LUKA 13

1KANDI omu biro ebi hakaba haloho abantu abamutebize Ebyabagaliraya abo, kandi Pirato okuyajwanganize esagama yabu nebyonzira byabu. 2Yagarukamu nabagambira ati Nimutekereza ngu Abagaliraya abo bakaba bali basisi okukira Abagaliraya bona, baitu bakasalizibwa bati? 3Nimbagambira nti Tikirikyo: baitu obumute’ra muti inywena. 4Rundi bali ikumi nomunanan, enju eyomu Siroamu abayagwireho nebaita, nimutekereza ngu bakaba bali babi okukira abantu bona abayakuli omu Yerusalemu? 5nimbagambira nti Tikirikyo: baitu obumutegarukamu, nukwo mulihwereke’ra muti inywena. 6Kandi akacwa orufumo runu ngu Hakaba haloho omuntu omu akabayina omutini oguyabyaire omu rugonjorwe orweizabibu; kandi akaija okuguse’raho ebyana, tiyabibona. 7Yagambira omulimi wemizabibu ati Dora, emyaka enu esatu nyija okuse’ra ebyana ha mutini gunu, ntarukubiboba; guteme; nugwema’raho ki ekibanja? 8Ogu yagarukamu nagamba ati Mukama wange, guleke nomwaka gunu, obundikahikya okugwombera nokugulimamu obusa: 9obuguliba nugwana ebyana hanyuma, nukwo; baitu kiriba kitalikyo, nubwo oligutema. 10Kandi akaba nayegesa omu iso’rakaniro erimu ha kiro kya Sabiti. 11Dora, hakaba harumu omukazi akabayina endwara emyaka ikumi nomunana; akaba aramaire, atarukusobora okwego’ra. 12Kandi Yesu obuyamuboine, yamweta, yamugambira ati Omukazi, olekerwe endwara yawe. 13Yamutaho emikonoye: ahonaho ogu yego’rwa, yakugiza Ruhanga. 14Omukuru wiso’rokaniro obuyakwasirwe ekiniga, baitu Yesu akakiza ha kiro kya Sabiti, yagarukamu nagambira ekitebe eti Haroho ebiro mukaga ebihakirire abantu okubiko’ramu emirimo: numwo muijege okukizibwa, okutaija ha kiro kya Sabiti. 15Baitu Mukama waitu yamugarukamu nagamba ati Inywe abagobya, inywena timusibu’ra omuntu wena enimiye, rundi enkainaye, ha kior kya Sabiti, nimugitwara okugyesera amaizi? 16Nomukazi onu, omwana wa Iburahimu, Stani ouyabohaga, dora, emyaka ikumi nomunana, tahikirire okuboho’rwa orusengo runu ha kiro kya Sabiti? 17Kandi obuyagambire ebi abanyanzigwabe bona bakwatwa ensoni: ekitebe kyona kyasemere’rwa ebigambo byona ebyekitinisa ebyakozirwe uwe. 18Nikyo yagambire ati Obukama obwa Ruhanga nimusisana buta? kandi ndabusisaniza nkaha? 19Nubusisana nkakajuma ka karadali, omuntu akayakwasire yakanaga omu musirigwe; kamera kafoka omuti; enyonyi ezahagati zarara omu matagi gagwo. 20Kandi yagaruka okugamba ati Ndasisaniza nkaha obukama obwa Ruhanga? 21Nubusisana nkekitumbisa, omukazi ekiyakwasire yakisereka omu ndengo isatu ezensano, yatumbisibwa yona. 22Kandi akagenda omu muhandagwe omu mbuga nomu makanayegesa, nagenda hali Yerusalemu. 23Kandi omu akamugambira ati Mukama wange, abanyakujunwa bake? Yabagambira ati 24Mwekambe okutaha omu irembo erifunzire: baitu nimbagambira nti Baingi abalise’ra okutahamu, tibalisobora. 25Mukama wenju obwalikamara okuimuka, nokukingaho oruigi, nainywe nimubanza okweme’ra aheru, nokweranga ha ruigi, nimugamba ngu Mukama waitu otukingu’reho; nauwe aligarukamu nabagambira ati Timbamanyire, nambere murugire; 26nubwo mulibanza okugamba ngu Twalyaga, twanywaga omu maiso gawe, naiwe wayegesaga omu makute gaitu; 27nauwe aligamba ati Mabagambire nti Timanyire nambere mwaruga; muruge namberendi inywena abakora ebitali byokuhiki’ra. 28Halibaho oku’ra nokunena ensaya, obumulirora Iburahimu na Isaka na Yakobo, nabanabi bona bali omu bukama bwa Ruhanga, nainywe inywenka munagirwe aheru. 29Kandi baliruga oburugaizoba nobugwaizoba, nokuruga obukizi obwemoso nobukizi obwobulyo, baliika’ra omu bukama bwa Ruhanga. 30Kandi dora, haloho abenyuma abaliba abokubanza, kandi haloho abokubanza abaliba abenyuma. 31Omu kasumi ako nubwo baizire Abafalisayo abamu, nibamugambira ngu Ruga hanu oyegendere: baitu Herode nase’ra okukuita. 32Yabagambira ati Mugende mugambire eboha egi muti Dora, hati na ijo nimbinga emizimu, ninkiza abantu, kandi ha kiro kyakasatu nimpiki’ra. 33Baitu kimpikirire okwegendera nyenka hati na nyenkya na ijweri: baitu tikisoboka nabi okuhwereke’ra aheru ya Yerusalemu. 34Iwe Yerusalemu, Yerusalemu, arukuita banabi natera amabale abamutumirwa: emirundi ka mingi nakugondeze okusoroza abana bawe nkenkoko okwebumbatira obwana bwayo omu mapapa gayo, kunu mutaikirize! 35Dora, enju yanyu abasigirwe kifuka, kandi nimbagambira nti Timulindora, okuhikya obumuligamba ngu Ahairwe omugida arukuija omu ibara lya Mukama.

Выбрано:

LUKA 13: BRR64

Выделить

Копировать