1
मत्तयाल 7:7
पवित्र पोल्ले
पेनदुन तल्कट मीकु हिय्यार, पह्कट मीकु दोर्कार, तल्पुन तनट तल्पु तेंडार.
Сравнить
Изучить मत्तयाल 7:7
2
मत्तयाल 7:8
बारित्ते बोर अय्ते तल्कंतोर ओन्क हियमळ जर्गंता, बोर अय्ते पह्कंतोर ओन्क दोर्कंता, बोर अय्ते तल्पुन तनंतोर ओनाहाटीं तल्पु तेंडमळ जर्गंता.
Изучить मत्तयाल 7:8
3
मत्तयाल 7:24
अदुनहाटीं नावा पोल्लें केंजसि दाना परकारम ताकाना हरेक मनकल, बंडा पुनादिपोर्रो लोन दोहकुता तेल्विता मनकनलेसीं मंतोर.
Изучить मत्तयाल 7:24
4
मत्तयाल 7:12
अदुनहाटीं लोकुल्क मीवातोनि बल्हा मनना इंचि मिमेट इनकुंतिरो, अल्हेन मिमेट ओरतोनि मंटु. इदे पोल्ले मूसाना नियम आनि पेनदा कबुरतोर रासतदगुडा वेहंता.
Изучить मत्तयाल 7:12
5
मत्तयाल 7:14
पिस्वरताहेके होनना हर्रि आनि तल्पु वेल्ले इर्कुटोम मंता. आ हर्रि वेल्ले तक्को मंदिक दोर्कंता.
Изучить मत्तयाल 7:14
6
मत्तयाल 7:13
नासडेमताहेके होनना हर्रि, तल्पु नेर्वुंक नेरवु मंता, आ हरपीसि वेल्ले मंदि दांतुर. अदुनहाटीं इर्कुटोम मत्ता हरपीसि होळियट.
Изучить मत्तयाल 7:13
7
मत्तयाल 7:11
अय्ते मिमेट सेड्डोर्क आसिगुडा मीवा पिलाल्कुंक बेसतव हियना इंचि मीकु तेळियतस्के, स्वर्गमते मनना मीवा पेनबाबाल ओन तल्कानोर्कुंक वेल्लेन बेसतव हिय्योरा?
Изучить मत्तयाल 7:11
8
मत्तयाल 7:1-2
मिमेट वेरेतोरपोर्रो दोसेम दोसमट, अस्के मीपोर्रोगुडा पेन दोसेम दोस्सो. मिमेट बल्हा दोसेम दोस्संतिरो, अल्हेने मीपोर्रोगुडा पेन दोसेम दोस्संता. बद कोल्ताते मिमेट हींतिरो, अदे कोल्ताते मीकु हियमळ जर्गंता.
Изучить मत्तयाल 7:1-2
9
मत्तयाल 7:26
गानि नावा पोल्लें केंजसि, दाना परकारम ताकवा हरेक मनकल, उस्केते लोन दोहकुता तेल्वि हिल्वासंटोर आंदुर.
Изучить मत्तयाल 7:26
10
मत्तयाल 7:3-4
अरे डोंगि मनका, नीवा कळ्दे अरता सित्कुन तेंडका, नीवा दंटातोना कळ्दे अरता बुस्सितुन निमे बारि तेंडा हूळंतिन? नीवा कळ्देन सित्कु अर्सि मननेंके, “नीवा कळ्दे अरता बुस्सितुन तेंडाहीम इंचि नीवा दंटातोन बल्हा इना पर्रांतिन?”
Изучить मत्तयाल 7:3-4
11
मत्तयाल 7:15-16
आबद्दम कबुरतोरागटाल उसारते मंटु. ओर मिहगा सादा गोर्रेतालेसीं वांतुर गानि ओरा लोप्पो तोडेल्लिता गुनम मनंता. ओर कियाना कबाह्कुन हूळसे ओर डोंगि कबुरतोर इंचि एरपाट कींतिर. बल्हा अय्ते हाह्कुना जप्पिताल अंगुर पंडिं हादों, हिलाकोंटे ईरामुस्टी मराकुनाल मरका पंडिं हादों
Изучить मत्तयाल 7:15-16
12
मत्तयाल 7:17
अल्हेन बेसता मराकु बेसता पंडिं हादंतां, कराब मराकु कराब पंडिं हादंतां.
Изучить मत्तयाल 7:17
13
मत्तयाल 7:18
बेसता मराकु कराब पंडिं हादों कराब मराकु बेसता पंडिं हादों.
Изучить मत्तयाल 7:18
14
मत्तयाल 7:19
बव मराकु बेसता पंडिं हादों असोंटव अन्नि मराकुन नर्किसि तडमिते वाटंतुर.
Изучить मत्तयाल 7:19
YouVersion использует файлы cookie, чтобы персонализировать ваше использование приложения. Используя наш веб-сайт, вы принимаете использование нами файлов cookie, как описано в нашей Политике конфиденциальности
Домой
Библия
Планы
Видео