ᒪrᐠ 5
5
ᒡᕮᙎᐢᒡᕍ ᐦᕍᐦᗯᕠ᙮
1ᑲᐦᗱ ᓂᑊᗃᕠᐅᐦ ᕦᐃᕞᗰ ᗰᓯᐣᗰ ᕤ ᗱᐠ, ᑯᐅᕠᑫ ᘚ ᗃᑕrᐁᓀ ᒪᕠᑫ᙮ 2ᐠᐤᐊ ᑯᐅᕤ ᕦᐢᐊᔭ ᐁᕍ ᐁᐦᑵ ᐅᘚ, ᐠᐤᐁᕞ ᔭᕠᕠᕞᐢᕮ ᐁᐦᕍᕞ ᕞᒃᐁ ᓇᕠᓀ ᐠᐤᐊ ᐅᘚ ᐊᔦᕬ ᔭᑊᗃᕦᐃ ᐊᕤ ᒪᔨᐢ ᓇᒡᓴᕤᐦ, 3ᒪᐠᐤᐊ ᐅᕄ ᓇᕠᓀ ᒡᕮ; ᑲᐦᗱ ᐊᕤᕄᓀ ᔭᕦᐦᓇᒡᓴᒡ ᐃᔪ ᐊᐅᐣᕞ ᐃᕫ ᐊᔨᐃ ᐃᕫ ᐊᕤ ᕦᐦ ᕦᑊᗃᘔᐠᕊᐦ ᐃᔪ ᐊᐅᐣᕞ, ᐊᕤ ᐢᐊᘕᐅᓀ ᐠᕊᕃ ᐊᑊᗂᐅ ᐃᕫ ᕦᑊᗃᗴᐠᕊᕮᐢᓯ: 4ᕞᐤᐅᕞ ᐅᐣᒡᕊᐣ ᕦᐦᒡᓴᑊᗀᐢᐠᕊ ᒥᕫ ᐠᕊᕃ ᐃᕫ ᑲᐦᗱ ᐢᐊᘕᐅᓀ ᐠᕊᕃ ᐃᕫ, ᑲᐦᗱ ᐢᐊᘕᐅᓀ ᐠᕊᕃ ᔭᕦᔭᑊᗀᗰl, ᑲᐦᗱ ᒪᑵ ᗰᓀ ᐠᕊᕃ ᐅᗱ ᔭᕦᔭᑊᗀᗰl: ᑲᐦᗱ ᐊᕤᕄᓀ ᐅᗱ ᐊᔨᕄᐦ ᐃᔪᐣᕞᐦ᙮ 5ᑲᐦᗱ ᐃᐣᑲᐊ ᕮᒡᕃᑫᕦᐦᐤᐅᔪ dᒃᐃᓀᕦᐦᐤᐅᔪ, ᐊᕄ ᐠᕬᐢ ᕦᐦ, ᓇᕠᓀ ᒡᕮ ᐤᐅᔪ, ᐅᕞᐢᕦ, ᑲᐦᗱ ᐊᕦᐠᕮᐃ ᕦᕦᒃᐅ ᒡᐢᔦ ᐃᕫ᙮ 6ᐊᐦᐤᐅᕃ ᕤᐣᕞ ᘚ ᑊᗂᘚ ᙏᓭᐢ ᔭ-ᐃ, ᐅᘚᕞᐦᒡᕍ ᔭᘚ ᓇᗱᐢᕦᐠlᔦᐦ, 7ᑲᐦᗱ ᐅᐦᕞ ᐅᕞᐢᕦ, ᑲᐦᗱ ᕤᐤᐁᕍ ᐅᕄ ᔦᐦᕠ, ᕞᑲ ᑫᕫ ᓇ-ᑵ-ᐅ-ᐅᐢ-ᒡᔨ-ᗴ, ᙏᓭᐢ, ᐣuᓂ ᐅᕞᐦᗰ ᐅᕄ ᔭᕞᐦᗰ ᓇᑊᗃ ᒡᕮ ᗱᐁ ᓀᕄ? ᓇᘚᓂᐅᐣuᓂᓯᒡ ᓇᑊᗃ ᒡᕮ ᘚ, ᐊᕤ ᓂᑎᐢᐊᐤᐅᓯᕠ᙮ 8ᐊᕦᐃ ᕤᐤᐁᕍ ᔦᐦᕠᐁ, ᐢᐊᗰᑊᗃᕠᔭ ᕞᒃᐁ ᒃᐃ ᘚ, ᐣuᓂ ᐊᕤ ᓀᔨᐢ ᓇᒡᓴᒡᕠ ᐊᑊᗃᑊᗁᐣᕦᐃ᙮ 9ᑲᐦᗱ ᕦᐤᐅᕩ ᔦᐦᕠ ᓂᐣᑎᒃᐃ ᕞᐅlᔭ ᔦᐦᕠᕊᐣ? ᑲᐦᗱ ᕤᐤᐁᕍ ᔦᐦᕠ, ᕃᗁᐅᐣ, ᐅᐦᒃᐃ: ᓂᒡᕊᐣ ᐃᕫ᙮ 10ᑲᐦᗱ ᔭᘚᓂᐅᐣuᓂᓯᒡ ᐊᕤ ᐊᗱ ᒡᓴᕤᕬᑊᗃ ᐊᔨᕠ ᕠᑫ ᐅᘚ᙮ 11ᑲᐦᗱ ᐃᐁᕠ ᐊᕄᐃ ᐦᐤᐊᒃᐊ ᐠᕬᐢ ᕦᐦ ᑯᐅᐦᑯᐅᐢ ᓇᒡᕊᐣ ᐁᑊᗁᐦᕦ᙮ 12ᑲᐦᗱ ᐊᒡᕫ ᐊᑊᗃᑊᗃᕦᐃ ᒣᘛᕄᕬ ᔭᘚᓂᐅᐣuᓂᓯᒡ, ᕤᐤᐁᐦᗱ ᔦᐦᕠ, ᑊᗂᘚᐊᑊᗃᕠᕮ ᑯᐅᐦᑯᐅᐢ ᓇᕞᐦᕠ, ᑯᐅᐦᑯᐅᐢ ᒃᐃ ᕤᐣᕞᕄᐠᕮ᙮ 13ᑲᐦᗱ ᐠᐤᐁᕞ ᙏᓭᐢ ᑊᗃᕞᐦ ᔭᓭᐦᕍ᙮ ᑲᐦᗱ ᓇᑊᗃᑊᗃᕦᐃ ᐊᕤ ᒪᔨᐢ ᓇᒡᓴᒡᕠ ᑊᗃᑊᗃᕞᐢᕞᒡl, ᑲᐦᗱ ᑯᐅᐦᑯᐅᐢ ᒃᐃ ᕠᐣᕞᒡl: ᑲᐦᗱ ᑯᐅᐦᑯᐅᐢ ᐅᐦᕞ ᑵᕭᑎᐦᓴᒡ ᐃᗱlᕠ ᕤ ᗱᐠ ᒡᕮᑦᐤᐁᐦ, (ᐅᕄᕦᐦ ᐅᐣᑵ ᑫᐅᓀᕠ ᑫᐅᓀᕠ;) ᑯᐅᕤ ᗱ ᐁᕞ ᕤᑯᐅᑊᗁᐤᐅᕊᐣ᙮ 14ᔭᑊᗃᐃᓀ ᑯᐅᐦᑯᐅᐢ ᒃᐊᕄᐃᓀ ᕦᑊᗃᕞᐢᕞᒡl ᑯᐅᑊᗂᐦᐤᐊᕠ ᓂᕤ ᐠᐤᐊ ᐊᒡᔨᐦ ᑲᐦᗱ ᐊᔨᕠ ᕠᑫ᙮ ᑲᐦᗱ ᐅᘚᑊᗃᕞᐢᕞᒡl ᐊᔨ ᔦ ᑫᐅᗴᐊᐦᐨ ᐊᐅᐣᕞ᙮ 15ᑲᐦᗱ ᙏᓭᐢ ᑭᔪᓂᐣᕞᒡl, ᑲᐦᗱ ᑭᔭ-ᐃ ᐊᔨ ᕦᓀ ᐊᘚᐣᑌ ᒣᘛᕄᕬ ᐊᔦᕬ, ᑲᐦᗱ ᑯᐅᕤ ᐊᔦᕬᐃ ᕄᗁᐅᓇ, ᐢᐊᕦ, ᑲᐦᗱ ᓇᕤᐣᓀ ᕦᐢᐊᕦ, ᑲᐦᗱ ᕞᐢᐤᐁ ᐃᐣᑎ ᐊᕬ: ᑯᐅᐦ ᐅᓂᑊᗃᓂᕞᒡl᙮ 16ᑲᐦᗱ ᔭᑊᗁᓀ ᐅᐦᐤᐊ-ᐃ ᐃᓀ ᑭᕦᕠ ᐅᐣᕞ ᓯᑯᐅᐦ ᐊᔨ ᕦᓀ ᐊᘚᐣᑌ ᒣᘛᕄᕬ ᐊᔦᕬ, ᑲᐦᗱ ᑯᐅᐦᑯᐅᐢ ᐃᕫ᙮ 17ᑲᐦᗱ ᒡᔨᑭᗰ ᓂᐅᑊᗃᑊᗃᓇᓂᐣᕞᒡl ᐊᗱᕤᔨᑊᗃ ᑯᐅᕠᑫ ᐅᘚ᙮ 18ᑯᐅᕤ ᕦᗰᐣ ᐁᕍ ᐁᐦᐠᔨᔭ, ᔭᑊᗁ ᐊᔦᕬᐃ ᕦᓀ ᐊᘚᐣᑌ ᒣᘛᕄᕬ ᔭᗰᓂᐅᐣuᓂᓯᒡ ᔦᐦᕤᕞᕄ ᑊᗃ᙮ 19ᐊᕤ ᑊᗃᕞ ᔭᓭᐦᕍ ᙏᓭᐢ, ᐊᐦᐤᐅᕃ ᕤᐤᐁᕍ ᐅᕄ ᔦᐦᕠ, ᐅᕠᐣᕦ ᓂᐅᕠᓄᐅ ᐠᕮᑎᔭ, ᐅᗱ ᑯᐅᕠᐣᕠ ᐅᕄ ᑊᗃᑲᐅᒃuᒡᕠ ᓇᑫᐅᐊᐦᗰ, ᑲᐦᗱ ᓄᐅᐦᗱᔭ᙮ 20ᑲᐦᗱ ᐊᗱᕞᐢᕮ, ᑲᐦᗱ ᐠᕭᐅᕦᐅᕞᐦ ᑌcᐊᐳᕄᐢ ᔦᗴᒡᕫᒃᐁ ᙏᓭᐢ ᐅᗱ ᓇᓇᑫᐅᗴᐊᐦᐨ: ᑯᐅᐦᗱ ᐃᕞ ᕦᓀ ᐠᕮᐅᑊᗃᕄ᙮
21ᑯᐅᕤ ᙏᓭᐢ ᓇᕞᐢᑭ ᕦᗰᐣ ᐁᕍ ᐃᕫ ᕦᐃᕞᗰ, ᓇᒡᕊᓀ ᕦᓀ ᔭᗰᕞᐢᕞᒡl: ᑲᐦᗱ ᐦᐤᐊ ᕤᗱᐠ ᐊᕄᐃ᙮ 22ᓀᐊ ᑯᐅᐦᒃᐅᐣ ᐁᐦᕍᐃᕠ ᔨᐣᐠᕮᕞᐢᕮ ᑲᑲᐅᒃuᒡᕠ ᕞᕦᗴᒡᕄᕬ ᐠᐤᐊ, jᐃruᐢ ᐅᔨ; ᑯᐅᕤ ᔭ-ᐃᗰ, ᓇᑵ ᑯᗰ ᓇᐃᒡᓴᒡ, 23ᑲᐦᗱ ᐅᐦᕞ ᑯᐅᓄᐅ ᔭᗰᓂᐅᐣuᓂᓯᒡ, ᕤᐤᐁᐦᗱ ᔦᐦᕠ, ᓭᕤᐁ ᕞᕃ ᐢᐊᒡᔨ ᑯᐅᕍ ᕞᐦᒡᓴᕤᐦ: ᓇᗰᓄᐅᐣuᓂᓯᒡ, ᐢᐊᒪᑲᕦᐅᕠᕬ, ᓇᑊᗃᐅᕦᐃ ᑊᗃ; ᑯᐅᐦᒃᐅᐣ ᕮᓇᕍᐃᕞ ᐅᕞᓯ᙮ 24ᑲᐦᗱ ᙏᓭᐢ ᔦᐦᑲᕠᐨ, ᑲᐦᗱ ᓇᒡᕊᓀ ᕦᓀ ᔭᑫᐦᕞᐢᕞᒡl, ᑲᐦᗱ ᑭᑵᐅᐦᓴᒡ᙮
25ᑲᐦᗱ ᐁᐦᕍᐃᕠ ᘛᗀ, ᔭᑊᗁ ᑫᓀᕠ ᐅᐣᑫᕠ ᒪᒡᕮ ᔭᐢᑫᕫ ᒪᕤlᕃ ᓇᕦᕞᕬᒃᐅᐣ, 26ᑲᐦᗱ ᓇᒡᕊᓀ ᐅᕄ ᔭᑫᐅᐦᗰ ᓇᒡᕊᐣ ᔪᕦᓀ, ᑲᐦᗱ ᔭᑊᗃᕞᐢᒡᕍ ᐊᔨ ᐅᐣᕞᐃ, ᐊᕤᕄ ᐊᑫᕫ ᓇᑊᗁᕞyᐅ ᐅᐣᕞ, ᐊᕦᕠᕫ ᕦᕠ, 27ᑯᐅᕤ ᙏᓭᐢ ᐅᘚ ᐅᕠᒡᓴᑯᐅ ᓄᐅjᐊ ᐅᘚ ᑫᐃᐢᒡᕍ ᐅᘚ ᔭᘚᕞᐢᕮ ᐅᕦᓀᑊᐦuᒡl ᐃᕫ, ᑲᐦᗱ ᔭᑫᐢᕤᐁ ᑲᕞᐦᕠᐨ᙮ 28ᐊᕤᓀ ᕤᐤᐁᕍ ᐁᐦᕠᐁ, ᒪᓇᕤᐣᓀ ᒃᐅᐣ ᐊᑊᗂᐅ ᑲᕞᐢᕠᐨ ᐊᕞ, ᐅᗱ ᐊᐤᐅᐢᕞᐊᐢᓯ᙮ 29ᑲᐦᗱ ᐠᐤᐁᕞ ᐅᘚ ᕤl ᓇᕦᕞᐦᕠ ᐢᐊᑯᐅᐣ; ᑲᐦᗱ ᐊᕞᕦᐢᒡᔨᐦᒡ ᒪᒃᐃ ᘚ ᓇᗴᗁᐦᕦ ᐊᔨ ᕦᕠᕬ ᘚ᙮ 30ᑲᐦᗱ ᙏᓭᐢ ᐠᐤᐁᕞ ᐊᕦᐅᕠᕭᐅ ᒣᐦᓇᒡᓴᒡᓴᒡᕠ ᒪᒃᐃ ᘚ ᕮᘔᕤᐦ, ᓇᕤᓀᐢᕮ ᕦᓀᕠᗯ, ᑲᐦᗱ ᐁᐦᕠ, ᒣᐊ ᐊᕄ ᓭᓇᕤᐣᓀ ᑲᕞᐦᕠcᐦᕊᐣ? 31ᑲᐦᗱ ᔭᐅᕦᕠᐨᓀ ᕤᐤᐁᕍ ᔦᐦᕠ, ᓇᒡᕊᓀ ᕦᓀ ᑊᗁᐃ ᕦᓂᑊᗃᒡᕊ, ᑯᐅᐦ ᕠᐣᕠ, ᒣᐊ ᓭᑲᐦᕠᐦᕠᐨ? 32ᑲᐦᗱ ᐠᕊᑲᓇᒡᕮ ᔪᐃ ᑊᗃ ᐊᔨ ᐅᕄ ᑫᐅᐊᗰᓀ᙮ 33ᑲᐦᗱ ᘛᗀ ᐅᓂᔭ ᑲᐦᗱ ᑊᗃᕠ ᐃᕫ, ᐊᕦᐅᕠᐅ ᐅᕄ ᒪᐊᗴᕬ ᒪᒡᓴᐣ ᘚᕬ, ᔪᐦᗰ ᔭᗰ ᔪᐁᓀᓂᕤᐦ, ᑲᐦᗱ ᔭᕦᕠ ᐃᕞ ᐦᕊᐣᗴᕠ᙮ 34ᑲᐦᗱ ᕤᐤᐁᕍ ᐅᕄ ᔦᐦᕠ, ᑊᐦuᕤᐁ ᐊᕮ ᑯᐅᑎᐣᕠ ᓇᓇᑊᗁᐣᕦ-ᐃᐃᐦ; ᕦᐃᗰ ᕞᗀ ᐃᐣᑎᕠᐊᐦ, ᑫᗱᕠᐣᕠᐦ ᓇᕦᕠᕫ ᐃᕫ᙮
35ᐃᐣᒡᔨᒃᐅᐣ ᐠᐤᐊᑲ ᐅᕦᒡᔨᗱᐅ, ᔭᗰᑌᐢᕮ ᒪ ᐠᐤᐊ ᐅᘚ ᔭᑊᗁ ᔭᑲᐅᒃuᒡᕠ ᕞᕦᗴᒡᕄᕬ ᐠᐤᐊ ᕦᐦᑭᓀ ᐊᕠᓀ, ᓀᕤᐁ ᕞᐦᒡᓴᒡ: ᔦᕭᐅ ᑊᗃ ᒣᐦᗰᐣᕦᐦᗴ ᐅᕞᐦᗰ ᒣᕠᕬ? 36ᐠᐤᐁᕞ ᙏᓭᐢ ᐢᐊ ᐅᕠᒡᓴᑯᐅ, ᕤᐤᐁᕍ ᔦᐦᕠ ᐊᔨ ᑲᑲᐅᒃuᒡᕠ ᕦᓀ ᕞᕦᗴᒡᕄᕬ ᐠᐤᐊ, ᐊᕤ ᐅᓂᐅᔭ, ᐊᕮ ᑯᐅᑎᐣᕠ ᒃᐅᐣ᙮ 37ᑲᐦᗱ ᐊᕤᕄᓀ ᕮᕞᐦ ᑊᗃ ᓭᐦᕍ ᐅᕄᓀ ᔦᑫᐦᕤᔨ, ᐯᕞr ᒃᐅᐣ, ᑲᐦᗱ jᐊᒣᐢ, ᙓᐣ ᗱ ᒣᑵ jᐊᒣᐢ᙮ 38ᑲᐦᗱ ᐠᕭᐅᓂᔭᕊᐣ ᑲᑲᐅᒃuᒡᕠ ᐠᐤᐊ, ᑲᐦᗱ ᐤᐊ-ᐃ ᐅᐣᒡᕊᐣ ᘚ ᐅᗴᕦᐊᕭᐅ, ᔭᑊᗁ ᗱ ᐊᒡᓴᐠᑭ ᑲᐦᗱ ᐅᐦᕞ ᐊᒡᓴᐠᑭ᙮ 39ᑯᐅᕤ ᐠᐤᐃᔭ ᕤᐤᐁᕍ ᐅᕄ ᔦᐦᕠ, ᔦᕭᐅ ᑊᗃ ᐅᐣᒡᕊᐣᗰ ᐅᕦᕮᐦ ᐊᐅᐣᕞ, ᑲᐦᗱ ᐊᐦᒡᓴ-ᑯ-ᐅᔪ? ᐊᕦᒃᐁ ᐊᕤ ᕞᐦᒡᓴᒡ, ᐊᐦᐤᐅᕃ ᐢᐊᒡᔨᐦ᙮ 40ᕮᕞᐦ ᐅᐣᒡᕊᐣᗰ ᑭᔪᕮᑊᗃᕦᐠᕊᐨ᙮ ᐊᐦᐤᐅᕃ ᐁᐦᕞᒃᐅᐣ ᐃᕞ ᕮᔭᕞᕮ, ᐅᘚᑊᗃᑌᐢᕮ ᔭᒡᕮ ᗱ yᐅu ᗱ ᐊᕦ, ᑲᐦᗱ ᐊᔨ ᔦᐦᑿᕞᗰᐃ, ᑯᐅᐦᗱ ᐠᐤᐃᓇᑊᗃᗴ ᐊᕦ ᕞᕍᐢᐊᒡᔨᐣᕠ᙮ 41ᔨᕍ ᐃᐣᗱᒡᕊᐣ ᐊᕦ, ᑲᐦᗱ ᕤᐤᐁᕍ ᔦᐦᕠᕊᐣ, ᕦᕄᒐ cuᒥ; ᐊᔨ ᗴᕠ, ᐊᕦ, ᓂᐃᔭ, ᓀᓯᐃ᙮ 42ᑲᐦᗱ ᐠᐤᐁᕞ ᐊᕦ ᓂᐃᔭ, ᑲᐦᗱ ᑊᗃᔭᐦl; ᐊᕦᐃ ᑫᓀᕠ ᐅᐣᑫᕠ ᒪᒡᕮ ᒪᔭᐢᑫᕫ᙮ ᐅᐦᕞ ᐅ-ᐅᗰ ᐠᕮᐅᑊᗃᕄᕊᐣ ᐊᑊᗃᐤᐅᗱᕃ ᑫᕫ᙮ 43ᐅᐦᕞ ᐊᕤᕄᓀ ᕦᕦᐅᐣᕠ; ᑲᐦᗱ ᐊᕩ ᑫᕫ ᐅᕄᕦ ᐅᕄ ᒪᗱᐦᗱᒡ᙮
Выбрано:
ᒪrᐠ 5: BE86SY
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
first published by the Society for Promoting Christian Knowledge (SPCK), 1886.
