Matayi 9

U Yesu akupozya umuntu umulemazu

(Mlko. 2.1-12; Luk. 5.17-26)

1U Yesu akakwela mubwato nukuloboka inyanja pakunyokela kukaya akache na kache,#9.1 kukaya akache na kache: Kapelinahumu (ennya mwa Mat. 4.13). 2kuko abantu bamo bakiza nu muntu umulemazu, bo alambalaye pachibonde. Bo u Yesu ennya ulwitiko lwabo, akamubuzya umuntu umulemazu yula akati, “Wee mwana wane, jimba umoyo! Imbibi zyako zyahobokeliwa.” 3Po abamanyisi bamo aba Ndaghilo bakanda pakwilalusya bene mumoyo ghabo ukuti, “Umuntu uyu akumusamula u Chala!”

4Loli u Yesu akazimanya inyinong'ono zyabo, po akabalalusya akati, “Nkimba choni chicho mukwinong'ona bunubu mumoyo ghinyu? 5Nkimba chili ko kwiyi chicho chipepe, pakumubuzya ukuti, ‘Imbibi zyako zyahobokeliwa,’ pamo pakumubuzya ukuti, ‘Nyamuka, endagha?’ 6Loli inkwiza pakubasimikizizya ukuti u Mwana uwa Muntu ali nu bulaghili pachisu ichapasi pano ubwakuhobokela imbibi.” Po akamubuzya umuntu umulemazu yula akati, “Nyamuka, nyamula ichibonde chako bwelagha.”

7Umuntu yula akanyamuka nukubwela. 8Bo abantu bennya zinizi, bakanyila nkani nukumuchindika u Chala pakubapa abantu ubulaghili ubu.

U Yesu akumwitizya u Matayi

(Mlko. 2.13-17; Luk. 5.27-32)

9U Yesu akepapo pabuzilo bula, nukumwennya umusonkezya sonko yuyo akaba we Matayi, bo ikaye munyumba iyakusonkelamo umusonko. Akamubuzya akati, “Nkonka!”

Po u Matayi akanyamuka pakumukonka.

10 # Luk. 15.1-2 Bo u Yesu akulya munyumba iya Matayi,#9.10 munyumba iya Matayi: Pamo munyumba yache (kokuti iya Yesu). abasonkezya sonko abinji na bambibi bakiza nukulya poka nu Yesu na bamanyili bache. 11Bo aba Falisayi bamo bennya zinizi, bakabalalusya abamanyili aba Yesu bakati, “Nkimba choni chicho umumanyisi winyu ali pakulya na bantu banaba?” 12Bo u Yesu ivwa zinizi akabamula akati, “Abantu abapuma batakumulonda umughanga, loli bene babo babine. 13#Mat. 12.7; Hos. 6.6Bukagha, kivwisye ukuti Amasimbo ghakung'anamula ichoni, ghagho ghakuti, ‘Intakulonda ivyabupi ivya vinyamana, loli nkulonda ichisa.’ Ntizite pakubitizya abantu abagholosu ukuti bapinduke, loli nizite pakubitizya abantu abambibi.”

Bakumulalusya u Yesu nizya kutuzya pakulya

(Mlko. 2.18-22; Luk. 5.33-39)

14Po abamanyili aba Yohani Uwalozyo bakiza kwa Yesu nukumulalusya ukuti, “Nkimba choni chicho aswe naba Falisayi tukutuzya pakulya, loli abamanyili bako batakutuzyapo pakulya?” 15U Yesu akamula akati, “Nkimba mukwinong'ona ukuti abayeni palusekelo ulwa sendwa bangalanjizya ichitima bo umwenesendwa ali poka nabo? Awe! Loli isiku likwiza bo umwenesendwa bamwefyako kukwabo, po bakwiza ukutuzya pakulya.”

16“Nayumo umuntu yuyo angagambika ichigamba ichipya pamwenda umukali, pakuti ichigamba ichipya chila chingatunkana nukuzepula umwenda umukali nukupela ubwazi ubukulu. 17Nayumo umuntu yuyo angapungulila uvinyo umupya mutunyambi utwa makwela utwakale. Nanti angabomba bunubu, uvinyo angazepula utunyambi, po vyosi vibili, uvinyo nu tunyambi vikwiza pakunanganika. Loli uvinyo umupya apunguliliwe mutunyambi utupya.”

U Yesu akumupozya umwana umulindu nu mukolo yumo

(Mlko. 5.21-43; Luk. 8.40-56)

18Bo u Yesu akunena zinizi, usongo yumo uwa ba Yuda akiza kukwache, akamufughamilila nukuti, “Umwana wane umulindu atuleka lunulu bulo. Twende ubike inyobe zyako papache ukuti abanje nubumi sona.”

19Po u Yesu poka na bamanyili bache bakanyamuka pakumukonka.

20Palapala pakaba umukolo yumo yuyo akayimba nkani nu bubine ubwa chakumwezi amaka 12, akiza kwisinda kwa Yesu nukupalamasya mulubazu ulwa mwenda wache. 21Akanena mwene akati, “Nanti napalamasya bulo umwenda wache, inkwiza pakupola.”

22U Yesu akaghalabuka nukumwennya umukolo yula nukuti, “Wee mwana wane, jimba umoyo! Ulwitiko lwako lwakupozya.” Panapo na panapo umukolo yula akapola.

23Bo u Yesu injila munyumba iya songo yula nukwennya abalizya malonji na bantu abinji babo bakalilagha pafwa, 24akati, “Fuma kuzi, mwebosi! Umulindu uyu atafuye, loli aghonite bulo utulo!” Po bosi bakamuseka. 25Loli bo babafumya abantu kuzi, u Yesu akinjila muchipinda mumo mukaba umulindu yula, akamulema inyobe nukumunyamusya. 26Imbili iyi yikasata muchigaba chosi chila.

U Yesu akubapozya abafwamaso babili

27Bo u Yesu akwepapo pabuzilo bula, abafwamaso babili bakanda pakumukonka mwisinda. Bakakolomoka nkani bakati, “Wee Mwana uwa Devedi, tupelele ichisa.”

28Bo u Yesu injila munyumba, abafwamaso bala bakiza kukwache nukubalalusya ukuti, “Nkimba mukusubila ukuti ningabapozya?”

Bakamwamula bakati, “Ee, Mwene!”

29Po u Yesu akaghapalamasya amaso ghabo nukuti, “Chibombiwe ukuyana nu lwitiko lwinyu.” 30Amaso ghabo ghakighuka. U Yesu akabasoka nkani akati, “Mutakamubuzyepo yumo.”

31Loli bakabuka nukufumusya ipangwi ilyakunena nizya Yesu muchigaba chosi chila.

U Yesu akumupozya uchinunu

32Bo abanavuli bala bakwepapo, abantu bamo bakiza kwa Yesu nu chinunu pachifukwa chakuti akaba nu muzimu umubibi. 33Loli bo u Yesu awefya umuzimu umubibi ghula, umuntu yula akanda pakunena. Abantu bosi bakaswigha nukuti, “Tutachenizyepo nalumolumo ichintu ngati cho ichi mu Izilayeli.”

34 # Mat. 10.25, 12.24; Mlko. 3.22; Luk. 11.15 Loli aba Falisayi bakati, “We mwene uwa mizimu imibibi, yuyo akumupa amaka aghakwefezezya imizimu imibibi.”

Ichisa icha Yesu pa bantu

35 # Mat. 4.23; Mlko. 1.39; Luk. 4.44 U Yesu akendagha mutwaya tosi nu buyo ubwakulekanalekana. Akamanyizya munyumba izyakwiputilamo, akalumbililagha Amazyu Amiza nizya Bumwene ubwa Kumwanya nukupozya abantu babo bakaba nu bubine ubwakulekanalekana. 36#Ukb. 27.17; 1 Abm. 22.17; 2 Imb. 18.16; Ezk. 34.5; Mlko. 6.34Bo ennya ichilundilo icha bantu, akaba ni chililizi na bantu bala pachifukwa chakuti bakalita nukutamiwa, pakuti bakayana bulo ni ng'ozi zizyo zite nu mudimi. 37#Luk. 10.2Po akababuzya abamanyili bache akati, “Inyinulo nkulu, loli abakwinula banandi. 38Iputa kwa Chala, umwenecho uwa mughunda, ukuti atume abambombo pakwinula.”

Выбрано:

Matayi 9: LMBNT2016

Выделить

Копировать