مقتطفات من الزبور 23
23
دعاء الثقة بالله للنبي داود (ع)
1الله وكيلي هو مْراعيني،
مَعُه ما بْعوز شي لأنّه مْكَفّيني
2عأَراضي خَضرا بْياخِدني، بِرَيّحني،
وجنب المَيّ الهادية بْيِهْديني.
3بِرَيِّح نَفسي بْيِنْعِشْني،
ولَسَبيل البِرّ بْيِرْشِدْني،
إكراماً لإسمُه الصّادق الأمين.
4وحتّى لو مْشيت بالوادي المُظْلم المُميت،
ما بْخاف من الأذى أبداً، لأنّك مَعي يا معين.
بْتِحْميني مِتل الرّاعي بْعَصاه، وبْتِهْديني
5سُفْرِة مْلوك بِتْحضِّرلي، علناً إدّام عَدوّيني،
بِتْكَرِمّني آخِر كَرَم وبْأعلى تِشْريف بْتِدْعيني
6نَعَم، الخير والوَفا بِرافقوني حتّى مَماتي،
ورَح إسكُن في بيت الله كلّ إيام حياتي.
Выбрано:
مقتطفات من الزبور 23: LRT
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© 2021 Sabeel Media
