Известные библейские стихи из Banɔkpɛkpɛ Axɔ̃ɛ 2

Поделиться

Petro ebuiliulũ asɛ, “Notsyina etúɔ mɛ, tɛ bakpɛ bulĩ akɔ wɔnɔ ɔmayɛmɛ ka nyia ka nɛ Yesu Kristo yɛinye mɛ̀, tɛ balɔkɔ wɔnɔ ebui kpa etsye wɔnɔ. Kɛlɛ nɔbɔ yɛkɛ Ɔfɔfuĩa Gbangbã ɛdɔ̃ kɔkɔ.

Balɔkɔ balɛishu ashɔkpɛ banɔkpɛkpɛ bɔdɔ̃ kakasɛ nɛ̀ ɔha kpɛkpɛ mɛ, ɔvɛnɔ kifufulũɔ tɛyaya nɛ̀ Owusoso Akaa tikukulu mɛ.

Ɔfɔfuĩa Gbangbã otsoku balɛ pete mɛ, gɛ kɛkɔ ɔsɛ bakpà beluhũ ediedi uhu asɛ gɛ Ɔfɔfuĩa nɔkɔ balɛ kidzo ana.

Nɛ balɛ matìmatì mɛ, ozĩ oyì asɛ kɛlɛɛ gagalĩi tifufù ana odenɔ kititíɛ pɛ kɛyɛkɛ bɔpã petee mɛ gɛ bazãa. Bamɔ kɛdɔ̃ tili giyì kifu ɔɖɛklɛmɛ ana, gɛ yá pɛ badɔ ɔzã balɛ ɔmayɛ mɛ ka nyia ka abha. Ɔfɔfuĩa Gbangbã otsoku balɛ pete mɛ, gɛ kɛkɔ ɔsɛ bakpà beluhũ ediedi uhu asɛ gɛ Ɔfɔfuĩa nɔkɔ balɛ kidzo ana.

Bazatɔ̃ kɛtakpu nɛ Owusoso Akaavũɔ shu kibe nyia be. Bazaŋã bɔdɔ̃ nɛ kesugba tienikpo mɛ nɛ balɛ bapãmɛ nɛ same nɛ̀ etú dadalɛ mɛ, pɛ bazakpɛ Owusoso Akaa nɛinyè nɛitití kɛlɛ balɛ ebuiɛ ezeku banunɔ petee awɔ̃. Kɛlɛ Apaleteɛ akɔ bagɛ ayɛkɛ elú nɛkpã abaplɛnɔ balɛ bekpè atɔɖɔ kiwui nyia wui.

“ ‘Owusoso Akaa aɖɔ asɛ, nɛ ewui gɔgɔɛ mɛɛ, mɛ Ɔfɔfuĩa nɔ ɔbɔdɔ banunɔ petee abha. Wɔnɔ beyianyɛ nɛ̀ beyiadzɛ abaɖɔ ebui elu, wɔnɔ bayɛsɔ̃ abamɔ ebui nɛ bɔlala mɛ, wɔnɔ banɔ sheshèɛ babaza balalá.

Bagɛ ayɛkɛ aŋã petee eshogò kɛlɛ bakpɛ ebuiɛ petee tinikpo abhɛtɛ. Badɛ̀ balɛ ahɔɛmɛ bɔdɔ̃, kɛlɛ balɔkɔ akɔ aka nyia aka asɛ kɛpɛɛ gɛ apɛɛ ulũ.

Kɛlɛ aka nyia aka gɛekulu Apalete neinyeɛ, babayɛkɛ yɛ elú nɛ̀ ɛkpã.

Kiwuiɛ batsyina dzi otumũ kɛlɛ woele nɔ ebetsyina edzi dzyosu, flogo pɛ Apaleteɛ yɛiwui gbagbla nɛ̀ kiwui dadalɛ banà.