Pigane Binigo 6
6
Wali agalime mana ko binigo ogo
1Dindini wali agali dewaore ho dame bialu uruningi wandari dewa berene. 2Dahuliyali tara tigua handalu hemiria wandari baya birama pearia hendene. Ani hondowa tini hame layadagua haru pugu buwa dabu bigi bini.#6.2 Dahuliyali tara gilibu ngago irane wá naleore. Hiburu bi gilibu ngago Ngode Datagaliwabenaga iginiru gilibu nga. Marume Adama igini Sedenaga aguaneru tigua Adama igini wahene Keninaga waneru dimagoli haga bini mitangi biaga. Iba 82.6, Ais 14.12-15, Esg 28, 2 Pe 2.4 handabe.
3Ani biyagola Anduane Homogohanda lalu, I̱naga dinini wali agali uruni tiha helo mialu holene tiha pulanda harugo. Ai nde ti dindi tawe hangu haragonidago wahalu i̱naga dinini tiha haho wia nabilonaga tinaga mali mo tubagi halu handari mbirani pira kira (120) hangu halu homelo, lene. 4Uruningi howabi maha howabi agali ndo timbu gibiru dindini haga bini. Agali timbuni uruni wandari berearume dahuliyali hearu baba kayu yuwa hono wini. Agali timbuni uruni ti mini lene howa tigua biabe dewa tara tara wiaru biai haga hene.#Dag 13.33
5Anduane Homogo ibugua handalu hearia wali agali dindi bibahendeha hearume mana koore wiaru bialu howa tigua mana ko ngubi wiaru hangu bule manda bu hearia hendene.#Pig 8.21; Min 6.18; Md 15.19#Md 24.37; Lg 17.26; 1 Pi 3.20 6Ani biyago hondowa ibugua lo mitangi bialu lalu, Ainde wali agali uruni nawabidole nde bayale ngaleda, lowa Anduane Homogohanda ibu miniha genda ho hene.#Iba 14.1-3 7Genda howa ibugua lalu, Wali agali uruni i̱nime wabu helene biarunidago ai dindi bibahendeha wali agali karu bibahendeore bo wahai holiya. Ega tia nogobi bibahende ema bialu piaga irabuha biraga gabua bedarubi andagaha wali agalime hinaga karubi bibahende i̱nime wabirugo nabidole nde bayale kaleda. Ai uruni bibahendeore bo hilo wahai holiya, lene. 8Ani la lowa Anduane Homogo ibugua Noahondo dege turuho hene.
Noahanda iba talu wabinigo ogo
9-10Noa ibu igini tebira henego urunime tinaga mini Seme Hama Yabede imaru hene. Noa ibu agali bayale howa Ngode Datagaliwabenaga deni ibu tigabiore howa ibuni Ngode Datagaliwabenaga nenegeore hene.#Pig 7.1; Ese 14.14; 2 Pi 2.5 11Anigo Anduane Homogo ibugua handalu hearia dindi bibahendeni wai hangu bigibigi bialu mana ko timbuni dewaore biyaria hendene.#Ese 8.17; Hab 2.8; 2.17; Lm 3.10-19 12Ibugua dindi bibahendeha mana ko bulene timbuni tagira ibalu wali agali bayale tigabi dindi mbirani heane nahende. Bibahendeme mana ko wiaru hangu bule de buyu hearia hendene.
13Ngode Datagaliwabehanda Noahondo ogodagua lalu, Dindi bibahendeni wali agalime mine howa tini bagabaga bialu wai dege bialu karuni mangabago ai bo wahai holebero. Wali agali dindini yu wahene mbira naholebira. 14Anigo í̱na irabuha ira bayaleoreru handalu dibu pelowa iba talu mbira wabibe. Iba talu ogoniha hobane maru helalu tamuha tagiraha howabi diri nawilo wagayame ndibu lelo para hai habe. 15Iba talu ogoni ogodagua wabibe. Luninaga mida magi handari mbirani pira tebira (130) wialu aranenaga mida magi pira kirani kira (22) wibe. Bima iraga hole mida magi pira mbirani tebira (13) wibe. 16Iba talunaga danginihayagi bule howa dangini ibu háila bu ndibu nale hái danginila hengeneha henge wá anda ibilonaga ngelabe. Tamuha hobane tebira helo. Hobane mbira dindiha mendego obeneni tebonego danginila tubariha helabe. Ani buwa panga haraba mbira abenehayagi dugu wibe. 17Ani bidegola i̱na dalu timbuni ibilowa dindini ema bialu piagaru bibahende bo wahai hole iba li timbuni ibilolebero. Ani berogola dindini karubi ngarubi bibahende homaiore holebira. 18Anigo í̱la dege habo nalolene bi lo werogo. Í̱ one waneiginibi í̱ igini ti onerubi tí bibahende í̱ni heba iba taluha anda puwa biralimu. 19Ai ema bialu piaga dameneru mbira mbira angibuni taubi kira kira haru halu tini heba iba taluha anda pilimu. 20Ega tia bedarubi nogo damene bibahendebi ema bialu piagaru bibahendeore angibuni wangabela kira dege dege tini heba homa nabi berelo iba taluha haru anda pilimu. 21Ani buwa tininaga tomo nolenebi ema bialu piaga uruninaga tomo karulape nalu berelobi tíni nagane alego iba taluha bu ngelalimu, lalu lamini. 22Ani layagola Noa ibugua Ngode Datagaliwabehanda lamiyadagua bibahende biai hene.#Hi 11.7
Выбрано:
Pigane Binigo 6: HUI
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Huli Bible © Bible Society of Papua New Guinea, 2002.
