Известные библейские стихи из Markus 6

Поделиться

Yé mwa ma ku Yefun Yesus mone dom. Yé mwa ma, ki suk, deyo ma, deyo mu, deyo ma o ku Yefun Yesus mone, yé mwa, sane Yefun Yesus si bi pakon yo ku os wa git sugit dom nde. Yé mwa yé re ma ku án mone, sane Yefun Yesus ki nai An bi pakon ne do, ”Men wadigan sor mu mo pe gato ye yo mo nde et. Men wadigan mu mone subere nin ku os wa nin kem not mone.”

Orete Yefun Yesus ki nai nje mone do, ”Mo pe mwa ne sino yé bes yenabi gum kok, sarewo mo yenabi ne dakai bi nat-i yo, yenabi ne bi nje-i si bi rus-i ne bariwa jammo an re.”

Yefun Yesus mu kom mone, An is kadit kwem ne, ete An me yé mwa yé re sum mone sa, Yefun Yesus dakai jimnotku yé mwa ne, we yé mwa ne tepsu suksi sato domba, sarewo ye yo mewa án nde, ye yo kadum os gato ndo wa yé mwa ne nde. Sane Yefun Yesus duno án subot suk mwa.

Yefun Yesus yo ben suk yo gato ben yé yeket ne mo nde. An ak An syim mo yetu ge bok yo sor re, ete ben yé bok ne ge re. Yefun Yesus yeket yé mwa mone, we án onyar yo kem mo Yefun Yesus nde. Orete Yefun Yesus mubot kampung bok yo karowa Nazaret ne. An mubot pe ne sa, An duno nje gato kem mone.

Orete Yefun Yesus nai roti koi mumek si boge ge we ne. An nai, ete An sok mu nim mo gu, An ki do, ”Ndo mo Nan, Yefun Allah wa sugit gato Nan syo nai men ré.” Yefun Yesus ki sane or, Yefun Yesus syat roti ne. An syo nai An bi pakon, ete An bi pakon ne waii syo bot yé mwa mone. Boge ge we ne dom, Yefun Yesus syo nai bi pakon, ete An bi pakon waii syo bot yé mwa mone. Yé mwa ne sino git sor án on ge, orete pakon mu sum sugit napta ne bok mo yu. Sugit napta ne, roti si boge koi nap ne, án sum sino án bok mo yu musyu dik sop we ses.