Mat. 3
3
Kuchumaira kwaJohani Mubhabhatidzi
(Mk. 1:1-8; Ruka 3:1-18; Joh. 1:19-28)
1Ngaawo mazuva wakauya Johani muBhabhatidzi echichumaira mushango mweJudhia 2echiti, “Tenderukai; ngokuti umambo hwomudenga hwaa pasinde.” 3Ngokuti uyu ndiye waakareketa ndiye Isaya muprofeti echiti, izwi rounodaidzira mushango:
“Nasirirai njira yaMambo,
ruramisai makwara ake.”
4Uyu Johani waisimira chipfeko chakanasirwa ngemamviri ekamera, nebhande redoo muchiunu chake; nokudya kwake kwaiya ndongwe neuchi womushango. 5Kwakauya kwaari veJerusarema neveshe veJudhia nevenharaunda yeshe yeJorodhani, 6navo vakabhabhatidzwa ndiye murwizi rweJorodhani, vechitenda zvishaishi zvavo. 7Asi echiona vazhinji vevaFarisi nevaSadhusi vechiuya kurubhabhatidzo rwake, wakati kwavari, “Imwimwi vana vemabuura, ndiani wakamunyowedza kuti mutize ushungu hunouya? 8Ndizvo mwechipangidzira michero inoonisa kutenderuka. 9Musapinimidza mwechiti mukati mwenyu, ‘Tina Abrahama baba edu.’ Ngokuti ndinoti kwomuri Mwari unesimba ngaaya mapuwe kumusira vana kunaAbrahama. 10Nazvinopano sanho raiswa panzinde dzemiti, ndizvo muti weshe usikabereki michero yakanaka unotemerwa pashi, ukandirwe mumwoto. 11Inini ngegwinyiso ndinomubhabhatidza mumvura, kuita chioniso chokutenderuka, asi iye unouya sure kwangu unesimba kupinda inini, anditosisiri nokutwara magwada ake; uyu ndiye unozomubhabhatidza ngoMweya Wakachena nemwoto. 12Uwo rutsero rwake ruri munyara yake, naye unozonasa kutsvaira mbuwa yake nokuunganidza koroni yake mudura, asi unozopisha makoto ngomwoto usikadzimi.”
Kubhabhatidzwa kwaJesu
(Mk. 1:9-11; Ruka 3:21-22)
13Naapo Jesu wakauya Jorodhani kunaJohani echibva Garire, koobhabhatidzwa ndiye. 14Asi Johani wakada kumurambira echiti, “Inini ndinosisira kuti ndibhabhatidzwe ndiwe, newe wouya kwendiri here?” 15Asi Jesu wakapingura akati kwaari, “Wechitenda zvino; ngokuti ngokudaro kunodikanwa kuti tizadzise kururama kweshe.” Naapo wakamutendera. 16Naapo Jesu abhabhatidzwa, paripo wakabva mumvura, penya, denga rakabeuka kwaari, naye wakaona Mweya waMwari wechidzaka kudai ngenjia, wechiuya padera pake. 17Penya, izwi rechibva mudenga rakati, “Uyu ndiye Mukororo wangu, unodikanwa, wendinonasa kudakara ndiye.”
Выбрано:
Mat. 3: Ndau
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
