Известные библейские стихи из Zenezi 14

Поделиться

Duré 'Re ihâimana u'âsi mono danhipai u 're ihâimana mono, asitob'ru norĩ asib'rata te te aima isõmri za'ra ãma si 're wawata za'ra aba mono!” Tawamhã Abrã, uburé marĩ na apâ te te ãma isiri za'ra hã 10 na ihâimana za'ra te te ipo hã misi ma tô tãma waze, Mequizédéquihi ma, te te tãma sõmri da.

Tawamhã Mequizédéqui, Salẽ na 'ri nho'õmo nhisi ãma apito, duré Danhipai u pese 'Re ihâimana u'âsi mono te, sasedoti na 're ihâimana mono hã ma tô i'u'ẽtẽ wapu norĩ, uwa 'rãi wa'u isé me hã tãma mrami zahuré. Tawamhã Mequizédéqui, Abrãhã ma, iwẽ te te tãma pisutu sina, ma tô ãne tãma tinha: “Abrã, 'Re ihâimana u'âsi mono, danhipai u 're ihâimana mono, hâiwa 'manhari'wa hã, duré ti'ai 'manharĩ'wa hã iwẽ si te te aima 're pisutu mono da, wa tiwi te 're waptẽrẽ.

Tane nherẽ, Abrã ma te ãne asa ãma tãma wa'rã: — Uburé Danhib'apito, danhipai u 're ihâimana mono, hâiwa 'manharĩ'wa, duré ti'ai 'manharĩ'wa, taha nho'a wa za ĩnhib'rada hã hâimo wẽ, asimarĩ hã za ĩma ihâimana za'ra õ na te tãma ropisutu da hã, niha wamhã, abazi isidi surure na, niha wamhã duré dapara'uza wasisizém na hã. Ãhã wamhã, a hã niwamhã ãne na inharĩ da hã mare di za: “Tãma ĩnhimi'manharĩ wẽ zéb zarina ma tô Abrã hã sisimarĩ pese.”