Kîam 6

Waganu wa andû

1 # Ayu 1.6; 2.1 Rîrîa andû maambîrîrie kwîngîva nthî, na magîciara erîtu, 2ciûmbe cia îgûrû nîcionire erîtu acio a andû marî athaka mûno. Ciûmbe icio nîciethuurîre erîtu amwe matuîke aka ao. 3Nake Ngai-Mûnene nîwaugire atîrî, “Vinya wakwa wa kûvotithia mûndû gûtûûra tî wîkara ndaarî ya mûndû tene na tene; nîûndû mûndû nî kîûmbe gîa gûkua. Kuuma rîu gûtirî mûndû ûgatûûraga makîria ya mîaka îgana rîa mîrongo îrî (120).” 4#Nda 13.33 Mavindarî mau na marîa maarûmîrîre, nîkwagîre andû anene mûno arîa maarî njiarwa cia aka a gûkû nthî, na ciûmbe cia îgûrû. Acio nîo maarî andû a tene na maarî njamba.

5 # Mat 24.37; Luka 17.26; 1Pet 3.20 Ngai-Mûnene nîwonire atî waganu wa andû warî mwîngî mûno gûkû nthî, na atî meciragia maûndû macûku vîndî cionthe. 6Ngai-Mûnene nîweririre nîûndû wa kûmba andû na kûmaiga gûkû nthî. Nîweririre mûno ngororî yake na 7akiuga atîrî, “Nie nîngûthiria andû aya naûmbire viû, vamwe na nyamû wana iconi, nîûndû nînîrirîte nî kîrîa gîatûmire nîmaûmba.” 8Nwatî Ngai-Mûnene aarî mûkenie nî Nuhu.

Nuhu

9 # 2Pet 2.5 Ino nîcio njiarwa cia Nuhu. Nuhu aarî mûndû mûthingu, na nwake wenga tu warî mwaro îvindarî rîu. Nuhu aarî na ngwatanîro na Ngai. 10Nuhu aarî na anake athatû: Shemu; Hamu; na Jafethi. 11Andû acio engî onthe a nthî maarî aganu methorî ma Ngai, na mbaara yecûrîte kûndû kuonthe. 12Nake Ngai nîwaroririe na akîona nthî îrî njûku nîûndû andû onthe maatûûraga mevagia.

13Ngai nîwerire Nuhu atîrî, “Nie nînduîte ciira atî nîngûthiria andû onthe. Nînîmathiria onthe nîûndû nthî îcûrîte mbaara nîûndû wao. Nînîmathiria vamwe na nthî yonthe. 14Îîtumîre thabina na mbaû irîa mbaro, na ûmîgaanie kûu ndaarî. Ûcoke ûmîthinge na rami nja na ndaarî. 15Thabina îo îkethîrwa îrî na ûraca wa mita îgana rîa mîrongo îthatû na ithatû (133), wariî wa mita mîrongo îîrî na igîrî (22) na kîrûngamo mita îkûmi na ithatû (13). 16Imba thabina na ûtige ndirica ya cendimita mîrongo îna na inya (44). Mîtume îrî na ngorova ithatû na ûthondeke mûrango mwenarî wayo. 17Nie nîngûtûma nthî yonthe îcûre manjî mathirie indo cionthe irîa itûûraga gûkû nthî. 18Nwatî nîngûgîa na kîrîkanîro nawe. Thiî ûtonye thabinarî na mûkaguo na avîcî aku wa vamwe na aka ao. 19Na ûtonyie thabinarî îo nyamû cia mîthemba yonthe ya nga na ya njamba nîguo itigakue. 20Na ûtonyie iconi cia mîthemba yonthe, nyamû cia mîthemba yonthe, ciûmbe cia mîthemba yonthe irîa ikurumaga, irî igîrî igîrî nîguo itigakue. 21Na ûtonyie mîthemba yonthe ya irio ûciige îkûmbîrî irî ciaku na cia nyamû na iconi icio.” 22#Ahib 11.7 Nake Nuhu nîwekire maûndû monthe marîa aathîtwe nî Ngai eke.

Выбрано:

Kîam 6: KKB

Выделить

Копировать