Малакий 3

Раббининъ келеджеги акъкъында

1 # Чыкъ 23.20; Мт 11.10; Мк 1.2; Лк 1.76; 7.27 – Мына, Мен хаберджимни ёллайым. О, Меним огюмде ёлны азырлайджакъ. О вакъыт сиз къыдыргъан Рабби апансыздан Озь Сарайына келеджек. Сиз истеген васиет хаберджиси шимди келеята, – дей Ордуларнынъ РАББИси.

2 # Збр 75.8; Ёэль 2.11; Нах 1.6; Сыр 6.17 Онынъ келеджек кунюне ким даянып олур? О, пейда олгъанда, ким аякъ устюне турып олур? О, эр шейни ириткен ве арындырткъан атеш киби, эр шейни темизлеген сильте киби оладжакъ. 3#Еш 1.25; Ехез 22.18; Зек 13.9О, темизлемеге башлайджакъ ве кумюшни иритип темизлейджек. О, Левийнинъ огъулларыны темизлейджек, алтын ве кумюш киби иритип арындыраджакъ, ве олар догърулыкънен РАББИге бахшышларны ве къурбанларны кетиреджек. 4О заман, къадимий куньлерде, кечмиш йылларда олгъаны киби, РАББИ Ехудада ве Ерусалимде кетирильген бахшышлардан разы оладжакъ.

5 # Чыкъ 20.14, 16; Лев 19.12-13, 31; Текр 24.17 Ордуларнынъ РАББИси бойле дей:

– Суд этмек ичюн сизге келеджегим ве этнеджилерни, къоранта садыкълыгъыны бозгъанларны, ялан шаатлыкъ эткенлерни, ыргъатнынъ къазанчыны озь вакътына бермегенлерни, тулны ве оксюзни къыйнагъанларны, кельмешеклерден адалет акъкъыны тартып алгъанларны, Менден къоркъмагъанларны тез мейдангъа чыкъараджагъым.

Алла халкъны опькелей

6 # Сай 23.19; Збр 101.27-28; Еш 31.6; Зек 1.3; Якъ 1.17; Фаал 7.51 – Мен – РАББИм, Мен денъишмем. Онынъ ичюн сиз ёкъ олмадынъыз, эй, Якъупнынъ огъуллары! 7Деделеринъизнинъ куньлеринден башлап, сиз Меним низамнамелеримден чекильдинъиз ве оларны беджермединъиз. Манъа къайтынъыз, Мен де сизге къайтарым, – дей Ордуларнынъ РАББИси.

– Сиз исе: «Насыл къайтайыкъ?» – деп сорарсыз.

8Адам Алладан хырсызлап олурмы? Сиз исе Менден хырсызлайсынъыз.

«Насыл этип Сенден хырсызладыкъ?» – деп сорарсыз.

Онда бир пайны ве къурбанларны кетирмейип, сиз Менден хырсызлайсынъыз. 9#Мал 2.2Сиз къаргъышкъа огърадынъыз, чюнки сиз, бутюн халкъ, Менден хырсызлайсынъыз. 10#Лев 26.4; 4 Пад 7.2; 2 Тар 31.10; Икм 3.9-10; Йрм 14.22; Ехез 34.26; Зек 10.1Эвимде аш олсун деп, эпинъиз онда бир пайларынъызны анбар ханелерине кетиринъиз. Мени, ич олмагъанда, бунен сынанъыз, – дей Ордуларнынъ РАББИси. – Кореджексинъиз ки, коклернинъ къапуларыны сизге ачаджагъым, устьлеринъизге толып-ташкъан берекет ягъдыраджагъым. 11Эписини ёкъ эткен боджеклерге буюраджагъым, ве олар топракъ махсулларынъызны бозмайджакъ. Багъдаки юзюм кутюклеринъиз де берекетсиз къалмайджакъ, – дей Ордуларнынъ РАББИси. 12– Эписи халкълар сизни бахтлы деп саяджакълар, чюнки топрагъынъыз истенильген ер оладжакъ, – дей Ордуларнынъ РАББИси.

Алладан къоркъкъан ве къоркъмагъанлар акъкъында

13– Манъа къаршы юзьсюз сёзлер айттынъыз, – дей РАББИ.

– Сиз исе: «Санъа къаршы не айттыкъ?» – деп сорарсынъыз.

14 # Эюп 9.22; 35.3; Еш 58.3; Цеф 1.12 Сиз бойле дединъиз: «Аллагъа хызмет этмек бошунадыр. Онынъ къарарларыны беджергенимизден, Ордулар РАББИсининъ огюнде гъамнен агълап юргенимизден не файда? 15#Эюп 21.14-15; 22.17; Збр 72.3-4; Йрм 12.1Шимди биз къопай адамларны бахтлы саямыз. Яманлыкъ эткенлернинъ иши юре, олар РАББИни сынасалар да, оларгъа бир шей олмай».

16 # Чыкъ 32.32; Збр 55.9; 68.29 РАББИден къоркъкъанлар исе бири-биринен лаф эте, РАББИ эшите ве динълей эди. Ондан къоркъкъанлар ве Онынъ Адына сайгъы косьтергенлер акъкъында хатыра китабы РАББИнинъ огюнде язылды.

17 # Чыкъ 19.5; Збр 102.13; 1 Пётр 2.9 – Олар Менимки оладжакълар, – дей Ордуларнынъ РАББИси. – О куню Мен оларны Озюмнинъки, Меним барлыгъым деп япаджагъым. Баба озюне хызмет эткен огълуны насыл аджыса, Мен де оларны ойле аджыйджагъым. 18#Чыкъ 11.7О заман сиз инсафлынен инсафсыз адам, Аллагъа хызмет эткеннен этмеген адам арасындаки фаркъны кореджексинъиз.

Выбрано:

Малакий 3: CTB

Выделить

Копировать