Известные библейские стихи из Matìo 16

Поделиться

Yɛso n daŋso dzɛ̀ â Tsə̀təndə̄ghā tə wə̄n to enyəa, “Abugho ghùw so e bwîi â bàâ mùghò, ù n ni tsùghù enyəa e yo dzə̂ fəgha kə̀ li ko, ù m boo tsughu evʉ, ù n nùghù wô a bàâ mùghò.

Ǹ so Ǹ dzâa wô â ghù enyəa ghù lò Pità, mo e moʼnlò enyəa, à lò kənɛ, kəla Ǹ lo bəghaa tiso kɔʼɔ dzeŋe kə ghì a Kəzə̀ kaŋa ko a te, mo vʉ e kê bùʼ tsò yò aletughu tsəghà dzeŋe kə te ko.

Ǹ lo fughuu ghù â tsʉ kə̀ fɔ̀e u kəwālā ko. Ghəa zəla ghù tsughu boo tsughu fɛ am mbī, ghe lo bɔɔm boom sùghò èzə̀ alo kəwālā, zəla ghù tue maʼà tsughu fɛ am mbī, ghe lo tuu màʼn sùghò êzə̀ alo kəwālā.”

Nu ghùw wəla ù ləghaa alebəgha sə ghue u wə̄n, ù lo guŋù tuw kə wə̄n, wəla ù lo alegùŋù tuw kə wən ko aŋghəa zaŋā, ù lo zəa nù tuw ko.

Nu ghùw lo alezəā kɔʼ kə kwò abugho ù kele mɛʼɛ̀ fʉgha wo u dzə̀m am mbī a, ù ŋ kuuwn gùŋù tuw kə wə̄n à? Ŋkāa ghùw lò alekuūwn fughu tsəghà ndûw kə̀ kwò alezuū sə tuw kə wə̄n a te à?

Ù m bvʉ â ghee enyəa, “Ghɛ̀ yia sô kuuwn dzɛ̀ enyəa Ǹ lo ndughoo a?” Sǎemòn, tɔɔŋ Pità m bɛ̀lɛ̀ tsùghù enyəa, “Ghù lǒ Kə̀lestò, wɛ ù Zə̀ kəla kə mughù tən.”

Yɛso n daŋso bɛ̀lɛ̀ tsùghu wə̄n enyəa, “Dzɔ̀ lǒ â ghù a Sǎemòn wɛ ù Dzɔ̌n, nu à kà sə̀ŋò zən dê dzə̂ ghùw ù lì â ghù, à sə̀ŋò e te e dê Tsele waŋā wəla ù lò alo kəwālā.