Известные библейские стихи из LUKAT 8

Поделиться

Nen, kweang hanoma pisike atì ebe re, it apùnì aike hano wene atì inasuk holharesik he, inetaùkenma motok tùkùm hogo helagaresik hebìgì'lek hesogo logolìk, eken apik ìterek atìat o,” ìlùk yogoisasike.

Nen, pakì api'mo pisike atì ebe re, it apùnì aike Ala ane atì inasuk holharesik enat ina'la nen he, Eige. Nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la ebetìk, kweangma mene ina'la hai hakasak mene oba ebetìk, egarek atì nen he, ina'la Ala ane atì eken wurik agì'lek lologo lek agarek atìat o.

Nen, helep oba pisike mene atì ebe re, it apùnì aike Ala ane atì inasuk holharesik he, ina'la hai hakìkì logolìk wanharesigat he, inetaùkenma omaken yatì'lek en eberogoat ìlùk hamùlùgat enek akìlìk were'ma, weak hagasuagalùk ina'la kagali waganem he, arat kobok hogo heraksalùk wùlùparek atìat o.

Hapuk isikomo, at Yesùt en agoromì amanogo mel yogoisasike: “Hinetaùken noba hìpìrìk welagep mene a'nogo, ka laguma nen ìkì lagep,” ìlùk, atì'nogo yogoisasikomo it inayùk agaukwasik, it-it ìkì logolìk he, “Egi! Ap yì sa akegep. Sogoi mel, i ha'labu mel, at ane ba, Lek ame, ikenem, ane hologo lek aga atì nayùk e,” ìlùk hogorasukwa.

Kwe ebekalem pisike atì ebe re, it apùnì aike Ala ane inasuk holharesik, eberogoat ìlùk wanhenem, Ala nen inebe telinabinogo ìlùk, Ibilit wagaresik he, wene ina'la nen henogo wolok lagarek atìat o.

Atì'nogo hikenem, yì mene tì mene hinago welagarek mene atì, weinam agìk, wene ina'la hinago welagarek mene atì, sele'ma hukalogo hìgìk, igin

Yogosikomo, at he a'nogo a'la nen he, “Arat hù'niike hìgì o,” ìlùk, ayuk agaikesik, oak lei'-leik Yesùt oba wìrìk he, eitep awì yagasogo awe a'ma kisikesik mel yogosike: “An yì'nogo nen hasu neki hakìgì o. Atì'nogo hakiko kolek aremnogoat hano agìma yì,” ìlùk, apùnì amanogo ineilhanem motok pìlìngìrogo yogosike. Atì'nogo yogosikomo, at Yesùt en he, mel yogosike: “Na'logo e! Hetaùken noba hipìrethegen atì nen hano agen o. Halok he, ha'la hanorogo lan o,” ìlùk lakhesike.

Atì'nogo hagasikomo, it amanogo nen, at Yesùt nogo ikenem eluguthìkì logolìk he, mel yogosukwa: “Ninoe! Ninoe! Nit arat i logoin yoma,” ìlùk yogosukwama, at Yesùt eluk agaikesik he, sogoi mel, i ha'labu mel, wenagasikomo palarìk he, motok hapuk isike.