Nau Ntơm 5
5
Nau nkoch yao ntơm bơh Ađăm tât ma kon Nôê
1Dja nau mbơh nkoch rnoi deh Ađăm.
Nôk Kôranh Brah njêng bunuyh nơh, Kôranh Brah njêng khân păng kơt Păng Nơm ngăn.#NNt 1:27-28 2Kôranh Brah njêng khân păng geh bu klô bu ur, ta nar nây Kôranh Brah tê̆ rnha khân păng «Bunuyh», jêh ri ăn nau geh jêng ma khân păng đŏng.#Mat 19:4; Mar 10:6
3Tât Ađăm geh 130 năm, păng bă du huê kon bu klô tâm ban ma păng nơm kơt păng nơm ngăn, jêh ri Ađăm tê̆ rnha păng «Sêt». 4Jêh păng bă Sêt nây, bơh kơi nây păng hôm rêh geh 800 năm jât, n'ho bă oh bă kon, geh kon bu ur kon bu klô đŏng. 5Păng rêh dâng lĕ geh 930 năm, jêh ri khât.
6Tât Sêt geh 105 năm, păng bă Ênôs#5:6: Lĕ nau ta nkoch yao dja lah mâu mbơh n'hêl lah bu ur, lĕ bunuyh i nây jêng bu klô dadê.. 7Jêh păng bă Ênôs i nây, păng rêh geh 807 năm jât, n'ho bă oh bă kon, geh kon bu ur kon bu klô đŏng. 8Păng rêh dâng lĕ geh 912 năm, jêh ri khât.
9Tât Ênôs geh 90 năm, păng bă Khênan. 10Jêh păng bă Khênan i nây, păng rêh geh 815 năm jât, n'ho bă oh bă kon, geh kon bu ur kon bu klô đŏng. 11Păng rêh dâng lĕ geh 905 năm, jêh ri khât.
12Tât Khênan geh 70 năm, păng bă Mhalêlel. 13Jêh păng bă Mhalêlel i nây, păng rêh geh 840 năm jât, n'ho bă oh bă kon, geh kon bu ur kon bu klô đŏng. 14Păng rêh dâng lĕ geh 910 năm, jêh ri khât.
15Tât Mhalêlel geh 65 năm, păng bă Yarêt. 16Jêh păng bă Yarêt i nây, păng rêh geh 830 năm jât, n'ho bă oh bă kon, geh kon bu ur kon bu klô đŏng. 17Păng rêh dâng lĕ geh 895 năm, jêh ri khât.
18Tât Yarêt geh 162 năm, păng bă Hênŏk. 19Jêh păng bă Hênŏk i nây, păng rêh geh 800 năm jât, n'ho bă oh bă kon, geh kon bu ur kon bu klô đŏng. 20Păng rêh dâng lĕ geh 962 năm, jêh ri khât.
21Tât Hênŏk geh 65 năm, păng bă Mâthusalah. 22Jêh păng bă Mâthusalah i nây, păng gŭ tâm dêh tâm dăch đah Kôranh Brah, ndrel ma iăt nau Păng đŏng geh 300 năm jât, n'ho bă oh bă kon, geh kon bu ur kon bu klô đŏng. 23Păng rêh dâng lĕ geh 365 năm.#Hêb 11:5 24Hênŏk gŭ tâm dêh tâm dăch iăt nau Kôranh Brah ngăn, jêh ri păng roh klŏk bơh neh ntu dja, yorlah Kôranh Brah sŏ gŭ ndrel Păng Nơm.#Hêb 11:5; Yuđ 1:14
25Tât Mâthusalah geh 187 năm, păng bă Lamêk. 26Jêh păng bă Lamêk i nây, păng rêh geh 782 năm jât, n'ho bă oh bă kon, geh kon bu ur kon bu klô đŏng. 27Păng rêh dâng lĕ geh 969 năm, jêh ri khât.
28Tât Lamêk geh 182 năm, păng bă du huê kon bu klô 29păng tê̆ rnha kon i nây «Nôê», păng lah: “Kon dja păng mra kơl bonh leng lĕ nau kar jêr hên, lĕ nau rơah hên jan mir, tă bơh Brah Yêhôva de rtăp neh i dja nơh”#5:29: Rnha «Nôê» ta nau ngơi Hêbrơ tâm ban ma «Bonh leng».. 30Jêh păng bă Nôê i nây, păng rêh geh 595 năm jât, n'ho păng bă oh bă kon, geh kon bu ur kon bu klô đŏng. 31Păng rêh dâng lĕ geh 777 năm, jêh ri păng khât.
32Tât Nôê geh 500 năm, păng bă kon pe ơ̆, Sĭm, Hăm, ndrel ma Yaphet.
Выбрано:
Nau Ntơm 5: cmoL
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© (Active) Wycliffe Bible Translators, Inc. All rights reserved.
