Известные библейские стихи из San Juan 3

Поделиться

’Saa chi yáꞌa ni kúꞌvi ini Ndioxi xíni ra na ñuu ivi, xaꞌa ya ikán kua ta̱xi ra Seꞌe ra, ra iindaa mituꞌun nuu ra, yakan ndiꞌi na kándixa ra ta ndïꞌi xaꞌa na, sundi taxi ra kutaku na xiꞌin ra ndiꞌi saa kivi.

Chi köo ndi̱tiꞌvi Ndioxi Seꞌe ra vaxi ra ñuu ivi ya sitixuꞌvi ra na ñuu ivi, sundi ti̱ꞌvi ñaꞌa ra vaxi ra sikaku ra na.

Saa ndi̱kuiin Jesús káꞌan ra: ―Ya ndaa ni káꞌan i xiꞌin un, ndiꞌi na täꞌan kaku uvi, ta küchiñu na kiꞌvi na nuu xáꞌnda chiñu Ndioxi ―káchi Jesús xiꞌin ra.

’Ta ndiꞌi na kándixa Seꞌe Ndioxi ta küꞌun na nuu ndoꞌo ni na, sundi na köo xíin kandixa Seꞌe ra ta xa chi̱tuni Ndioxi ndiꞌi xaꞌa na, chi xïin na kandixa na kivi Seꞌe Ndioxi, ra iindaa mituꞌun nuu ra.

Ta ya yóꞌó ku kuachi na ya síndiꞌi xaꞌa na, chi ki̱xi ñu̱ꞌu̱ ya ndituun ya nuu na, ta köo ndi̱xiin na ndikiꞌin na ya, ku̱too ni ka na xi̱ni na ya naá, chi ñaꞌa íkan na ta süvi ya vaꞌa kua.

Ta ra ikán ku ra xíniñuꞌu nduu chee ka nuu i ta yeꞌe xíniñuꞌu i xaa ni̱nu̱ i mií i nuu ra ―káchi ra Juan xiꞌin nda ítaꞌan xiꞌin ra.

Chi ndiꞌi na íkan ya väꞌa ta kúndasi nuu na xíni na ya yéꞌe̱, yakan köo xíin na kuyati na nuu yéꞌe̱, chi köo kúni na ndituvi ndiꞌi ya väꞌa íkan na.

Ta ndiꞌi na kándixa Seꞌe ra, ta táku na xiꞌin Ndioxi ndiꞌi saa kivi, sundi na köo xíin kandixa Seꞌe ra ta küchiñu na kutaku na, ndiꞌi saa kivi saá ini Ndioxi kuni ñaꞌa ra ―káchi ra Juan.

Tá i̱kan ra Moisés iku yuyu xinaꞌa, si̱kuaꞌa ra iin ko̱ó chi̱nuu ra nuu itun sukun ni, ta saa xíniñuꞌu na ñuu ivi chinuu sukun na yeꞌe, Taa ra xa̱a ñuu ivi yóꞌó.

Iva yo Ndioxi ta kúꞌvi ni ini ra xíni ra Seꞌe ra, yakan kua ta̱xi ndiꞌi ra ñaꞌa ndaꞌa Seꞌe ra.