Ageini 2

1Epone noni en kame bin kotieko cweno kede malo kede lobo, kede twon jamini dedede kame tie i yi gi. 2#Iburanian 4.4, 10#Yai 20.11Di ceng me kanyaare otuno, Rubanga oudo otieko do tic mere, en eko wei i ceng me kanyaare ki tice kame oudo ebedo timo. 3Aso, Rubanga oko mino ceng me kanyaare winyo, eko mine ebedo ceng acil, piento en ewei i ceng nono ki tice kame oudo en ebedo timo me cwec.

4Manoni en epone kame malo kede lobo ocakere kede i kare kame kocweo gi kede.

Poto kame tie Eden

Kakame Rwot Rubanga ocweo kede lobo kede malo, 5yen me obar oudo pwodi likame tie i wi lobo, doko oudo likame tie kodi moro kotieko tui, pien Rwot Rubanga oudo pwodi likame omio kot ocwei i wi lobo, doko dano kame puro lobo da oudo pwodi li, 6do pii oudo wok ki piny di eko bido wi lobo dedede.

7 # 1 Jokorinti 15.45 Di do Rubanga oko kwanyo apua me lobo eko cweno kede dano, eko kuto i ume wei kame mio kuo, di dano oko doko gikame kuo.

8Di Rwot Rubanga oko keto poto i Eden, i bad tetu kide, di eko keto iye dano kame en ecweo. 9#Gianyuta 2.7; 22.2, 14Rubanga oko mino yen dedede kame neno beco, kede kame ber me acama otui i lobo; i dier poto oudo tie iye yat kame mio kuo, kede yat kame mio ngec me gikame ber kede gikame rac.

10Ecilet oudo mol ki Eden kame bido poto nono; ki kanono en epokere eko doko icileta ongwon. 11Me agege nyinge Pison, en emol eluko lobo me Kabila lung, kakame saabu tie iye; 12saabu me lobo nono ber; odok angwe kur kame kolwongo be deliam kede kide me wel amalo kame kolwongo be onik da tie iye. 13Ecilet me are nyinge Gikon, en emol eluko lobo me Kus lung. 14Ecilet me adek nyinge Tigiris, en kame emol eoto i bad tetu kide me Asiria. Ecilet me ongwon mere nyinge Eupurate.

15Rwot Rubanga oko keto dano i poto me Eden pi pure kede pi gwoke. 16Rwot Rubanga oko ciko dano be, “In itwero camo anyakini dedede me yen kame tie i poto; 17do likame ibino camo anyakini me yat kame mio ngec me gikame ber kede gikame rac, pien ceng kame ibino came kede in ibino to.”

18Di Rwot Rubanga oko waco be, “Likame eber ne dano bedo kene; abino timo ne ngakonye kame poore ne.” 19Rwot Rubanga oko kwanyo lobo eko timo kede leini dedede me obar kede winy dedede me wi yamo, di en eko kelo gi but dano pi neno epone me cako negi nying gi; nying kame dano oko mino gikame kuo acelacel oko doko nyinge. 20Dano oko mino leini me paco dedede nying gi, kede winy me wi yamo, kede leini dedede me obar; do dano oudo likame tie kede ngakonye kopoore ne.

21Aso, Rwot Rubanga oko mino dano onino kitek, di eko kwanyo esep mere acel, eko mwono kare kede ringokom. 22Esep kame oudo Rwot Rubanga okwanyo ki kom dano nono eko timo kede dako di eko kele but dano. 23Di dano oko waco be,

“Nan do man en cogo me cogere na,

kede ringo me ringokoma;

kobino lwonge be dako,

pien kokwanye ki kom icuo.”#2.23 dako I leb Eburania dako kede icuo somere kede dwan acacal.

24 # Matayo 19.5; Marako 10.7-8; 1 Jokorinti 6.16; Joepeso 5.31 Pi mano, icuo weko papa mere kede toto mere eko moko i kom dako mere, di gin kiko doko kom acel. 25Icuo kede dako oudo bedo nono, do likame lewic oudo mako gi.

Выбрано:

Ageini 2: BILK13

Выделить

Копировать