Известные библейские стихи из Lwiikö 13

Поделиться

«Lagɔ yɔwʋ a 'bhleghlɩghlɛɛ, sɛ wa ghlɛnɩ'ɛ ngloluë 'tikëtikëyi 'möö, ‑sɩbhä ma‑a. N nyanyɩ 'dɩ nɩɩ, nɩkpa a ‑bɛ yi ‑li 'mö yɛla wa 'kä ‑mä plɛ, ‑maa wa 'naa 'kä bhɛmanɩ. Zaa, a 'tɛmanɩa 'yli yɔwʋ, a 'kä ‑mä plɛ.

‑Mä Lagɔbudu 'la 'mö, 'nglɔ ‑bhlʋ ‑wʋmö a ‑mä. Zuzukwëzokwë ɔ kää ‑gömö. A kɔɔ ‑bhlɛ 'ylʋbö kʋgbä‑gbʋäta ‑gömö ‑sɛ. A za, ɔ'ɔ 'pulo 'mö 'lɩlɩlɩ, ‑maa 'mö ɔ ‑kimonɩɛ 'kwädlɩ 'n ɔ nɛmöä. Zezwii 'yoo 'ylɩmöö, 'n ɔ yoo wäzɩ, ɔ lɛ naa: «'Nyɩa, ‑na'a guu yɛ zɩ'ɛ bhɩɛ.»

'N ɔ yoo kɛ zɩ. ‑Gba ‑bhʋlʋ ‑kpɔ 'mö, 'n ɔ yiɛ 'mö zlɔmanɩ 'tɩɩ 'n ɔ yiɛ Lagɔ a 'nglɩ 'ghlimanɩ.

‑Sɩbhä a za, nɩkpa a ‑bɛ, ‑wa ‑gää zɩ'ɛ 'yukuu, wa yi nimï 'plɩ, 'n ‑wa ‑gää zɩ'ɛ nimïï, wa yi 'yuku 'plɩ.»

A yɩɛ, ‑budulowlii ‑kä 'ylɩ ‑bhlʋ 'mö 'wʋ ‑sɔ, ɔ ‑kä ‑lɛ ‑gbaa, ‑mä a yiaa 'pɩwʋ tʋʋä. ‑Lɛ a 'tɛnyɩ 'la 'mö, a 'nɩgbö ‑mä 'pɩwʋ 'n a 'kää ‑buduu bhɔtɔ, a 'kä nɩɩ: ‑Atʋ, ‑yayaya, kälɩ ‑lɛ ‑a 'kä plɛ. ‑Maa sɛ'ɛ ɔ 'kanyɩɛ 'dɩ 'nyɛ nɩɩ: N'n‑ä dɛ a'bhë a 'bhöönɩ ‑yi.

N'nn, ɛ'ɛ ‑bhö mi. ‑Maa n nyanyɩ 'dɩ nɩɩ: A'bhï, 'n a 'nɩ ligba a 'kä 'a ‑lizokuu kɛ'mö ‑sɛɛ, ‑sɩbhä a yiɛ 'kumöä.»

'N ɔ 'kanyɩ'ɛɛ 'dɩ 'nyɛ nɩɩ: N'n‑ä maanyɩ nɩkpa a'bhë a glɩnɩɛ ‑yi. 'Saa 'nɩɛ Lagɔ dlɩ yɔwʋ nɛnɩ, abhʋaa nwiɛ, a nɩ 'dionɩɩ gwë!

Zezwii lɛ naa: «'Pɩwʋ mää Lagɔ 'kämanɩɛ, 'saa ‑mä ‑nyɛɛ 'wlʋnɩ bhä? 'Saa 'n 'kä bhä ‑mä 'wʋ pälɩ? Suyeyike ‑bhlʋ wa laa mutaadɩ, 'mö ‑mä ‑nyɛɛ 'wlʋnɩɛ. Suyeyike 'la, 'mö nɩkpɛ ‑bhlʋ glʋä ‑mä 'ɔ 'lagblɛɛ 'mö, ɔ 'wlʋä, ɔ su 'bhʋɔmanɩ 'wʋ ‑këë, 'n wʋ yiɛ kïla 'pä 'n 'zɩ yuä 'wlu 'sɩbhä.»