Известные библейские стихи из LUKA 22

Поделиться

“Tatana, loko u swi rhandza, tshineta ndzheko lowu ekule na mina! Kambe, ku nga endliwi ku rhandza ka mina, a ku endliwe ka wena.”

kambe mina ndzi ku khongelele, leswaku ku pfumela ka wena ku nga tshuki ku titivala. Kutani wena, loko u hundzukile, u ta tiyisa vamakwenu.”

A va a teka swinkwa, kuteloko a khensile, a phema, a va nyika, a ku: “Leswi, i miri wanga, lowu nyikeriwaka n'wina; endlisani sweswo, mi ta ndzi anakanya ha swona.”

A endlisa sweswo ni xinwelo, loko va lalele, a ku: “Xinwelo lexi, i ntwanano lowuntshwa engatini ya mina, leyi halateriwaka n'wina.

Kakuloko a ri emaxangwini lamakulu, a tiyisa matimba ku khongela; kavaloko nyuku wa yena wu xiririka, wu fana ni mathonsi ya ngati lama tshonelaka emisaveni.

Kambe swi nga tshuki swi va tano eka n'wina; kambe lonkulu exikarhi ka n'wina, a a kotise lontsongo; kutani la fumaka a a kotise la tirhaka.

Kambe Yesu a ku eka yena: “Petro, ndza ku byela leswaku, nkuku wu nga ka wu nga ringi namuntlha, u nga si landzula kanharhu leswaku wa ndzi tiva.”