Известные библейские стихи из Zenezi 15

Поделиться

Tawamhã Abrã, Uburé Danhib'apito te te tãma iwaihu'uzém na ma tô sina mreme umnhasi oto. Tahawa Uburé Danhib'apito, ma tô duré wẽsã, te te sina wawãi õ wa oto.

Tawamhã ãhã parip si Abrã ma tô sõtõ 'rowim ne marĩ 'madâ. Taha na te Uburé Danhib'apito ãne tãma tinha: — Abrã, aipahi tõ. Marĩ isimimnhasi wi wa za wa hã 're ĩsimapa, ai'wawi. Duré iwẽ wa za te aima 're anhomri.

Tawamhã Uburé Danhib'apito, rob u te te saprõni wamhã, te Abrãhã ma tinha ãne oto: — Ma'ãpé hâiwa 'madâ'â, wasi norĩ sa'rata waihu'u pese wamhã, aza'rata da pé. Tane asihudu norĩ hã, ahâ uptabi di za.

Tawamhã Uburé Danhib'apito te duré ãne tãma nharĩ na sahu: — Mare di. Ai'ra uptabi ma si, te za asimarĩ hã tãma irẽme za'ra. Mare di za, aima romhuri'wa Eriézéhé ma irẽme za'ra da hã.

Tawamhã Uburé Danhib'apito te tãma tinha ãne: — Ma'ãpé waihu'u. Sena na te za asihudu norĩ tisiré a'uwẽ'õ norĩ te ti'ai wa'õtõ nho'õmo ãma 're hâimana za'ra. Tame te za pawa'âbâ ãna te te dama 're romhuri za'ra. Tahawa, te za da te tãma 're rob'manharĩ wasété za'ra, 400 wahub 'remhã.

Tawamhã Abrã asa ma te ãma sada'â ãne: — Uburé Danhib'apito, ĩte 'Re ihâimana u'âsi mono! Ĩma hã marĩ dai õ di, iwẽ ĩma 're i'anhomri mono zé ĩ'ra ãna za 're ĩhâimana u'âsi mono da nherẽ. Eriézéhé si Damascu ãma, te za uburé ĩ'uirĩ na ĩnhibrob na hã ãma ate za'ra.

Tawamhã tô taha bâtâ na ma tô Uburé Danhib'apito, Abrãhã ma, tinhimiropisutuzé hã tãma 'manha, ãne: — Asihudu norĩ ma, ã hã ti'a te tãma sõmri za'ra da wa ĩnhimiropisutu zahi hã 'manha, Ezitu ãma ti'a zada'ré inomro hawi, panho'u Eufrati na isisi u hã

Asihudu norĩ, maparane si'uiwa na ãma idapoto ãmap si te za apâ we sina siri za'ra. E marĩ wa. Zahadu amoreu norĩ wasété zé ibâ na hâimana õ wa, niha na te tãma irob'manharĩ za'ra da hã.