Известные библейские стихи из Wikhikən 14

Поделиться

Wantəkewowakən nəkətəmən khəkewak. Nwantəkewowakən kəmiləniya. Skat ktəlimiloniya tahalo skitkəmikw elimilowek. Mosahk sespehtəhasowic kməshonowal, kesəna mosahk seksowic!

Sesohs 'tiyal: Nil nit awht, naka welamewakəni, pemawsowakəni. Skat weci opəkəcihayonəl Nmihtakwsəl; skat ocipəkəcihakw nil nhəkek.

Mosahk onmacitəhasowic kməshonowal! Wəlamsətəmotikw Kelowəsit ohəkek, naka, nil nhəkek wəlamsətəmotikw!

Kenok Nociwolehlowet kesəseyit Kehci-niweskwit, Wici oliniweskwit, tanil Nmihtakws otəlkimalc nowisowənk Nekəm knəka kehkimkoniyalc msiw kekwsal kisehtakoniyac kmikwitəhatəməniya msiw kikwsal tanil nil kisi yəholekwpənil.

Tan eyit ntəlkitəmowakənəl osaktəmənəl, nekəm nət nkəselməkw; nekəm tan keselmit, ocikseləmoksoc Nmihtakws; niləcəna nkəselma nekəm ntəlih nesowehləsəc ohəkek.

Nil nkwilotəmowan Nmihtakws, kmilkoniyac kətək Nociwəlehlowet, Nekəm wiciyeyakowahc mecimiw. Nət olamewakəne Kehci-niweskwit, tan skitkəmikw skat kisi wikwehlakwil; ipəcəl skat onəmiyawiyəl kesəna skat onənoowiyəl. Kenok kilowaw knənowawa; ipəcəl wiciyeyakowa, iyoc khəkewak.

Tan kekwse wici wikotəmekw nil nowisowənək, nit ntəleykanc; welaman Nmihtakws okici təmitəhamkosin 'Kwəssəl ohəkek. Wihkotəmekw kekwse nowisonək, ntəlehtakanc.

Mosaliyekw, saktəmok ntəlkitəmowakənil.

Lamikowam Nmihtakws wik ktanakətol ihyoltimkil. Skat leyinokəsəpən ktiholniyapənp; ipəcəl nil ntəlihan naci wəlehtolniya tan ihyoltimək.

Lihayan naciwəlehtolekw ihyoltimək, apcəc npəkəci təliwihkwehləlpac nhəkek welaman tan eyi kilowaw na ktiyoltiniya.

Toma 'tiyal: Nsakəmam, skat nkəcicitonewin elihayin, tan ntəlih kisikcicitonen awht?