Semtilbu 15

Pathen'in Abram Toh Kitepna Asem

1Hicheho nunghin Pakai thu chu Abram henga gaovin ahungin, ajah-a, Kicha hih-in, Abram, keima nalumdal le nakipa man lentah chu kahi, ati.

2Chuin Abram'in, Pakai Pathen, chabeija kaum dending namu nunga nangman keima ipi neipeh ding ham? Chule ka-insunga goulo dingla hiche Damascus mi Eliezar ahibouvin, ati. 3Chuin Abram'in, Vetan, nangman keima chi neikhaisah pon; chule Ven, ka-insunga penga chu kagou loding ahi, ati.

4Chuphatnin veuvin, Pakai thu chu ahenga ahung lhungin, ajah-a, Amachu nagoulo hilouding; amavang nangma taiguija penga bou chun nagou alo ding ahi, ati. 5#Rom 4:18; Heb 11:12. Chuin ama chu inpolama apuidoh-in, ajah-a, Vanlam khu vetemin, ahsi khu nasimjou dingle simtemin, ati. Chuin aman ajah-a, Nachilhah jong hijat khu hiding ahi, ati.

6 # Rom 4:3; Gal 3:6; Jac 2:23. Chuin aman Pakai chu atahsan nin; chule aman hichu ama dingin chonphat na-in asimpeh tan ahi.

7Chuin Pakaiyin ajah-a, Keima hiche gamhi gouva nalo dinga Chaldea gam Ur khopi-a kona nahin puidohpa Pakai chu kahi, ati.

8Chuin aman, Pakai Pathen hiche kaloding chu iti kahet dingham? ati.

9Chuin aman ajah-a, Nangman kumthum lhingsa bongla khat toh, kumthum lhingsa kel-la khat toh, kumthum lhingsa kelngoichal khat toh, vakhu khat toh, vapal noukhat kahenga hinchoijin, ati.

10Chuin aman hicheng jouse chu ahin choijin, hiho chu ahapsatnin, hap langkhat le hap langkhat kingatton akoijin, ahin vachaho vang chu ahapsatpon ahi. 11Chule muthong ho chu ahung len uva sathilong chunga chu achuh ji tengule, Abram'in adel mangjin ahi.

12 # Job 4:13,14. Chuin nisa alhum konin, Abram chunga imut milna achutan; chule veuvin, kichat umtah muthim nasatah-in ahinkhutan ahi. 13#Pot 1:1-14; Sol 7:6. Chuin Pakaiyin Abram jah-a, Nachilhah te chu amaho gam hilou gamkhatna maljinna gaum diu; chule amahon amaho chu ajendiu; chule amahon amaho chu kum jali abolgenthei diu ahi tihi kichentah-in hen, ati. 14#Pot 12:40-41; Sol 7:7. Chule keiman aga jenu nam jong chu athu-u katan ding; chule amaho chu khonungle neile gou ninglhing setna hung potdoh diu ahi. 15Chule nangma napu napa te henga lhamonga nache ding; chule nangma natehkem kei teng vuija naum ding ahi. 16Amavang khang li lhin nale amaho chu hikoma hung kile kit diu ahi: ajeh chu Amor mite khangitlouna abulhing hih laije, ati.

17Chuin ahitin ahi, Nisa alhumma, mu ahung thim phatnin, veuvin, lhummei khucheichoi le meisel al lenglung chu sahap sat ho kahlah-a kitolin ahi. 18#Sol 7:5. Chuche nichun Pakaiyin Abram toh kitepna khat asemin, hitin aseije, Keiman nachilhahte henga hiche gamhi Egypt vadunga pat luilen, Euphrates vadunglen gei; 19Ken mite, Keniz mite, Kadmon mite, 20Hit mite, Perizz mite, Rephaim mite, 21Chule Amor mite, Canaan mite, chule Jebus mite abonchauva kapeh ahitai, ati.

Выбрано:

Semtilbu 15: THADBSI

Выделить

Копировать