KENESE, 11
11
O LE MATAUPU XI.
Ua faia Papelu; o le faauigaeseina o gagana; o gafa o tupuga.
1Sa tasi lava le gagana e tasi foi le tautala a le lalolagi uma. 2Ua oo foi iua latou o mai mai sasae, ona maua lea e i latou le fanua laugatasi i le nuu o Senara, ona latou mau ai lea. 3Ona latou fetautalatalai lea o le tasi ma le tasi, Sau ia, ina tatoa faia ia o maaomea, ma matuā tunu ai i le afi. Ona fai loa o maaomea mo latou maa, ua fai foi le pulu emeri mo latou panisina. 4Ona latou fai aue lea, O mai ia, ina tatou fai ia o se aai, ma se ‘olo, ia oo lona tumutumu i le lagi, ia tatou faia foi se mea e ta‘ua ai i tatou, ne‘i faataapeapeina, i tatou i le fogāeleele uma. 5Ona afio ifo lea o Ieova e silasila i le aai ma le ‘olo ua faia e tagata. 6Ona fetalai ane lea o Ieova, Faauta, ua tasi le nuu, e tasi foi le gagana ia te i latou uma; ua amata foi i latou ona fai o lenei mea; o lenei foi, e le toe taofia i latou i se mea e tasi ua latou manatu i ai e fai. 7O mai ia, ina tatou o ifo ia, ma ia tatou faaeseeseina i lea mea a latou gagana, ina ia le lagona e le tasi i le gagana a le tasi. 8Ona faataapeape lea e Ieova ia te i latou ai lea mea i le lalolagi uma; ona tuua lea e i latou ona faia o le aai. 9O le mea lea ua igoa ai ia o Papelu; auā na faaeseeseina i lea mea e Ieova o le gagana a le lalolagi uma; na faataapeape foi e Ieova ia te i latou ai lea mea i le lalolagi uma.
10O le gafa lenei o Semu; na ola Semu i tausaga e selau, ona fanaua lea e ia o Afasata i le lua o tausaga talu mai le lolo; 11ona ola lea o Semu talu ina fanauina e ia o Afasata i tausaga e lima selau, ma ua fanaua ai e ia o atalii ma afafine.
12Na ola Afasata i tausaga e tolugafulu ma le lima, ona fanaua lea e ia o Selaa; 13ona ola lea o Afasata talu ina fanauina e ia o Selaa i tausaga e fa selau ma le tolu, ma ua fanaua ai e ia o atalii ma afafine.
14Na ola Selaa i tausaga e tolugafulu, ona fanaua lea e ia o Eperu; 15ona ola lea o Salaa talu ina fanauina e ia o Eperu i tausaga e fa selau ma le tolu, ma ua fanaua ai e ia o atalii ma afafine.
16Na ola Eperu i tausaga e tolugafulu ma le fa, ona fanaua lea e ia o Peleko; 17ona ola lea o Eperu talu ina fanauina e ia o Peleko i tausaga e fa selau ma le tolugafulu, ma ua fanaua ai e ia o atalii ma afafine.
18Na ola Peleko i tausaga e tolugafulu, ona fanaua lea e ia o Reu; 19ona ola lea o Peleko talu ina fanauina e ia o Reu i tausaga e lua selau ma le iya, ma ua fanaua ai e ia o atalii ma afafine.
20Na ola Reu i tausaga e tolugafulu ma le lua, ona fanaua lea e ia o Seruka; 21ona ola lea o Reu talu ina fanauina e ia o Seruka i tausaga e lua selau ma le fitu, ma ua fanaua ai e ia o atalii ma afafine.
22Na ola Seruka i tausaga e tolugafulu, ona fanaua lea e ia o Nakori; 23ona ola lea o Seruka talu ina fanauina e ia o Nakori i tausaga e lua selau, ma ua fanaua ai e ia o atalii ma afafine.
24Na ola Nakori i tausaga e lua sefulu ma le iva, ona fanaua lea e ia o Tara; 25ona ola lea o Nakori talu ina fanauina e ia o Tara i tausaga e selau ma le sefulu ma le iva, ma ua fanaua ai e ia o atalii ma afafine.
26Na ola Tara i tausaga e fitugafulu, ona fanaua lea e ia o Aperamo, ma Nakori, ma Arana. 27O gafa foi nei o Tara; na fanaua e Tara o Aperamo, o Nakori ma Arana; na fanaua foi e Arana o Lota. 28Ua oti foi Arana, a o nofo mai lona tama o Tara, i le nuu na fanau ai o ia, o Uro lea i Kaletaia. 29Ona fai avā lea o i laua o Aperamo ma Nakori; o le igoa o le avā a Aperamo o Sarai lea; a o le igoa o le avā a Nakori o Meleka, o le afafine o Arana, o le tamā o ia o Meleka, o le tamā foi o Iseka. 30O Sarai foi ua pa ia, ua leai sana tama. 31Na ave foi e Tara lona atalii o Aperamo, ma Lota le atalii o Arana, o le atalii lea o lona atalii, o Sarai foi le avā a lona atalii, o le avā lea a lona atalii o Aperamo; ona latou o atu lea ma i latou ai Uro i Kaletaia, o le a o atu i le nuu o Kanana; ona latou oo lea i Karana ma nonofo ai. 32O aso foi o Tara e lua selau ma le lima, o ona tausaga ia; ona oti lea o Tara i Karana.
Выбрано:
KENESE, 11: SOV
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Samoan Edited Old Version © Bible Society of the South Pacific, 2017.
