Psalmyn 24
24
MORNING PRAYER.
PSAL. 24.
Domini est terra.
1Lesh y Chiarn y thalloo, as ooilley ny t’ayn:
cumbaase y theihll, as adsyn ta vaghey ayn.
2Son t’eh er hoiaghey eh er ny faarkaghyn:
as er hickyraghey eh er ny thooillaghyn.
3Quoi eh hed seose er cronk y Chiarn:
ny quoi vees cooie dy hassoo ayns e ynnyd casherick?
4Eshyn eh ta laueyn glen echey, as cree gyn loght:
as nagh vel er hoiaghey e aigney er foalsaght, as nagh vel er ghoaill lhoo dy volley e naboo.
5Yiow eshyn yn bannaght veih’n Chiarn:
as cairys veih Jee e haualtys.
6Shoh’n sheeloghe ocsyn ta dy hirrey eh:
jeusyn dy-jarroo ta shirrey dt’eddin, O Yacob.
7Trogg-jee seose nyn ghing, O shiuish yiattyn, as bee-jee er nyn droggal seose, shiuish ghorryssyn dy-bragh farraghtyn:
as hig Ree ny ghloyr stiagh.
8Quoi ta Ree ny ghloyr:
yn Chiarn eh ta lajer as niartal, yn Chiarn hene niartal ayns caggey.
9Trogg-jee seose nyn ghing, O shiuish yiattyn, as bee-jee er nyn droggal seose, shiuish ghorryssyn dy-bragh farraghtyn:
as hig Ree ny ghloyr stiagh.
10Quoi ta Ree ny ghloyr:
dy-jarroo yn Chiarn dy heshaght-chaggee, eshyn Ree ny ghloyr.
Выбрано:
Psalmyn 24: PS1765
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
maintained by the British and Foreign Bible Society