MARAKO 6

1KANDI akarugayo; yaija omunsi yowabu; abegeswabe nibamukuratira. 2Kandi sabiti obuyahikire, yabanza okwegesa omu iso’rokaniro: abaingi obubamuhulire bahuni’ra, nibagamba ngu Onu akaiha nkaha ebigambo ebi? kandi ngu Magezi ki ganu onu agayahairwe? Nebyamani ebirukuingana aho ebikozirwe omu mikonoye? 3Tinuonu mubaizi? Omwana wa Malyamu, mugenzi wa Yakobo, na Yose, na Yuda, na Simoni? Nabanyanya titunyinabo hanu owaitu? 4Bamwesitaraho. Yesu yabagambira ati Nabi taburwa kitinisa, rundi omu nsi yowabu, nomu rugandarwe, nomu njuye. 5kandi atasobole kuko’ra oku ekyamani kyona, rundi akataho emikonoye ha barwaire bake, 6nabakiza. Kandi yahuni’ra obwobutaikiriza bwabu.

Kandi yagendagendaga omu maka ha mbaju zona, nayegesa.

7Kandi aketa namberali ikumi nababiri, yabanza okubatuma babiri babiri; yabaha obusobozi ha mizimu emibi; 8nabatere’ra batatwara kintu kyomu muhanda, rundi omuigo gwonka; nobubyakuba ebyokulya, nobwekuba endanga nobuzakuba erupiya omu myeko yabu; 9baitu okugenda basabikire enkaito omu maguru: kandi ati Mutajwara kanzu ibiri. 10Yabagambira ati Enju yona yona hamurakatahaga, nuho muikalege obumulikahikya okurugayo. 11Nekiikaro kyona kyona ekitalibaikiriza, okutabahu’a, obumurarugayoga mukunkumulege ecucu enyakuli omu bigere byanyu, okuba kaiso namberebali. 12Kandi bakagenda nibatebeza okwegarukamu. 13Babinga emizimu mingi, basiga amagita ha barwaire baingi, babakiza.

14Kandi Herode omukama akahu’ra; baitu ibaralye likaba limanyirwe; yagamba ati Yohana Omubatizi ahumbukire omu bafu, amani ganu nikyo gakole’ra omuruwe. 15Baitu abandi bagamba ngu Nuwe Eriya.Abandi bagamba ngu Nabi,nkomu hali banabi. 16Baitu Herode,obuyahulire yagamba ati Yohana ounacwireho omutwe,nuwe ahumbukire. 17Baitu Herode wenka akatuma, yakwata Yohana yamuboha namuta omu nju yenkomo habwa Herodiya, mukazi wa mugenziwe Firipo: 18baitu akamuswera, Baitu Yohana akagambira Herode ati Tikiri kirungi iwe okuikara na Mukazi wa mugenzi wawe. 19Na Herodiya nikyo yamunobire, nagonza okumuita; baitu atasobole; 20baitu Herode akatina Yohana, amumanyire okuba omuntu ahikirire, arukwera, yamulinda. Kandi obuyamuhulire yagurukyagurukta; yamuhu’ra nokusemererwa. 21Kandi ekiro ekisemire obukyahikire, Herode ekiyacumbiriremu abanyorobe obugenyi ha kiro kyokuzarwakwe, nabakurur babaserikale,nabakama ba Galiraya; 22kandi omuisiki wa herodiya wenka obuyaizire natera entogoro, herode nabo abakaba baikalire nauwe okulya bamusemere’rwe; kandi omukama yagambira omuisiki ati Nsaba ekyorukugonza kyona, ndakikuha. 23Yamurahi’ra ati Kyona kyona ekyoransaba, ndakikuha, nobukiraba ekicweka kyobukama bwange. 24Kandi yaturuka yagambira nyina ati Ndasaba ki? Yagamba ati Omutwe gwa yohana Omubatizi. 25Ahonaho yarahuka naija hali omukama, yasaba, nagamba ati Ninyenda ompere bunu bunu omurucuba, omutwe gwa Yohana Omubatizi. 26Kandi omukama yatuntura muno: baitu habwebirahirobye, na habwahbo abakaba baikalire nauwe okulya, atagonze kumuima. 27Ahonaho omukama yatuma serikale owomubaduma, naragira okuleta omutwegwe; yagenda yamucwaho omutwe omu nju yenkomo, 28yaletara omutwegwe omu rucuba, yaguha omuisiki; omuisiki yaguha nyina, 29Kandi abegeswabe obubahulire, baija, batwara omutumbigwe, baguta omu kituro.

30Kandi abakwenda bakesoroza hali Yesu; bamutebeza ebigambo byona, ebibakozire, nebibayegeseze. 31Tabagambira ati Muije inywenka omusita omu kiikaro nambere hatarumu Bantu, muhumuleho hake. Baitu bakaba baloho baingi abaijaga nabagendaga, kandi bakaba batanyina kacu nobuhokuba hokulira. 32Bagendera omu bwato omunsita omu kiikaro nambere hatarumu Bantu. 33Kandi abantu nakabarora nibagenda, baingi babamanyi’ra, nabo abarugire omu mbuga zona bairukira ha bwe’re babatangisa oku. 34Obuyarugire omu bwato yarora ebitebe bingi, yabaganyira, baitu bakaba basisaine nkentama ezitanyina mulisa: yabanza okubegesa ebigambo bingi.

35Kandi obuire bukaba bwa’sa kuira, abegeswabe baija namberali, nibagamba ngu Hanu irungu, kandi obuire bwa’sa kuira: 36obohereze, bagenda omu nsi nomu maka agahe’raine begu’re ebyokulya. 37Baitu yagarukamu nabagambira ati Inywe mubahe ebyokulya. Bamugambira ngu Tugende tugule emigati eyedinali bibiri tugibahe balye? 38Yabagambira ati Muyina emigati ingaha? Mugende murole. Obubamanyire bagamba ngu Etano, nencu ibiri. 39Yabaragira baika’re bona, bitebe bitebe ha bunyansi obuto. 40Baika’ra omu nka’ra ezekikumi nezamakumi atano. 41Yakwata emigati etano nencu ibiri, yarora haiguru omu iguru, nasima, nacwamu emigati; yaha abegeswabe bagite omu maiso gabali; nencu ibiri yazibagabira bona. 42Balya bona nibaiguta. 43Kandi bakomaho oburagalika, nibaijuza ebigega ikumi nabibiri, nobwencu nabwo. 44Abo abalire emigati bakaba bali abasaija enkumi itano.

45Ahonaho yahambiriza abegeswabe okugwe’ra omu bwato, bamubanzeyo nseri Besesaida, uwe amale okwohereza ebitebe. 46Kandi obuyamazire kubaraga, yagenda ga rusozi okusaba. 47Kandi obuire bukaba buli omu nziha hagati, uwe aikaire wenka ha mugongo. 48Kandi obuyaboine nibatenekaniza okugoya, baitu omuyaga gukaba gubaturukire omu maiso, omu kisisimuka ekyakana ekyekiro yaija namberebali, nagendera ha nyanja; kandi akaba na’sana kubahinguraho: 49baitu abo, obubamuboine nangendera ha nyanja, nibatekereza ngu muzimu, bayamuza: 50baitu bona bakamurora, batuntura. Baitu ahonaho yabaza nabo, nabagambira ati Mugume emitima; ninyowonu; matatina. 51Yatemba omu bwato nambere bali, omuyaga gwayamuka: bahuni’ra muno omunda yabu; 52baitu ebyemigati batabyetegereze, kandi emitima yabu ekaba egumangaine.

53Kandi obubamazire okwambuka, baija omu nsi ya genesalesi, 54bagomeza ha Musa. Kandi obubarugire omu bwato, ahonaho bamumanyi’ra, 55bairuka nibehinguliriza ensi egi yona, nibabanza okuhimbira abarwaire ha bitabu nambere bahulire aloho. 56Kandi nambere yagendaga hona, rundi omu bika, rundi omu mbuga, rundi omu maka, babyamisaga abarwaire omu butale, nibamwesengereza bakole kwonka ha mukugiro gwekyokujwarakye: kandi bona abakorahoga bakira.

Выбрано:

MARAKO 6: BRR64

Выделить

Копировать