PIANPATNAK 8
8
Tuihautung Bonak
1Pathian in, Noah le amah tuah timbaw sung a um ngamsa namkim cu thei leleng hi. Mah hangin leihumah huih theutikin, tui cu kang dedeuh hi. 2Leinuai tuipi pen a putmi tuite le van pen nguah a zuk suknak van tukvelh cu khakdun cawm khawng haw hi. Van nguahtui kangin, 3tui cu kang dedeuh hi. Ni za le sawm nga nungten tui cu kiam dedeuhin, 4ha salihnak ni sawm le ni salih ni-in, timbaw cu Ararat mualhumah tang hi. 5Tui cu kiam pepelin, ha sawmnak ni khat ni-in, mualkul lang hi.
6Ni sawm li nungten Noah in timbaw tukvelh hongin, 7va-ak pa khat hah hi. Va-ak cu kikleh ngawlin, tui a kang khawng laklawh leng kawkawi hi. 8Mah taktoh cu Noah in, tui kang ngangai maw tih theihnak tukin khulo pa khat hah hi. 9Mahnaven tui in leihum a khuh laih hangin khulo cu a kopnak tuk mu ma hi. Noah in, a khut suahin, khulo cu timbaw sungah laleh hi. 10Ni salih a ngah nungten khulo cu hahleh leu hi. 11Mah ni taklamin khulo cu kiklehin, a mukah olif cehhing a thiakmi cu Noah in mu hi. Tui kang ngangai zo hi tih cu Noah in thei hi. 12Noah in ni salih ngaklehin, khulo cu hah leleu hi. Hi a hahmi khulo cu kikleh ma hi.
13Noah i kum za luk le kum khatnak, ha masabel ni khatnakin, leihumah tui cu kang khawng hi. A timbaw khuh hongin, a zoh ten lei cu ko khawngin mu hi. 14A ha nihnak, ni sawm nih le ni salih ni-in, lei cu ko ngah khawng hi.
15Pathian in Noah lakah, 16“Na zi, na capate le a zi haw tuah timbaw sung pen tul toh un hi. 17Ngamsa hempoh, vano, inn ngulh ngan le a vak thei mi hempoh tianin pui khawng inna, leihumah ci pungin, pung haw hen,” ti hi. 18Mah hangin Noah cu a zi, a capate le a zi haw tuah timbaw sung pen tul haw hi. 19Ngamsa hihen, inn ngulh ngan hei hihen, vano le a vak thei mi hempoh tian ahon, ahonin timbaw sung pen tul haw hi.
Noah In Biakpiaknak Bawl
20Noah in, Topa i ca tukin biaklan dawhin, a thiangmi ngamsa le vano cu nam khat pen pa khat ten la in, biaklandawh humah halkang biakpiaknak bawl hi. 21Noah i piakmi namtui cu Topa in, a theih ten a lungmu sungno in, “Mihing tei bawlmi na hangin leihum cu tamsia tukma toh ing. Mihing cu a neu laih haw pepanin phatngawlnak bebek ngaisung haw tih cu thei ing. Mahnaven tutum bangin ituk hei ten a nungmi siatsuahleh tukma toh ing. 22Leihum a him sung hempoh cu anci cin hun le ancop hun um tuk hi. A dap le sa, khaal le phalbi, sun le zan um tuk a, boleh tukma toh,” ti hi.
Выбрано:
PIANPATNAK 8: NBF1
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Ngawm Bible © Bible Society of Myanmar, 2014.
