Yohani Ukwanda
Ukwanda
Amazyu Amiza agha Yesu Kilisitu ghagho ghasimbiwe nu Yohani ghakulanjizya ukuti u Yesu we Mazyu agha Chala agha bwila na bwila, yuyo “Akanduka muntu nukwikala mukasi mumwitu.” (1.14) Ukuyana na mumo ibuku likunenela ukuti Amazyu Amiza agha ghakasimbiwa ukuti ababelengi bache basubile ukuti u Yesu Kilisitu, u Mwana uwa Chala, we Mupoki, sona ukuti ukwendela mu lwitiko mumwache bangaba nubumi (20.31).
Bo pachilapo ubwandilo ubwakulanjizya ukuti Amazyu agha Chala agha bwila na bwila we Yesu, ichigaba ichabwandilo icha Mazyu Amiza agha chikulanjizya pabuzelu ivyika ivyakulekanalekana vivyo vikulanjizya ukuti u Yesu, u Mwana uwa Chala, we Mupoki. Ivi vikonkanite ni vimanyisyo vivyo vikulingannya vivyo vyavumbuliwa ni vyika. Ichigaba ichi icha buku chikunena mumo abantu bamo bakasubila mwa Yesu nukuba bakonki bache, bo abamwabo bakumususya nu kukana pakusubila. Pamitu 13-17 utupangwi ututali nizya mumo u Yesu poka na bamanyili bache bakabela mubupoka naloli pabusiku bubo akalemiwanga, sona na mazyu ghache aghakwiyannya na ghalukazyo kukwabo pabusiku bo isiku litafikite ilyakukomeliwa kwache pachipinjika. Imitu iyabumalilo yikunena nizya kulemiwa nu kulongiwa kwa Yesu, ukukomeliwa kwache pachipinjika nu kuzyuka kwache kubufwe, sona nukubabonekela abamanyili bache bo azyuka kubufwe.
Ipangwi ilya mukolo yuyo akalemiwa mu bulowe (8.1-11) lyighaliliwe mukasi ni vimanyilo ivi […], pachifukwa chakuti amabuku ghamo aminji aghakale nu busanusi ubwakwanda ubwa masimbo agha ghatakunena nizya pangwi linili, loli aghanji ghakunena mubuzilo bumo.
U Yohani akudidimizyapo nkani pachabupi icha bumi ubwa bwila na bwila ukwendela mwa Kilisitu, ichabupi chicho chikwanda losi ulu, sona chicho chikwiza pakupeghiwa abantu babo bakumwitika u Yesu ngati yo zila, ubwanaloli nubumi. Ichimanyilo icha ibuku ilya Yohani ichakwilanjizizya nacho mumo akubombezya ivintu bulo ivya bumi ubwa isiku ni siku, ukufwanikizya nivya buzimu. Akubombezya ivintu ngati ivi: Amizi, ichibama, ulukozyo, umudimi ni ng'ozi zyache, amampesya ni seke zyache.
Ivya mukasi
Amazyu aghakwighulila 1.1-18
U Yohani Uwalozyo na bamanyili abakwanda aba Yesu 1.19-51
Imbombo iya Yesu iya pabuzelu 2.1—12.50
Amasiku aghabumalilo mukasi na kupipi nu Yelusalemu 13.1—19.42
Ukuzyuka kubufwe nu kuboneka kwa Mwene 20.1-31
Amazyu aghakwighalilila: Ukuboneka ukunji kwa Mwene muchigaba icha Galileya 21.1-25
Выбрано:
Yohani Ukwanda: LMBNT2016
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Узнать больше о Ulufingo Ulupya