Известные библейские стихи из Mak 13

Поделиться

Tomoniḅọ goyegoye ị̀ gose taraka se ọ́ wẹrịmaḅịa. Ọkụma anị inema mun kuluma la ḅọ goyegoye ḍụaḅọrọma nyanaḅịa.

Koru ḅụ ó sime pịkị ọbị ḅụ na, anịatịḅị sịkị mị laḅịa sịkị ó nemikẹ

Se ini ó kun se ó se ḅẹrẹkọn warị mun mẹ ḅẹḅẹ, sịkị ma laka simeogbo ómine ọkwẹịnḅịaye gose ọ́ ḅụḅalaḅala se ọ́ ḅụ pịrịma; sịkị mị ḅo lasịkị, ini anịsịkị se ọ́ pịrịḅịaye mị ọ́ nwọ ḍuko. Anịatịḅị ọ́ kọnḅịa ọkwẹịnma ọ́mịna ye kẹ; Fịafịa Tẹmẹ Ḅe ḅụ àrị ḅọrọ ḅoḅịa.

So na tomonikiri na ḅọrọḅịa, ọkụma ị̀ya ọkwẹịnma ngịsị ḅọrọ ẹkẹ.

“Gbọrịḅọ sọnị anị simeọkụ simeọkụ ene mị anịkanịka sịkị mị ḅo laḅịa sịkị nwọ nemikẹ—soḅie sime enjẹlapụma sọnị ini nemikẹ, pịkị Tọkụ Ḅe sọnị; Ḍaḅọ Ḅe kẹngẹ mị anị nemiye-ẹ.

Ọ́ pịkị ḅụfụka se ọ́ ḅụ pịrịma ó kpekima owu ḅe iriaḅa naaḅịa sịkị na ọ́ pịkị sasaju ḅụ owu ḅe ḅẹrẹ naaḅịa sịkị na. Ọkọ sime aye pakaḅịa, ọkụma àrị fiekẹ na kuluma mị ḅo lasam.

Anịẹrẹchị ó koru, anịatịḅị warị nyanaḅọ ḅe ḅoḅịa sịkị ó nemikẹ—sosi saso ḅiri-ẹ, anịkanịka ḍin karakarama ogbo-ẹ, anịkanịka enema ḅaka simeogbo-ẹ, anịkanịka ịrụapaka kirikiriḅịa. Bẹkẹma ḅụ ò ḅomẹ ḅẹḅẹ, ọ̀ mọnọ ḅụ ọ́ ḍọkịḅo ọrị ma. À ḍuko ọ́ pịrịarịye mị, anịọkụma, à ḍuko nwenimgba pịrịaḅẹ: Ó koru ḅụ sime!”

Ama jịnye jịnye na owusọḅịa; amanyanakiri owu se jịnye jịnye pakaḅịa. Kiri jikeḅịa nyọ nyọ ḅụ, ḅuruḅaa pịkị simeḅịa. Mayema eremeniḅọ tatarị yi ḅụ jikearị sịkị dada ḅụọyị ḅara àrị nwọ simemẹ.

Tẹrẹmẹ kuluma mị ḅo la ini tatarị Iḅiọkwẹịn mị ḍuko tomoni mamgba pịrịḅịa.

Tọn-apụ ị̀ya ẹrẹ nwọse ḅoḅịa, ḅẹ ḅịa, ‘Ị̀rị̀ ori-ẹ!’ se oḅori se tọn-a tomoni chịnḅịa.

“Ọkụma ómine ọ́ ḅụ ọbị se koru ḅụ simeḅịa, ini ó kun se ó se ḅẹrẹkọn warị munḅịa. Tẹkẹwarịma ḅie ini ó fomuḅịa, ị̀ tịḅị gose ọ́ ḅẹrẹtọn apụ na amanyanapụ na tọrọkọ chịẹḅịa; Iḅi Ḅẹrẹ mị nwọ ḍuko ini pịrịḅịa ẹrẹchị.

Anịatịḅị iruo Mẹsayapụ na iruo ịkịankoroapụ na pakaḅoḅịa. Ini elekima na ḅụgbiripumaye na nwọ ḍiepakụmaḅịa se oḅori se Tamụnọ Ḅe sẹlẹọkịsa apụma sọnị chịnḅịa ẹrẹchị, anị ḅọrọ sarasaramẹ ḅẹḅẹ.

“Àrị enema ḅie, ḅụfụka sịkị mị ḅọrọ sịkị, ịrụa mị kanakanaḅịa, akalụ mị ḅarị ḅịa ẹkẹ, lolia ma soḅie wẹrị sokoro koroḅịa, soḅie sime kụrọma jike se arịa nyọma ḅụ sikimaḅịa.