MARAKO 13

1KANDI obuyaturukire omu yekaru, omu hali abegeswabe yamugambira ati Omwegesa, Dora amabale ganu okugali, nokwombekwa kunu okukuli! 2Yesu yamugambira ati Oboine okwombekwa kunu okwingi? Tihalisigara hanu ibale erinyakuli ha ibale, eritalinagwa hansi.

3Obwakaba aikalire ha rusozi orwa Zeituni narole’ra yekaku, Petero na Yohana na Andereya bakamukaguza 4omunsita ngu Tutebeze, ebigambo ebi biribaho li? Kandi akokuro’raho karaha akebi obubiri’sana okuhiki’ra byona? 5Kandi Yesu yabanza okubagambira ati Mwerinde omuntu wena alekege okubahabisa. 6Baingi abaliija omu ibara lyange, nibagamba ngu Ninyowogu; kandi balihabisa baingi. 7Kandi obumurahu’raga obulemu nokuranganwa okwobulemu, mutalituntura: bihikirire okubaho; baitu emperor etaakabaireho. 8Baitu ihanga liriramagira ihanga litahi lyalyo, nobukama bukama butahi bwabwo: halibaho emisisa omu biikaro ebindi nebindi; halibaho ebihe; ebi nukwo kubanza kwobujune.

9Baitu mwerinde inywenka: baitu balibahayo omu nkurato: kandi omu maso’rokaniro nuho mulite’rwamu: kandi mulyeme’ra omu maiso gabalemi nabakama habwange, okuba kaiso nambere bali. 10Kandi kihikirire enjiri okumara kugambirwa amahanga gona. 11Kandi obubarabatwaraga okubahayo, mutalibanza okutuntu’ra ebimuligamba: baitu ekimurahebwaga kyona omu kasumi ako, nikyo muragambaga: baitu tali inywe mugamba, baitu 12Omwoyo Ogurukwera. Mwene wabu alihayo omugenziwe okuitwa, na ise alihayo omwana;abana balyemera babazaire, balibaisa. 13Kandi mulinobwa bona habwibara lyange: nauwe aliguma okuhika ha mpero, nuwe alijunwa.

14Baitu obumulikarora ekinugwa ekinyakuhwerekereza kyemerire nambere kitasemerire ( anyakkusomamu ayetegereze),nubwo abanyakuli omu Buyu 15daya bairukire ha nsozi: anyakkuli ha ruguru yenju atasirimuka, nobukwakuba okutahamu, okuihamu ekintu omu njuye: 16nogu anyakuli omu musiri, atagarukayo okkutaba’ra orugoyerwe. 17Baitu ziribabona abanyakuli nenda, nabarukwonkya omu biro ebi! 18Musabe bitahikira omu biro ebyembeho. 19Baitu ebiro ebi biriba byobujune, ebitakabahoga biti Ruhanga akaba okuhanga ebyahangirwe, na hati hona, kandi tibiribaho. 20Kuba Mukama ataracwireho ebiro ebi,tihakujunirwe mubiri gwona: baitu habwabakome, abayakomeremu, akacwaho ebiro. 21Omu biro ebi omuntu wena obwarabagambiraga ati Dara, Kristo ali hanu; rundi ali oku; mutaliikiriza: 22baitu Bakristo abebisuba nabanabi abebisuba bakiimuka, balikora ebyamahano nebyokuhuniri’raho, bahabise, obukiraba nikisoboka, abakome. 23Baitu mwerindege inywe: dora, mbagambire byona bitakabaireho.

24Baitu omu biro ebi, obujune obu buhoireho, izoba lirizima, nokwezi tukuliijwa nomwezi 25gwakwo, nenyunyuzi ziriba nizigwa okuruga omu iguru, nobusobozi obunyakuli haiguru bulitengesebwa. 26Nubwo balirora Omwana womuntu naizira omu bicu namani amaingi nekitinisa. 27Kandi nubwo alituma bamaraikabe, alisoroza abakomebe okkuruga hali embeho ina, okuruga ha mpero yensi okuhika hampero yiguru.

28Kandi mwegere hali omutini orufumo rwagwo: itagi lyagwo obuliba lyorobere, nirizara amababi gagwo, buli mumanyire 29omwaka guli haihi; kandi nainywe nukwo obumulikarora ebigambo binu nibihiki’ra, mumanye ali haihi, ali ha nyigi. 30Mananukwo nimbagambira nti Obusinge bunu tibulihwaho na kake, rundi ebi byona obubirimara okuhiki’ra. 31Iguru nensi birihwaho: baitu ebigambo byange tibirihwaho. 32Baitu ha kiro eki nobukakuba akasumi ako busaho abimanyireho, nobubakuba bamaraika abanyakuli omu iguru, nobwakuba Omwana, baitu Isenyewe wenka.

33Mwerindege, murolege, musabege: baitu timumanyire akasumi nambere kalihikira.

34Nkomuntu ayasigire enjuye,narara omu nsi endi, amazire okuragira abairube rubale, nokubaha emirimu yabu omuomu, naragira omukurmirizi okurora. 35Nukwo murolege inywe: baitu timumanyire nyineka nambere aliizira, rundi obuire buizire, rundi itumbi, rundi omu nkoko, rundi nyenkya; 36obwaliija bwango aleke okkubasanga mugwijagire. 37Kandi ekindukubagambira inywe nikyo mbagambirabona nti, Murolege.

Выбрано:

MARAKO 13: BRR64

Выделить

Копировать