Известные библейские стихи из San Juan 2

Поделиться

Yatuꞌun yóꞌó ku ya núnu̱ú i̱kan Jesús ñuu Caná, estado Galilea. Xaꞌa ya i̱kan ra ya yóꞌó ta si̱naꞌa ra naꞌa ya ndee ni ndee kúu mií ra. Ta ka̱ndixa ñaꞌa nda ítaꞌan xiꞌin ra.

Saa ndi̱kuiin ra káꞌan ra: ―¿Nana, ndachu káꞌan un saa xiꞌin i? Ta täꞌan vi tindaa kivi ya xaa súvi i chiñu Ndioxi ―káchi ra xiꞌin yá.

Saa ndi̱kaꞌan Jesús xiꞌin na xíka chiñu nuu na káꞌan viko ikán, káchi ra saa: ―Sikutu ndaa ndo tikuii ini kisi yóꞌó ―káchi ra xiꞌin na. Saa si̱kutu ndaa na ya. Ñaa ndi̱kaꞌan tuku ra xiꞌin na, káchi ra saa: ―Tava ndo loꞌo rá taxi ndo ndaꞌa ra ndíso chiñu xiꞌin viko yóꞌó ―káchi ra. Ta saa i̱kan na.

Saa ndi̱kuiin Jesús ndi̱kaꞌan ra xiꞌin nda, káchi ra saa: ―Tá ná sindiꞌi xaꞌa ndo veꞌe ñuꞌu yóꞌó ta tixin kivi uni ta sikuaꞌa tuku i ya ―káchi ra xiꞌin nda.

Saa tá xi̱ni Jesús na, ta ti̱in ra yoꞌó. Ñaa ta̱va ndiꞌi ra na yeꞌe veꞌe ñuꞌu xiꞌin sindiki tin levo sana na. Ta na náma xuꞌun xa̱ta yava ra xuꞌun na, saa ka̱ta ndee ra mesa na nuu ñuꞌú. Ta na xíko sata ndi̱kaꞌan ra xiꞌin na, káchi ra saa: ―¡Tava ndo ri yóꞌó ná kana koo ri kuꞌun ri! ¡Ta ndäsa ndo veꞌe Iva i ndúu ya nuu yaꞌvi! ―káchi ra xiꞌin na.