Nikamowina 14

kā‑mohcowit itwēw

onikamon David

1aniki mōhcowak ōmisi itēyihtamwak, “namōya ihtakow kisē-manitow!”

mitoni macātisiwak,

mīna kī‑tōtamwak kakēpāci-kīkwaya;

namōya awiyak ihtakow kwayask kita-tōtahk kīkway.

2kā‑tipēyihcikēt kitāpamēw kahkiyaw ayisiyiniwa kihci-kīsikohk ohci

mahti awiya kita-iyinīsiyit,

mīna awīniwa kā‑nōhtē-kiskēyimikot.

3māka kahkiyaw kī‑māyi-tōtamwak,

mīna pēyakwan iyikohk ē‑macātisicik.

namwāc pēyak kwayask tōtam,

namwāc pēyak.

4“namōya cī ē‑kiskēyihtahkik?” itwēw ēsa kā‑tipēyihcikēt.

“kahkiyaw cī ōki omacātisak namōya kīkway ē‑kiskēyihtahkik?

ē‑kimotamawācik nitayisiyinīma ēkota ē‑ohci-pimācihocik,

namōya wīhkāc nitayamihēstākwak.”

5māka ēkwa mistahi kita-sēkisiwak,

ayisk kisē-manitow wīcēwēw anihi kā‑nanahihtākot.

6wawānēyihtamihēwak anihi kā‑kitimākisiyit nānitaw wā‑isīhcikēyici,

māka kā‑tipēyihcikēyit kanawēyimikwak.

7iyikohk kā‑nitawēyihtamān

Israelīwiyiniwak kita-paspīhikocik anihi kā‑ayāyit Zionihk!

ka‑miywēyihtahkik Israelīwiyiniwak

ispīhk kā‑tipēyihcikēyit wīcihikotwāwi

kīhtwām kita-wēyōtisicik!

Выбрано:

Nikamowina 14: PCSBR

Выделить

Копировать

Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь

Известные библейские стихи из
Nikamowina 14