Psalmyn 21
21
PSAL. 21.
Domine, in virtute tua.
1Nee’n Ree boggey ’ghoaill ayns dty niart, O Hiarn:
feer yennal vees eh jeh dty haualtys.
2T’ow er choyrt da yeearree e chree:
as cha vel oo er n’obbal da aghin e veillyn.
3Son ver oo dasyn ro-laue bannaghtyn dy vieys:
as soiaghey attey dy airh ghlen er e chione.
4Hirr eh bea orts, as hug oo da bea liauyr:
dy-jarroo son dy-bragh as dy-bragh.
5Ta’n onnor echey mooar liorish dty haualtys:
gloyr as ooashley vooar ver oo ersyn.
6Son ver uss dasyn maynrys dy-bragh farraghtyn:
as nee oo eh gennal lesh boggey dt’eddin.
7As cre’n-fa? son dy vel y Ree coyrt e hreishteil ayns y Chiarn:
as ayns myghin yn Er smoo syrjey cha bee eh er ny scughey.
8Nee ooilley dty noidyn gennaghtyn dty laue:
yiow dty laue yesh adsyn magh ta dwoaie oc ort.
9Nee oo ad y yannoo myr oghe ailagh ayns traa dty chorree:
nee yn Chiarn ad y stroie ayns e yymmoose, as nee yn aile ad y choyrt mow.
10Yn rass oc ver oo ass ny fraueyn jeh’n thalloo:
as yn sluight oc veih mastey cloan gheiney.
11Son chiare ad olkys dt’oï:
as ghow ad ayns laue lheid y saase as nagh jarg ad y chooilleeney.
12Shen-y-fa ver oo orroosyn cooyl y choyrt:
as strengyn dty vhow nee oo aarloo noi’n eddin oc.
13Bee uss, Hiarn, er dty hoiaghey seose ayns dty niart hene:
myr shen nee mayd goaill arrane, as moylley ’choyrt da dty phooar.
Выбрано:
Psalmyn 21: PS1765
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
maintained by the British and Foreign Bible Society