Известные библейские стихи из मती 16

Поделиться

ईसू चेलाकूतेन एचेरेय कतातेड, “तोनोंगीग ईंग तयोम अगी वेग लगाय ओंगले दो, हाँय अनँयगराः जीव अड़ाःवाडखन अनँयग कुरूस रेमकेडखन ईंग देह दूरे ओतोंग वेग।

आम ईंगमे अयूम! आम परतस हवे, अरू नाःआ दिरिरे ईंग ईंगराः कलसियायिंग तुलाता अरू नरगराः तोनोंग इयाःआ जंगर हना अते ओरो जीताव अवेनेना।

ईंग आम लगा भगवानराः राइजराः चाभीकूनिंग एमेवामता अरू जे हों सकालाः नाःआ चउंदीसरेम तोल, हान सेरमो देसरे हों तोलतो दोहोनता। अरू जे हों सकालाः आम चउंदीसरेम गीगगे, हान सेरमो देसरे हों गीगतो दोहोनता।”

मनदो तोनोंगीग अनँयग जीव बनसाव लगाय ओंगले दो, हाँय आँयगराः जीवे ञेल केड़े एंडागोडता अरू तोनोंगीग ईंग लगा अनँयग जीवे अड़ाःगोडता दो, हाँयराः जीव बनसाव जुवाःता।

तोनोंगीग होड़ चउंदीसराः जमा जिनिसकूने पवाव जुवाः अरू अनँयग जीवे लायगोडता दो, हाँयके हनारे चिला नफा होयाःता? मी होड़ अनँयग जीव बदलारे चिलाय एमे अवेयता?

दो ईसू हँकूय होंबोरतेड, “अपे ओंगोलरे ईंग इये हवे?” दो सिमोन पतरस कता कुदातेरा, “आम मसी हवे, जीयत इदानिया हाँयग भगवानरीग बेटात हवे।”

हनते ईसू कता कुदातेरा, “ने एवनारीग बेटात सिमोन, भगवान आम जीवे नपायकेरा। तोनोंगीग मनुवा अगीते कोवान, मनदो सेरमो देसरे इदानिया ईंगरीग अपांग भगवान, नाःआ कता अनँयग आमे कता उदुःवाडमेःआ।