उत्पत्ती 5

5
आदामाचे वंशज
(१ इति. 1:1-4)
1आदामाच्या वंशावळीची नोंद येणेप्रमाणे : देवाने मनुष्य उत्पन्न केला त्या वेळी त्याने तो आपल्याशी सदृश केला;
2त्याने त्यांना नर व नारी असे उत्पन्न केले. त्यांना आशीर्वाद दिला; त्यांना उत्पन्न केले त्या वेळी त्यांना आदाम (मानव) हे नाव दिले.
3आदाम एकशे तीस वर्षांचा झाल्यावर त्याला त्याच्याशी सदृश, त्याच्या प्रतिरूपाचा मुलगा झाला, त्याचे नाव त्याने शेथ ठेवले;
4शेथ झाल्यावर आदाम आठशे वर्षे जगला, व त्याला आणखी मुलगे व मुली झाल्या.
5आदाम एकंदर नऊशे तीस वर्षे जगला; मग तो मरण पावला.
6शेथ एकशे पाच वर्षांचा झाल्यावर त्याला अनोश झाला;
7अनोश झाल्यावर शेथ आठशे सात वर्षे जगला व त्याला आणखी मुलगे व मुली झाल्या;
8शेथाचे एकंदर आयुष्य नऊशे बारा वर्षांचे झाले; मग तो मरण पावला.
9अनोश नव्वद वर्षांचा झाल्यावर त्याला केनान झाला;
10केनान झाल्यावर अनोश आठशे पंधरा वर्षे जगला व त्याला आणखी मुलगे व मुली झाल्या;
11अनोशाचे एकंदर आयुष्य नऊशे पाच वर्षांचे झाले; मग तो मरण पावला.
12केनान सत्तर वर्षांचा झाल्यावर त्याला महललेल झाला;
13महललेल झाल्यावर केनान आठशे चाळीस वर्षे जगला व त्याला आणखी मुलगे व मुली झाल्या;
14केनानाचे एकंदर आयुष्य नऊशे दहा वर्षांचे झाले, मग तो मरण पावला.
15महललेल पासष्ट वर्षांचा झाल्यावर त्याला यारेद झाला;
16यारेद झाल्यावर महललेल आठशे तीस वर्षे जगला व त्याला आणखी मुलगे व मुली झाल्या;
17महललेल ह्याचे एकंदर आयुष्य आठशे पंचाण्णव वर्षांचे झाले, मग तो मरण पावला.
18यारेद एकशे बासष्ट वर्षांचा झाल्यावर त्याला हनोख झाला;
19हनोख झाल्यावर यारेद आठशे वर्षे जगला व त्याला आणखी मुलगे व मुली झाल्या;
20यारेदाचे एकंदर आयुष्य नऊशे बासष्ट वर्षांचे झाले. मग तो मरण पावला.
21हनोख पासष्ट वर्षांचा झाल्यावर त्याला मथुशलह झाला;
22मथुशलह झाल्यावर हनोख तीनशे वर्षे देवाबरोबर चालला, व त्याला आणखी मुलगे व मुली झाल्या;
23हनोखाचे एकंदर आयुष्य तीनशे पासष्ट वर्षांचे झाले;
24हनोख देवाबरोबर चालला. त्यानंतर तो नव्हता; कारण देवाने त्याला नेले.
25मथुशलह एकशे सत्त्याऐंशी वर्षांचा झाल्यावर त्याला लामेख झाला;
26लामेख झाल्यावर मथुशलह सातशे ब्याऐंशी वर्षे जगला, व त्याला आणखी मुलगे व मुली झाल्या;
27मथुशलहाचे एकंदर आयुष्य नऊशे एकोणसत्तर वर्षांचे झाले. मग तो मरण पावला.
28लामेख एकशे ब्याऐंशी वर्षांचा झाल्यावर त्याला मुलगा झाला;
29त्याचे नाव त्याने नोहा असे ठेवले; तो म्हणाला, “जी भूमी परमेश्वराने शापित केली तिच्यासंबंधाचे आमचे काम व आमच्या हातचे कष्ट ह्यांविषयी हा आमचे सांत्वन करील.”
30नोहा झाल्यावर लामेख पाचशे पंचाण्णव वर्षे जगला, त्याला आणखी मुलगे व मुली झाल्या.
31लामेखाचे एकंदर आयुष्य सातशे सत्त्याहत्तर वर्षांचे झाले. मग तो मरण पावला.
32नोहा पाचशे वर्षांचा झाला तेव्हा त्याला शेम, हाम व याफेथ हे झाले.

Выделить

Поделиться

Копировать

None

Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь

YouVersion использует файлы cookie, чтобы персонализировать ваше использование приложения. Используя наш веб-сайт, вы принимаете использование нами файлов cookie, как описано в нашей Политике конфиденциальности