ्अ-पाछ्अ आवलो।”

37पतरस बीसुं बोल्यो, “परबु, म अबार थारअ पाछ्अ क्युं कोन आ सकुं? म तो थारअ ताणी मरबा बेई बी त्यार छु।”

38ईसु खियो, “तु म्हारअ ताणी ज्यान देव्अलो कांई? म तन्अ सांची-सांची खेर्यो छु क मुरगो बोलबा सुं पेली तु तीन बार म्हारअ बेई नट जाव्अलो।”

Выбрано:

यूहन्‍ना 13: डि एच डि

Выделить

Копировать