Matiu Pepongkaa lolita
Pepongkaa lolita
Sura au nauki Matiu ide mopahawe irikita kaYesunami Datu Topehorema au nadandiake Pue Ala. Pue Yesumi au mopabukei dandina Pue Ala au teuki i lalu Sura Malelaha. I lalu Ngkora Marasa au nauki Matiu ide, katuwona Yesu ratuntuake.
Sura ide rauki moula tuntukana katuwona Pue Yesu, mepongka i karapoanakaNa. Hangko indo, tabasa kana i karariuNa, kanakeloNa Datu Tokadake, paturoNa i tauna bosa, hai pobagoNa mopakaoha tomahai. Roo indo, sura ide mampololita polumaona Yesu hangko i Galilea hawe i Yerusale, hai apa au mewali i Pue Yesu i minggu kaopeana i lalu katuwoNa i dunia ide. Kahopoana mampololita, kapatena Pue Yesu hai pearoNa hule hangko i olo tomate.
Ihi sura
1. Pemuleanda toioruna Yesu, karapoanakaNa hai kaanangkoiNa (1:1–2:23)
2. Pobagona Yohane Toperiu (3:1-12)
3. Karariuna Yesu hai kanakeloNa Datu Tokadake (3:13–4:11)
4. Pobagona Yesu i tampo Galilea (4:12–18:35)
5. Polumaona Yesu hangko i Galilea hawe i Yerusale (19:1–20:34)
6. Minggu kaopeana i lalu katuwona Yesu i dunia (21:1–27:66)
7. Pearona Pue Yesu hai popatongawaNa wataNa (28:1-20)
Выбрано:
Matiu Pepongkaa lolita: NPY
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
@LAI 2016